大家好,有關恤衫問題想請教大家。
早年喺銅記間852 Talior造咗3件裇衫,着上身無咩問題,整體都幾滿意。唯一問題就真係一定要燙完先着得出街,不過着上身好快都會皺,唔知係咪我大動作定點
之後搬咗出嚟住,無咩空間就轉着g2000嘅免燙系列為主,就算郁得多會皺,皺得無咁嚴重先。爬咗少少文,應該大家都唔建議買免燙,因為質料同舒適問題?
咁我因為轉工,工作需要着番斯文、smart casual為主,所以想請教大家,預算三、四百一件嘅話,有無邊度買到無咁易皺嘅裇衫推介?就算成衣都無所謂——我之前都係着開g2000免燙啫
本人偏瘦,高179、重約70kg,所以歐美品牌未必適合,因為綜觀都感覺偏大件,唔太適合亞裔人士?
謝謝各位 。