肥子come
2021-12-08 17:14:06
作為一個傻散,只要你肯買肯搏,唔怕高追!
好似30歲未到嘅我,每個月可以攞到至少百幾蚊盈利,加上精準眼光,加上我聰明頭腦,問下軍師意見,吹吹水,GEL下個靚頭,基本上我可以攞你每月兩百蚊利潤!所以我依家咁有錢,我都唔知點樣用。呀。
以前我上班,經常都自己帶瓶礦泉水,依家我直接係樓下七仔買支維他命水飲,因為有錢呀嘛,吓。
所以話傻散呢?一定要唔怕辛苦,唔怕窮,只要你肯努力,遲早一日都達到我咁嘅高度,依家我覺得有啲飄啦,有錢呀嘛,有啲迷失自我喇。
好似早一日,我就花咗大嗱嗱成千蚊買左TSLA,因為啲錢唔知用喺邊度。好似我而家買果啲股呀,無話論手計,論股計架!每隻都超過100蚊美金以上哦。
所有講呢,你哋一定要拼!搏!唔好驚辛苦,遲早一日,你可以達到我嘅高度。