《因為前世一個承諾，令我今世三十歲都仲係青頭仔》

pish

推推

訓醒推一下

星期日都推一推

（14）

欣欣坐喺客廳，敷住面膜，睇緊無聊嘅大陸綜藝劇。

「捨得返嚟啦咩，嗰張紙你諗住幾時簽呀？」佢問。

「我要考慮多兩日先。」

「慌死你真係肯成世唔扑嘢咩？到最後咪又係會簽，咁不如早啲簽左佢，咁咪你好我好大家好囉！」

條友大安旨意，睇死我一定會簽咁。

我費事睬佢，直行直過，行入浴室沖涼。

沖到半路，突然聞到一大陣𤓓味，仲有啲好臭嘅煙攻入嚟。

我拿拿臨著返衫，出去睇下咩事。

仆街！原來係廚房煲燶嘢，爐頭起火。

「搞乜嘢呀你？整咩搞到廚房火燭？」

「咪頭先煲燕窩唔記得睇火。」

跟住欣欣以命令嘅口吻同我講：「你唔好講咁多，快快脆救火啦！」

啲火燒到含含聲，成個廚房都係濃煙，屋企無滅火筒，我唯有入廁所，灌桶水出嚟撲火。

但係，啲火越燒越旺，濃煙更加攻到個鼻，抖唔到氣咁滯。

見情況唔對路，我當機立斷，拎齊銀包、鎖匙走人，

至於欣欣早就唔聲唔聲，揼低我衝落樓。

呢條八婆真係無好帶挈，累到我俾追數佬斬不得止，家下仲搞到我屋企火燭。

好在消防員好快就趕到，花左大半個鐘就將火救熄。

之後救護車就將我同欣欣送去醫院，檢查下有無咩大礙。

Samuel從新聞中得知我間屋火燭，第一時間趕嚟睇下我有無事。

「傑傑！你無事呀嘛？有無燒傷邊度？嚴唔嚴重？」Samuel一見到我，就好肉緊咁捉住我隻手。

「你唔好緊張，我無事。」

「真係擔心死我啦！頭先睇電視見到你屋企火燭，幾驚你有咩三長兩短！」Samuel仍然捉住我隻手唔放。

欣欣經過見到，出聲串鳩我：「咦？乜你諗住轉gay俾人玩菊花咩？」

「下？佢講真架？傑傑你終於諗通左啦！」Samuel笑曬口咁款。

「頂，你咪聽佢亂講啦。」

我講完呢句，Samuel下一秒就變臉，即刻扁嘴。

「我諗嗰張紙應該燒左架啦，不過遲啲我會揾專人，重新修訂過一份俾你簽。」欣欣對我講。

「傑傑，你地講緊要簽啲咩呀？」Samuel問。

「無，無嘢。」

過左一陣，差佬過嚟幫我同欣欣錄份口供，了解一下起火原因，然後就放我地走。

由於現場仲未解封，所以我返唔到屋企。

我要去Samuel屋企借宿一宵，而欣欣就返自己屋企。

「傑傑，啱先嗰個欣欣話你同簽嘢？係簽啲乜嘢？同埋佢真係你嗰個宿世情人？」Samuel一輪嘴不停追問。

為左自己耳仔著想，我一口氣答曬佢全部問題，將最近發生嘅事講俾佢聽。

「果然不出我所料！我第一眼見到嗰個欣欣，就估到佢一定唔係好人！俗語講得好，『好聽就女人，唔好聽就累人』，講到尾始終都係男人好，傑傑你話係咪呀？」

「……」我都唔知點答佢好。

「我睇你以後都係唔好再見佢啦，呢啲女人要唔過。」

「你講嘅都同我諗嘅差唔多。話時話，你之前咪帶過我去見嗰個慧真大師嘅？」

「係呀，做咩呀？」

「你可唔可再帶我去見佢一次？」

「我諗嗰個大師，應該返左台灣啦喎。」Samue回l答。

「咁你知唔知佢住喺台灣邊一度？我想去揾佢！」

「你要揾佢？」

「係！我想佢教我點樣先可以打破宿命，我唔想再俾呢段所謂嘅『宿世姻緣』綁架！」

「好呀！我支持你！我聽日就幫你查下。」

「仲等聽日？依家即刻幫手揾啦，你上網揾又好，打電話問人又好，總之越快揾到越好！」

「但係家陣都好夜，成十二點幾啦喎。」

「你訓啦咩？」

「未。」Samuel搖搖頭。

「咪係囉，咁仲等咩呀？」

Samuel「哦」一聲，然後行去熄燈。

「你做咩熄燈？」我問。

「訓教囉，又係你話唔好等嘅。」

「頂你，我叫你唔好等，意思係要你立即查下慧真大師喺邊。」

「哦~原來係咁~」

「仲『哦』乜鬼嘢，快啲開返燈，同埋縮開你隻手，咪趁黑媽媽，就借啲意抽水摸我屎忽！」

待續

啊samual堅cls

輕輕一推

好好笑

推一推

（15）

我同Samuel分工合作，一個上網揾，一個打電話周圍問人，最後經過一晚通宵，成功刮到慧真大師嘅住址。

天一光，我地就事不宜遲，去機場即日買機票，飛過去台灣。

到埗之後，我地要轉車，幾經轉折先嚟到台中郊外一間寺廟。

慧真大師就係住喺呢度。

入到廟，我地搵個廟祝出嚟問，求佢帶我地去見慧真大師。

點知對方卻回答：「慧真大師正在閉關修煉，不見外人。」

「我地係專程從香港，山長水遠過嚟台灣搵慧真大師，我有啲好緊要嘅嘢想求佢幫手，麻煩你可唔可以通融一下，帶我去見一見佢？」

個廟祝沉默左兩秒，諗一諗，先開口：「不好意思，我聽不懂廣東話，能講國語嗎？」

Samuel隨即幫我用國語翻譯一次。

個廟祝聽完就話：「大師閉關期間，任何人都不得騷擾，包括我在內，所以我不能帶你們進去見他。」

「那大師大概什麼時候出關呢？」Samuel幫我追問。

「這點我也不知道，恕我無法回答。」

「傑傑，佢話大師閉緊關，睇嚟我地今次白行左一趟。」

「既然一場嚟到，我地唔可以就咁放棄，一於喺度等，等到慧真大師出關為止！」

「但唔知要等幾耐，先等到大師先出關架喎？」Samuel話。

「等幾耐都要等，我相信大師只要感受到我地嘅誠意，好快就會肯見我地！」

於是乎，我同Samuel由中午十二點，等到夜晚十二點。

廟祝行過嚟勸退我地：「兩位還是回去吧，慧真大師這次閉關不知道要閉多久，你們這樣等是沒用的。」

「我地唔介意繼續等，因為真係好想見大師一面！」

「對，我們真的想見慧真大師一面。」Samuel用國語對個廟祝講。

對方嘆一口氣，然後好認真咁同我地講：「好吧，既然你們這麼有誠意，那麼就......繼續等吧，我先下班了。」

「咕—」成日都無嘢落肚，呢個時候個肚餓到打鼓。

「傑傑，不如我地都走囉，聽日先再嚟過啦。」Samuel提議。

呢附近渺無人煙，咁夜留喺度感覺唔太安全，加上個肚又餓，睇嚟都係走先，聽日再嚟過比較好。

我地決定就同廟祝一齊離開廟宇。

啱啱一步踏出門口，耳邊就傳來一把男聲：

「你們找我有事嗎？」

我一聽就認得出呢把聲！

係慧真大師！

我地三個無一個人開口講嘢，所以一定係大師用傳心之術傳話俾我地。

「老楊，麻煩你帶他們進來。」慧真吩咐廟祝帶路。

「幹！被你們害得我要加班了！」

廟祝一臉唔情願，帶我地嚟到寺廟內一間密室。

裡面四個角落頭分別放置一尊金佛像，慧真大師就坐喺正中心位置打坐，面前則放住一爐香。

「大師，多謝你肯見我。」因為對方識聽廣東話，所以我唔洗轉channel。

慧真大師雙眼閉合，神態自若：「你有什麼需要我幫忙的嗎？」

「大師，早排我終於遇到左嗰個宿世情人，真係如你所講，我果然只可以同佢做愛，但問題係我同佢兩個人完全都唔夾，而且遇到佢之後，仲發生好多唔好嘅事，點解會咁嘅？」

我吞一啖口水繼續講：「我仲以為所謂嘅宿世姻緣，會係一段美好而浪漫嘅邂逅，點知結果卻完全同想象中嘅相反。」

大師沉默片刻，然後以不快不慢嘅語速答我：「你和她之間，既是一段宿世姻緣，同時也是一段孽緣。」

「孽緣？」

「沒錯，我想你應該恢復了上輩子的記憶，那你記得上一輩子的你，是怎麼死的嗎？」

我回帶諗返嗰啲上一世嘅畫面：「我記得我同欣欣俾一班拎住斧頭、類似係黑社會嘅人追殺，最後走投無路，我就同嗰班人搏命，結果好似就咁樣俾班人劈死左。」

「那你還記得，你是因為什麼而被那些人追殺？」

喺大師循循誘導之下，我逐一喚醒返嗰啲前世嘅畫面以及片段，並重新整合一次。

「我記得啦！係欣欣！因為佢偷左幫會啲珠寶！」

將凌亂嘅記憶整理一次過後，我終於搞清楚來龍去脈：

我上一世生活喺舊上海，係一個黑幫成員，而欣欣上一世就係一名舞女。

我地結識於夜總會，只係相識無耐，上一世嘅我就被欣欣迷得神魂顛倒，唔小心透露左幫會收藏金銀珠寶嘅地址。

結果，對方一個唔該偷走曬所有珠寶，我亦因此得罪左幫會，所以就俾佢地追殺，最後仲死埋。

難怪大師話我地呢一段係孽緣，原來欣欣隨時會累死我，更唔怪之得，自從我同佢一齊之後，最近發生咁多衰嘢，又俾人斬又屋企火燭。

再諗返起第一次同佢見面，仲爭啲被車撞死。

除此之外，我亦都回憶返上一世嘅我，點解會發一個只愛佢一人嘅誓。

原因就係出於鹹濕兩個字。

當時我同欣欣上床剝曬衫，準備埋牙之際，對方卻突然要求我發誓，先肯俾我入。

欣欣上一世就已經咁鐘意利用自己嘅身體操控人，呢世嘅佢都係本性難移。

上一世嘅我精蟲上腦，為左扑嘢，因此就發左個咁嘅誓，導致到今世嘅我，無得同其他女人做愛。

性慾，有時可以係男人最大嘅動力，亦可以係男人嘅最大敵人。

「現在你應該明白了吧，以後是否要跟她繼續在一起，那就看你選擇了。」慧真大師對我講。

「我梗係唔想同佢繼續喺埋一齊，但問題在於，假如我唔同佢一齊，咁我以後都無得做愛，所以請問大師，你有無方法幫我消除嗰道貞操力場，令我可以唔受限制，同欣欣以外嘅女人做愛？」

「你說的那股力量，源於上一輩子你許下的誓言，是命運強加在你身上枷鎖，正所謂天命難違，恐怕它是無法破除。」

「無可能，我信大師你一定有辦法嘅！或者你施個法送我返上一世，只要我令到自己唔發嗰個誓，咁咪一天都光曬。」

「不行，過去的事情是無法逆轉。」

「一係揾辦法轉移嗰道力場？」

「不行，它附身在你身上，根本不能轉移。」

「咁求求大師你諗下其他辦法啦！我聽講你地學佛嘅人，好鐘意教人打破宿命架？」

大師無出聲，沉默左兩分鐘之後，問我，「你真的想打破宿命？」

「係！我要改變命運，打破宿命嘅枷鎖！」我答得非常堅決。

「可是，一旦宿命被打破，隨時可能遭到命運的反撲，可能會招致嚴重的後果，你有這個心理準備嗎？」

「我唔理咩後果，總之我就一定要衝破嗰道力場，我要自由戀愛、自由扑嘢！一句講曬，我要自由！」

「好吧，既然你有這麼大的決心，那我就傳授我畢生的秘訣給你。」

「秘訣？係咩秘訣？」

「氣形合意功。也許它可以幫你衝破那一道命運的阻力。」

Lm

越黎越衰
等睇主角倍價交換到仆直

lm

（16）

氣形合意功係慧真大師多年嚟，潛心專研出嚟嘅秘術。

係一種能醫百病，兼可以將人體潛能，提升到極致嘅氣功。

一旦練成之後，身體就會獲得強大嘅能量。

到時我嘅下體可以借住呢股力量，衝破嗰一道無形嘅力場。

只要隊穿道力場，咁就代表成功改寫宿命。

其實我一直都唔明白，點解上一世嗰一個我發嘅誓，會強加於今世嘅我身上？

就即係份合約唔係我親自簽，但卻要我履行責任。

就當係要跟返合約精神，咁是但一方身故，嗰份合約理應就自動失效。

上一世嘅我同欣欣都已經香左，無論佢地有過咩協議、承諾或者誓約，都係佢地之間嘅事，根本唔應該延續到後世，要我嚟承擔。

而我唔要做一個逆來順受嘅人，所以決定反抗。

經過一晚休息，我同Samuel養足精神，再嚟到寺廟。

為左避免外界騷擾，慧真大師特登吩咐廟祝，暫時關閉成間廟。

喺廟宇之內，佛像面前，大師首先教我如何運氣。

佢叫我先咬住一串佛珠，然後一步一步咁教我：「先吸氣八秒，然後閉氣十秒，再吸五秒氣，最後閉氣二十秒，這樣子你就慢慢聚集到『真氣』。」

我照住對方嘅指示吸氣、閉氣。

「你感受到那些『氣』匯集你身上了嗎？」

「好似有一啲啲。」

「很好，就這樣保持下去。」

如是者，我重重複複咁呼氣同閉氣，做足成粒鐘。

「大師，我已經呼氣閉氣左一個鐘，仲要練幾耐？」我有少少唔耐煩。

「不要急，欲速則不達，慢慢來。」

「咁樣練法，大概要練幾耐先練得成？」

「快則十年，慢則二十年。」

「下？廿年？有無快啲練成嘅方法？」

「你想多快？最快我可以馬上傳授給你也行，問題就看你肯不肯？」

「肯呀肯呀！」我lur左口中嘅佛珠回答。

「那你就把嘴巴靠近到我嘴邊。」慧真大師指示。

「你要我哄個嘴…埋嚟你度？」

「對，我會用嘴對嘴的方式，把我體內三分之一的功力，直接傳送給你。」

「咁咪即係我要同你打茄輪？」

「如果你不想的話，那就循序漸進，一步一步來吧。」

要我同一個七八十歲嘅老人家打茄輪，確實有啲難以接受。

推住等

「傑傑，我有辦法！」

呢個時候，一直旁住喺我地隔籬嘅Samuel提議：「大師你將啲真氣過俾我，跟住我再過俾傑傑你，咁咪得囉！」

呢個提議聽落好似好少少，但我都係唔願意同男人錫嘴。

「大師，用飲筒得唔得？」我問。

「你這樣婆婆媽媽，怎麼能成大事？」慧真大師教訓我。

我內心交戰，考慮左幾分鐘，最後決定豁出去，一嘢嘴左埋去。

「什麼？你真敢來？」慧真大師嚇左一跳。

我地雙唇對上，Samuel「嘩」一聲大嗌左出嚟。

此時此刻，我feel到有股強烈嘅氣湧過嚟，並通過喉嚨直達體內。

一分鐘之後，慧真大師縮開個口，表示真氣輸送完成。

呢一刻，我全身充斥住一股好強好強嘅氣，感覺自己充滿無比強大嘅力量。

慧真大師略有嫌棄咁，抹一抹個嘴：「好，你現在就將我剛才傳給你的真氣，全部集中在你胯下的陰莖。」

「點樣…點樣集中？」身體承受住強勁嘅真氣，令我不由自主咁顫抖。

「你把你所有的注意力，統統放在下半身，再嘗試讓陰莖充血。」

我按照大師講嘅步驟去做，先將自己嘅注意力轉移到下半身，然後就諗啲鹹濕嘢，令到自己扯旗。

胯下嘅七吋「巨龍」隨即開始充血變硬。

我望住褲浪越谷越漲，同時感覺到「巨龍」前所未有咁硬，而且仲一路漲大，龜頭直接頂穿褲浪位，破洞而出。

「嘩！好大抽呀...」

唔單止Samuel咁吃驚，就連我都嚇親。

條jer一柱擎天，扯到成條青瓜咁長，比起原本起碼長多左兩吋，直徑粗過一個廁紙筒，而且以呢個硬度，感覺有機會隊得穿大石。

睇嚟呢啲就係氣形合意功嘅威力。

今日寫住咁多，故事待續

推多推

下一步大師係咪要吮毒

又變gay故了