1. nokia無賣公司，當年賣俾ms係nokia mobile，連同品牌授權兩年定三年。而nokia自己仲有好多產業，如nokia networks同nokia technologies，上幾個月仲收購咗Alcatel-Lucent。
2. ms賣返出嚟俾鴻海嘅係nokia mobile入面其中嘅功能手機生產業務，即係手機生產同製造嘅業務，當時連同越南廠房加過萬生產線員工一次過塞哂俾鴻海，仲有鴻海係台灣公司。另外，pureview、clearblack、glance screen等nokia lab技術仲係俾MS死人霸生地
3. HMD係由前nokia mobile高層同設計師組成，而佢哋係獲得nokia手機及平板品牌授權十年，而nokia都安排咗高層加入hmd董事會作監察產品品質。另外，nokia自己公司亦專門成立部門去同hmd溝通同專利授權，換句說話講，HMD係可以使用nokia核心技術去設計手機。
4. hmd由於無生產線，所以將生產工作交由富士康(鴻海)代工生產，而生產關係同一般手機代工無分別，hmd擁有所有設計權同專利。
5. google提供最直接嘅軟件支援俾hmd生產android手機，即pure android。因為pure android基本上係大勢所趨，好多電話生產商個ui已經愈減愈少垃圾apps，愈嚟愈接近原生android，所以hmd基本上無必要再花錢落ui開發上。
