水滸好漢VS三國武將,邊個好打?

(三國和水滸公認第一)
呂布VS盧俊義=?

(大家都用曾用槍,有萬夫不當之勇,而且2位幾乎冇敗仗)
趙雲vs林沖=?

(關勝係關羽後人,2位都係用青龍偃月刀,絕技都係拖刀斬,連D鬍鬚都好似)
關羽vs關勝=?

(公認三國和水滸中神箭手,百步穿楊)
黃忠VS花榮=?

(大家都性烈如火,力大無窮)
鲁智深VS張飛=?

(大家都係用腦派精通兵法奇謀,用計,吳用經常自比孔明)
吳用VS孔明=?

總括黎講:
三國好打,好評
水滸好打,負評

趙雲對林沖
一定係林沖贏

因為

沖上雲消

歷史人物都唔知有冇其人，仲要論好打..

好多連登仔玩三國遊戲到

呢到都唔知有幾多人真係睇過水滸傳

你叫人投票...搞笑咩師兄

奇怪，水滸傳算易睇又多打架動作，似金庸武俠小說feel，又冇紅樓咁深

冇咩連登仔講，反而三國金庸成日講
可能冇咩水滸game

小說vs小說嚟講，水滸係好打好多，三國現義如果係誇飾史實武將嘅武力，噉水滸就直頭係套名/虛構一班超人，水滸個武力upper limit係高到奇幻

水滸入面雖然少講，但係係有神仙背景，遼國元帥擺咗個太乙混天象陣，宋江靠九天玄女報夢先搞得掂

首先定個bench mark
武松五七十拳打死吊睛白額虎

之後睇水滸嘅關勝，關勝明顯高tier過武松好多，關勝一抽二打秦明同林沖

仲要有個再離譜啲嘅玉麒麟盧俊義

詳見第八十四回
《宋公明兵打薊州城　盧俊義大戰玉田縣》
盧俊義又說：「力敵四將，被我殺了一個，三個走了。次後又撞著一千余人，亦被我殺散。來到這里，不想迎著將軍。」

一千士兵遇著盧俊義都要走

仲有入雲龍 公孫勝
三國嘅孔明都係借東風姐
公孫勝同喬道清識召龍

第九十六回
《幻魔君術窘五龍山　入雲龍頭圍百穀嶺》
喬道清又捏訣念咒，把手望北一招，喝聲道：「疾！」只見北軍寨後五龍山凹裏，忽的一片黑雲飛起，雲中現出一條黑龍，張鱗鼓鬣，飛向前來。公孫勝呵呵大笑，把手也望五龍山一招，只見五龍山凹裏，如飛電般掣出一條黃龍，半雲半霧，迎住黑龍，空中相鬥。喬道清又叫：「青龍快來！」只見山頂上纔飛出一條青龍，隨後又有白龍飛出，趕上前迎住。兩軍看得目瞪口呆。喬道清仗劍大叫：「赤龍快出幫助！」須臾，山凹裏又騰出一條赤龍，飛舞前來。五條龍向空中亂舞，正按著金、木、水、火、土五行，互生互剋，攪做一團。

懷疑樓主冇睇過水滸傳

水滸歷險好玩

水滸入面好多都係步兵隻抽（e.g. 黑旋風李逵／武松），三國武將sell嘅係馬上作戰，已經冇得比較

無記錯，有次打仗李逵一衝出嚟就係大脾中箭gg

相比之下， 花榮係比較「馬上作戰」型，大戰好有用，但都試過俾幾個官兵喺飲宴埋伏就已經捉到

睇過，係dd奇幻，但又未去到西遊記咁奇
所以比較下三國

仲有好多勁得黎唔合常理

張清玩飛石，可連傷梁山十幾位頭領

水滸角色有個分野，江湖出身同朝庭出身，江湖人主要善步戰，官場出身就善馬戰，當然有例外就係魯智深

梁山特登組咗個馬戰體系
馬軍五虎將
馬軍虎騎
馬軍小彪

算係作者填補返太多江湖人打步戰唔合理嘅問題

封神演義》西遊記》水滸傳》三國演義
封神演義=神仙係炮灰
西遊記=神仙係中堅
水滸傳=有堆人接近神仙
三國演義=好好打嘅人
個奇幻定位大概係噉

認真啲比較的話，水滸後期，收 呼延灼／董平／張清 嗰啲戰役 先係比較適合攞去比較三國武將，之前9成9都係用奸招／屈機／埋伏

其實盧俊義都係得個名，書入面好似冇威過（有睇過啲分析，話水滸班友點解咁鍾意佢，係自卑心態所以想搵個有名望嘅有錢佬去充撐場面）

雖然睇過但有d唔太記得

好似唔計武松，仲有人打死老虎

邊個水軍統領，好似可以水中潛伏幾日

唔知邊個結局去泰國做國王

好似搵梁山代言人，所以搵盧俊義

但記得堅勁

國家體系武將對流寇 打仗水滸班人收得皮
打爛仔交50 50

盧俊義雖然有柒味

但係堅好打架 打耶律家四兄弟果時威到癲
一挑四 斬死一個 另外三個即時著草

「約鬥了一個時辰，盧俊義得便處，賣個破綻，耶律宗霖把刀砍將入來，被盧俊義大喝一聲，那番將措手不及，著一鎗，刺下馬去。那三個小將軍，各喫了一驚，皆有懼色，無心戀戰，拍馬去了。」

耶律宗霖宗雲宗雷宗電四個都抽得下架
霖雲雷電vs兩個五虎將兩個八虎騎
4對4大約55波

盧俊義
1挑4 斬死咗耶律宗霖
另外三個即刻走
睇落應該壓倒性優勢啦

混江龍李俊

真行軍打仗，當然三國人勁，帶兵帶多d
所以我只計隻揪

我都諗梁山泊呢啲山賊喺三國演義裏便應該只係提幾句就話俾人消滅左，


但係又好似好多頭領好神勇可以同三國頂級武將一戰咁

其他唔講 硬係覺得魯智深勁過張飛

盧俊義起書入面未上梁山前已經係高手嚟，仲幾有名，宋江做梁山老大，驚下面太多高手，自己無能力壓場，所以搵盧俊義空降做第二把交椅。
浪子燕青係佢僕人都有咁上下身手做36天罡星

水滸運兵斬好癲架

三國演義帶兵著墨多姐
但係水滸個世界觀係神化好多

如果搬水滸套太乙混天象陣落三國係無解
小魔女doremi個魔法舞台陣都搞唔掂

威威已經係後傳.... 不過佢都係7

唔聽燕青話，最尾飲水銀死.....