雖然好多邊緣性人格障礙嘅人都係恐怖情人 但係唔代表我哋唔識學習 唔識長大 雖然同正常人比我哋真係情緒唔穩定又有時好敏感 但係我哋都可以係好嘅男女朋友 正正係因為我哋好敏感我哋知道咩行為會令到對方唔舒服 我哋就會忌諱 我唔否認我曾經都係一個恐怖情人 會用死去要脅男朋友 又會講大話 但係我自從幾年前俾人狠狠咁扔過之後 我好似真係學識咗 宜家我有一個一齊咗幾年嘅男朋友 佢知我有病 佢好錫我好包容我 我好感恩有佢嘅存在 而佢嘅存在都令我想變成一個更好嘅人
可能你唔信恐怖情人會有咁樣嘅覺悟 但係其實好多邊緣性人格障礙嘅人都好聰明 只要佢哋想改變佢哋係有能力可以改變