【2022年度推介歌單】
圖中11首就係小編年度推介,排名不分先後,嘗試簡潔地講吓重點:
(⚠️再次呼籲:請持續關注新歌,唔好等年尾睇叱咤先問邊個打邊個)
🔻【問題一】點解係11首,而唔係坊間常用嘅「10大推介」?
🗣答:小編以聽眾體驗出發,歌曲先後次序形成「起承轉合」,吸引聽眾完成全歌單,
缺少任何一首,有機會破壞歌單流暢度,例如,《#世界以痛吻我而我歌唱》成為《Freakin' Nightmare》及《下流社會》之間嘅橋樑,
聽完《我也難過的》心情沉重,歌單完結前,必需有《憶年》才釋懷,
另一方面,多一首歌有機會影響張力,例如,小編嘗試加 泳兒 作品入playlist,但擺入唔同位置效果仍欠佳.
※ 有關「起承轉合」,可以參考小編2月23日嘅post (墨綠色《Dog Man Star》作封面).
🔻【問題二】點揀呢11首?
🗣答:全年咁多好歌,小編有選擇困難,唯有等年尾網民最多討論時汲取靈感,整理時盡量喺「大眾化」、「藝術性」、「歌單流暢度」三個圈取得平衡.
🔻【問題三】點解係《地球上的最後一朵花》,而唔係Ian fans熱推嘅《留一天與你喘息》?
🗣答:據說Ian fans熱推《留》,因為當時只有呢首係903冠軍歌,但撇開fans club嘅agenda,小編認為《Distance》及《地球上的最後一朵花》更能展現Ian嘅作曲才華,另外,小編認為Ian應發展木結他編曲為個人音樂特色,所以本歌單選了《地》.
🔻【問題四】點解係《地球空心論》,而唔係串流熱播嘅《#到底發生過什麼事》?
🗣答:雖然《到》熱播,但眾多音樂評論及網民認為此曲太Dear Jane公式,小編特意推廣編曲逼力十足嘅《地球空心論》,讓大家認識Dear Jane另一面.
🔻【問題五】點解係《勁浪漫超溫馨》?
🗣答:Gareth T. 係近兩年冒起得最快嘅音樂人,上年年尾正式派廣東歌《勁》並跨年上榜,論《勁》嘅傳唱度及代表性,理應比《笑住喊》好,更值得被選入年度推介。呢度亦都突顯 903以播放率計算獎項嘅盲點.
寫住咁多先,有問題隨時發問.