沿路轉搭山手線
2021-11-22 19:02:39
「最後的信仰 talking:有好多人問點解我會去tvb台慶,我而家就好想係呢個live裡面好坦誠嘅話俾大家聽點解我會去tvb。
其實我做咗廿年音樂,我一直都好相信音樂係應該冇分國界,冇分任何嘅邊界。因為音樂,本來係要用黎溝通,唔係用來孤立嘅。
我哋一直追求嘅係百花齊放,唔係咩?
我今年開咗自己嘅音樂教室,我想嘗試傳遞一個信息,就係音樂應該係無分邊界嘅,應該一生只為音樂嘅發展,如果我去分得咁清,分得清清楚楚,咁我教出來嘅學生,咩唔係會墨守成規同故步自封?
我哋做音樂嘅人,我想我教出來嘅學生我好希望佢哋明白一個訊息,音樂係應該懂得海納百川。而呢個就係我嘅信仰」
上tvb 追求百花齊放...