梁xx
每次覆診都要等坐底1個鐘以上
出面成日唔夠位坐,要企
入診室,護士問有冇咩唔舒服、漱口
除咗口罩再等,10分鐘以上係閒事
醫生到
護士2,3句內轉述我頭先講嘅說話
醫生聽完護士講,唔會再問我
叫我mak大口,望冇10秒,直接落手換鋼線
搞完一輪,唔會同我解釋做咗乜,走人
如果我唔開口問,梁醫生真係同病人冇對話
(”mak 大口、合埋口、咬實” 呢啲係指令,唔算對話)
試過中途問問題(趁遞工具嗰時)
問點解d牙會越箍越斜,gummy smile,越來越樣衰
佢答我:因為啲牙移動緊
我都知啲牙移動緊,咁佢有咩目的要令我啲牙斜一邊?
冇㗎,就係移動緊囉
三兩下手勢做完醫生就走咗喇
佢走咗,我再有其他問題,只好問護士
護士態度係好,但個答案都好hea
診室入面嘅護士有幾多專科知識呢?
有次遇著個護士,連工具都唔識遞,梁醫生開口話佢
根據佢地流程,每次病人離開診室前
護士都應該俾塊鏡我照,同我講戴乜橡筋,戴幾多個鐘,確保我識戴橡筋係正確位置
叫我感覺下鋼線尾有冇拮肉
嗰次個護士乜都冇做就叫我走
唔知係診所流程改咗定係點啦
係我反客為主,主動問返上面個流程
事後我諗,如果我唔識問,懵盛盛走咗而又真係有問題
咁就大件事喇
出到去
次次都係冇位坐
Reception護士態度係好但又忙到飛起
等到排板出嚟佢都冇時間
我又再企住等
近幾次都有唔少出錯
我聽到其他病人同護士對答,出錯有
入面護士寫錯排板搞錯橡筋種類
入錯下次appointment 時間
俾漏橡筋
信上人名出錯
收錯錢
真實用家,真實經歷
建議大家搵梁xx要做好心理準備
你同佢最多對話就係consultation 聽報告嗰日
以後就係對護士多過對醫生