認真討論 移左去英國, 生活質素係咪會差過香港?

香港散戶炒股好細機會要俾

我冇話香港可以有前途，但起碼要接受到做一份你係香港唔會做嘅牛工，接受到就得

見個個都話移民做閪工做住先，但冇人諗住份閪工隨時要做十年廿年三十年

有冇見過外國老人院同香港老人院嘅分別

工時？
自由？

空氣？

教育？

最低工資都£10/h

而家講緊黎緊三四十年點維生，要做牛工閪工
你講咩老人院？

如果你追求嘅物質生活
咁的確唔使移民，係香港都可以好唔錯
反正飲飲食食都係靠進口

不過移民嘅人追求嘅唔止口腔期、肛門期依種基本生理需求
我諗等你追求高於依種層次
先可以開始討論

同問
其實移咗民嘅大家會/做緊咩職業? 本身喺香港又係做咩? 去到嘅香港人通常做咩多?
雖然話外國打份hea工都夠食夠住 但以香港人習性應該唔會甘於喺低位過日辰?

我唔知樓上點為止閪工
我只係喺英國見過Holiday Inn front desk 有個後生鬼妹教個上咗年紀嘅老年叔叔點樣用 printer 印 invoice

其實好簡單
要搵大錢一定係留港，但大家都知要搵大錢就要出賣自己出賣人地
要生活質素就一定係外國
大家追求嘅野唔同無咩好爭論

好老實同你講
97以左文又返嚟香港嗰啲全部都係返嚟賺錢咋嘛

不過其實自己衡量啦
人生流流長。試吓多啲唔同嘅嘢
大膽嘅 返去大陸住下體驗下都得㗎

我諗呢個就係香港教育問題 或者 我地一直被灌輸嘅觀念
喺香港你向上爬先可以搵大錢，愈想搵大錢就要愈向上爬
喺外國你做多咗，同事反而覺得你做壞規矩
香港人會覺得工作=生活，外國人會諗生活>工作
真係睇你點睇

英國唔係得倫敦

倫敦乜9野都貴

如果打算做下欄工

唔使住倫敦


做倉 人工實收20000 港紙一個月 （6:00am-2:00pm)
踏單車返工 ，落雨揸車

如果單身租一房一廳apartment $7000 左（有廁所廚房）



水電煤+council tax$2000到

養車 HK$2000 油+車雜費

其他食野 買黃label 就過期個d平 得好平

如果有少少錢炒下美股 當花紅

你有女朋友 一齊返工冇小朋友 生活質數一定好過香港

真係想移民嘅話，首先我建議你要先學識一樣嘢，就係 (邊度錢邊度使) 唔好成日同香港比較，因為每個地方嘅生活模式通脹同稅制都唔同，如果你帶住呢種諗法去移民，無論去到邊度你嘅生活都會過得好辛苦。

買餸真係平過香港
衫褲鞋襪去primark 好抵
仲平過香港
車費就真係貴 本地人都係咁講
不過人工高d
其實超市多數九鎊幾一個鐘
車費就去左一個鐘到
所以有d人踩單車返工

但最緊要既係 係英國你有機會買到house 有花園
係香港 你只可以捱生捱死供個flat 仔

英國衣食住都可以好平
但行一定貴

同意
我返工個陣 我一急 同事就話slowly slowly
Don’t too rush

又咁講
英國賺英國洗其實個price level 唔係特別高
車費呢啲揸車解決到
但是無商場行真係有啲悶

標題問生活質素，內容講錢，錢=生活質素?

如果係嘅話，咁係香港做專業人士/做生意好d嘅，英國稅高太多了，office工人工平均亦比香港低少少。

但對我黎講生活質素係Work-life balance，係閒時天氣好可以揸車去唔同小鎮/古蹟郊野公園/海邊行下，係可以用合理嘅租金租到夠大嘅居所有空間玩HiFi，係放假用甘幾三十磅就可以飛去歐洲旅行。

生活係香港比較難做到......

收租比capital gain tax ? 樓豬知唔知咩叫capital gain 但呢度生活真係好差好差 千祈唔好過黎

楂車依邊先 14 蚊一公升香港要成廿蚊....
商場咪楂幾十分鐘車實有個似樣的地方行下食下 food court 的