譚得志被控煽動　陳廣池屢質疑辯方專家報告　稱魚旦革命「係食環控制引發，定預先安排都唔知」

極速神驅 2021-10-19 16:28:18

人民力量副主席譚得志（快必）被控發表煽動文字、煽惑他人參與未經批准集結、在公眾地方內擾亂秩序行為罪等 14 項控罪，案件今（19日）在區域法院續審。辯方專家證人、港大語言學教授梁曉姿接受控方盤問，期間法官陳廣池多番質疑梁曉姿的報告內容。當中，梁曉姿在報告中提到 2016 年的「魚蛋革命」，是由食環署對小販的控制所引發的衝突，陳廣池質疑「到底係食環控制引發，定係預先安排都唔知」。

另外，今早審訊期間，旁聽席有人疑特意大聲咳嗽，一名男子在法官陳廣池追問下，主動承認並稱咳嗽難忍，最終被法官逐出法庭，並指令：「既然佢（該男子）唔舒服，忍唔到咳嘅話，我而家頒令佢唔可以再進入法庭」。(另見報道)

控方署理副刑事檢控專員周天行，今針對梁曉姿的報告作出盤問。梁曉姿在報告中提到 2016 年的「魚蛋革命」，指「這是一場關於農曆新年期間賣街頭小吃的小販衝突。雖然衝突引發暴力並導致拘捕的情況，但該衝突的成因是一個社會問題，由食物環境衞生署對小販的控制引發。」對此，陳廣池質疑「呢句都有問題喺到」，指事件「到底係食環控制引發，定係預先安排都唔知」，直指梁的報告使第三者有「偏離」情況，「係咪咁發生都唔知」。

陳廣池建議梁曉姿「可以（寫得）中性」，僅交代 2016 年曾經發生過這件事即可，毋需說明為何會發生這件事。梁解釋，她的用意是想指出「革命」一詞，最先由西方媒體帶起，並非示威者「拎住 Banner 話自己發起革命」。

此外，陳廣池又指梁曉姿在報告中，花半頁引述某報道於 2019 的街頭訪問，提及受訪者「劉同學」、「譚同學」對「光復香港」的理解。陳廣池表示「成日話報章，但有啲唔係報章，係網媒嚟架嘛」，並質疑「劉同學」、「譚同學」的出處，追問梁為何如此看重有關媒體。

陳廣池又指，專家如此謹慎，但受訪者「連個全名都唔畀我喎」、「劉同學係咪真係叫劉同學都唔知」、「係咪姓譚唔知，學生哥姐係唔係在職人士？（訪問中）5 個人係度，係咪真係5個人，定一個人扮 5 個？」

陳廣池指，作為專家報告，查證是重要和簡單一環，「點解你咁著重坊間人士的說法」，質問梁「你個答案係咩？」。陳廣池又稱：「作為專家，仼何一個傳媒人士，我第一件事睇源頭係咩，『譚乜乜』都唔講喎，你又大幅引用，我就覺得好奇怪。」梁同意「唔理想」，陳廣池追問「乜嘢唔理想」，梁表示街頭訪問無法證實受訪者身分「係唔理想」，但解釋由於她無法返回兩年前，親自和街頭人士訪談，故只能引述當時的報章報道。

https://www.thestandnews.com/court/%E8%AD%9A%E5%BE%97%E5%BF%97%E8%A2%AB%E6%8E%A7%E7%85%BD%E5%8B%95-%E5%AE%98%E5%B1%A2%E8%B3%AA%E7%96%91%E8%BE%AF%E6%96%B9%E5%B0%88%E5%AE%B6%E5%A0%B1%E5%91%8A-%E7%A8%B1%E9%AD%9A%E6%97%A6%E9%9D%A9%E5%91%BD%E4%BF%82%E9%A3%9F%E7%92%B0%E6%8E%A7%E5%88%B6%E5%BC%95%E7%99%BC%E5%AE%9A%E9%A0%90%E5%85%88%E5%AE%89%E6%8E%92%E9%83%BD%E5%94%94%E7%9F%A5

拋西瓜拋到破產 2021-10-19 16:31:00

呢隻野又親自落場踢波
次次都係咁

又係改名嘅時候 2021-10-19 16:31:57

然後如果屌佢唔中立要求換人
佢就自己判自己中立所以唔換