木門對木門 竹門對竹門
萬年不變既道理
退一萬步講 就算條女鍾意你 唔介意
佢爹哋媽咪都唔介意
你自己過唔過得你自己果關
唔係話錢代表D咩 但係你哋眼界根本都好唔同
依家未一齊就話鍾意姐 遲啲一齊咗 熱情過後得返現實
個女仔帶你出去 發現原來佢覺得理所當然嘅嘢你好多都唔識同得唔到
舉個例 有人日日食高級餐廳好似你落一轉大家樂
又或者人地覺得幾皮野買個袋唔貴 順手拎幾件幾千銀既衫都無咩事
但係你仲諗緊今個月買新iPhone要分期付款
再現實少少 條女住開大屋 佢覺得百幾二百呎一間房係正常
但係二百幾呎可能係你做十幾年工捱麵包先夠係屯門比首期買到既一間屋仔
個差別就係咁大 醒啦仔