認真討論 移左去英國, 生活質素係咪會差過香港?

自膠，係英國

炒股香港都要交profits tax?????
你up乜鳩

唔會，啲車會避你

唔係交唔交通問題，共產黨d cam 都話用係交通度

問題係你對個政府的信心

昨日入左 141p
兩邊比，差唔多路程 8折左右，踩遠啲 7 折

薪金多果少少但日日食屎

四五十歲繼續執倉搬貨

搬貨都係暫時，等建立左社交圈子，又開始熟悉英國社會，自然會有新出路，除非個人無咩要求

我係指話留係香港執倉搬貨冇問題果D

freetrade有ISA可以炒美股，不過每個月收三磅

香港油卡4蚊起 所以一鳩樣

或者咁講，香港搵錢外國使係最爽

都唔係架

係香港番工 都好大壓力 人又西 工又西

好多人都係因為呢個原因

萌生移民呢個念頭

睇好唔好彩
英國比歐洲某d國家無咁bicycle friendly

真 喺英國見到啲車唔會缽啲單車 真係喺後面keep distance 跟住
同埋好多燈位都有cycle space, motor car 停燈位唔入得個格仔

at least 好過香港啦

咁一定

我移民半年生活質素真係比以往喺香港差唔少。我俾朋友老點咗去一個離倫敦市中心成150公里遠嘅地方，喺呢度市內火車一個鐘只有一班，搭一個站火車用埋 railcard 都要 £2.4 （今年9月開始減價，下晝或者星期日搭就 £1.9 ），而條鐵路只係一條普速鐵路，想出倫敦市中心行下要搭1:50先到。

而巴士方面，總共有4組特快線服務我住嗰頭，但幾乎全部都係去同一個地方嘅，而且4組之中有3組都係半個鐘一班，但全部幾乎一齊開（我估應該係就醫院返工時間），剩返嗰條就不規則班次。而巴士車費都唔平，嗰條特快線5公里車程，其中一間公司，服務質素比較好嘅就車費£2.6，但係一入夜就收車，另一間就£3.1，服務時間比較長。雖然兩間公司都有月票，但係就無兩間公司通用嘅月票，只有週票，一個月買4.5張通用週票平唔過買哂2間公司嘅月票幾多。

除此之外，社區設施亦相當缺乏，泳池只有25碼同25米嘅室內泳池，一個室外標準池都無，要去近倫敦嘅地方先有。食方面，呢度係甚少餐廳選擇，低級餐廳方面基本上係無嘅，唔似得倫敦唐人街，唔使£7就有低級自助餐；至於高級餐廳方面，呢度啲高級自助餐館係埋哂啲偏僻地方，晚市時段只有一條一個鐘一班嘅巴士線途經；反觀倫敦附近地方嘅高級自助餐館，係開喺火車站附近，方便人搭火車過去，而且重要平過呢頭，我星期六晚過去係要等位架。購物方面，呢度嘅所謂大型商場係一個兩層大L形，中間一個大停車場，但係商鋪選擇甚少；反觀倫敦附近地方，係多層大型購物商場，而且大量餐廳選擇，應有盡有，同香港嗰啲無分別。

去到最後，我重要因為各種原因得罪哂呢度所有朋友。我本來打算搬返出倫敦市區，點知我最想入嗰間公司又偏喺呢個鬼地方，最後重要俾我攞到滿意嘅 offer ，變咗唔使旨意有得走。搞到我而家勁悶，我又唔捨得個個星期俾成£43.4搭車出倫敦市中心（如果換住係香港，由屯門搭火車來回九龍市中心都係$43.4，不過係HK$囉）

講漏咗，呢度食物都唔平得去邊，壽司同餃子貴香港幾倍（呢啲我係喺香港當快餐咁食用來填肚），菜都貴過香港，係pizza，肉類同意粉先平

連登基本回覆：返大灣區囉

你冇車牌?

我有，不過養車重貴過搭巴士火車

6. 去英國炒股要比profits tax，喺香港炒股本身就係比緊tax

其實英國big4都一樣咁chur