1941年12月1號,日本御前會議決定向英美荷宣戰。
1941年12月1 號:第8次御前會議,日本決定向英美荷開戰
- 分享自 LIHKG 討論區
https://lih.kg/2792386
7號,詹遜爵士 Franklin Gimson嚟到香港上任輔政司Colonial secretary ,即係政府首腦,亦即係今日政務司。但好可惜,12月8號日軍已揮軍南下,到咗聖誕節香港幾經苦戰被逼投降,港督楊慕琦同一眾軍政首腦一夜間淪為戰俘。
根據《重光之路》記載,一開始戰俘營內瀰漫住戰敗嘅負面情緒,因為歐美僑民原先以為大英帝國可以保護佢地,而家兵敗搞到佢地變晒階下囚,所以佢地對香港政府首腦好大怨氣。
但點都好,Gimson 仍然有辦法成為一眾營友代表,仲試過同日軍交涉個陣署名C. S.,當時軍問起佢就話係Camp Secretary
港督楊慕琦被送離香港之後, Gimson就係前殖民地政府最高級官員。當時一眾營友偷偷地聽收音機嘅盟軍廣播。到1943年日軍破獲BAAG情報網,日軍展開大搜捕,仲瘋狂毆打防衛司Fraser要佢篤灰詹遜同收音機有關,但Fraser唔肯,10月29號連同30幾人被處死,而詹遜逃過一死。
到咗1945年8 月,日本天皇通知全體國民(玉音放送)將會投降,各路人馬(英國/中國國民黨政府/中共)亦搶奪香港,當時駐港日軍都唔知向邊個投降。依個時候BAAG有3個特工由澳門潛入香港,向Gimson 傳達嚟自倫敦嘅命令,佢馬上搶閘就任港督,為英國重建香港管治立下基礎。
//事情的推進點在8月23日,英軍服務團梁潤昌帶著一封密令從澳門來到香港,並交到詹遜手上。密令由英國政府發出,內容是指示詹遜成立臨時政府。手執密令的詹遜即時得到英國政府的授權,遂於8月26日從日軍憲兵手上接管法國傳道會大樓,並於8月28日以大氣電波向香港島市民宣佈臨時政府成立,成功搶在國、共兩軍,甚至美軍之前,率先宣示香港主權。
英國的第一步棋順利達成,但詹遜亦未有放下步伐,繼續擴大臨時政府的規模,增派警力維持治安之餘,又指示梁潤昌等人四處搜羅糧食,以解決香港在戰爭末期的饑荒危機。儘管詹遜成功重新建立英國在港的管治權,但國共兩軍的逐步進逼,加上新界等地尚未收復,臨時政府急需要強大援軍的支援才可以鞏固其管治權。正當此時,夏懿少將率領的英國太平洋艦隊已駛至香港外海附近。//
https://lastminhkhistory.com/archives/1963
好快夏愨艦隊抵達香港,香港正式回歸英治。而Gimson 同香港計劃組嘅麥道高主持大局之下,香港雖然物資貧乏,但好快就就復工復學,比鄰居地區恢復得快。