大家點捱過人生最大壓力/最低潮嘅時候?

靠屋企人支持撐落去
果時無論咩都無晒
仲差落大筆數
係屋企人無放棄過我
幫我還錢
陪我渡過難關

全世界都放棄我
係得佢哋無放棄過我
佢哋係我人生最重要既人
無咗佢哋我無辦法生存落去
好想可以成功報答佢哋
而家好感恩有咁好既家人

真
呢排屋企同工作都唔順
仲要撞正有朋友借錢唔還
（話就話會還，但成日見佢去吃喝玩樂，搵工就嫌三嫌四，冇份工返得長）

有陣時好灰心嘅係，我本身唔係一個會俾麻煩人嘅人
我好少要朋友幫，亦從來唔會問朋友借錢
點解身邊一個二個都唔生性，甚至鍾意踩多腳落嚟

所以依家人愈大愈少分享自己事俾人聽
因為你知道分享完出嚟係冇用
人哋聽完，隨時只係多咗個茶餘飯後嘅話題
最後面對、解決嗰個係自己

Sorry 好似突然放咗負

曾經我都係，分完手個世界好似冇晒
好難挨架 我有埋抑鬱
呢個狀況我持續半年終於好轉
可能你而家乜都聽唔入耳
但所有野都係靠自己同時間
加油！

由每日温書5分鐘開始，咁一星期温左35分鐘，總比零好。下星期試「每日十分鐘」

如果你定個目標俾自己係「今日全日要温書」，個身體反應反而係會驚，會想逃避，覺得「全日24小時好多好長」，反而會24小時唔讀書。

同玩啲手機game 一樣，頭幾關梗係容易，每次同自己講「玩多一關」，咁幾個鐘頭就無左。温書都要設計都呃自己個腦「淨係温少少」。

我試過無數次假期要留係屋企執房又好、温書又好，結果成個假期係電腦面前打機… 失敗過太多次

單親家庭長大，追女每次都比人拒絕 所謂拍拖都係對方比人飛完揾我做水泡 今年仲要外婆患上腦退化跟住比狗咬 仲要EX趁機落井下石 到前幾個月狗先話拉錯人，工又冇左女又冇左 簡直人生最低點
仲要佢生日我又親自揾禮物又酒店又晚餐，我生日就連正日都唔見人

同你一樣 分左手幾日 不過時間短d 5年
依家做任何事都有佢既影子
番番下工無啦啦會眼濕濕
依家唯有搵多d野做 令自己忙d 唔好諗咁多

總有唔忙既時候，
但當正常生活咁，
呃到屋企人呃到朋友呃到同事。

我令啲貓繼續生存
啲貓又令我繼續生存
但大家嘅生存都冇乜意義

有無咩書介紹

我明 我真係明
當你做任何一件事都可以諗起佢,
就知道佢係我心目中有幾重要.
D人話時間可以沖淡一切,我唔係唔明呀
但未沖淡呀嘛
唯有盡量塞滿D時間佢
依家我番工番學做GYM打機打到眼訓就訓,令自己好受D

比我會想要老婆
有錢 但無真心愛自己既人 人生好悶

敢問大師法號？

人生就好比一個electrostatic potential field,
there is no local minimum and maximum

個陣真係好大壓力
你而家情況點呀？

個一年係點過

同件衫一樣

瘋狂打飛機

我都經歷過，最痛苦係defense前半年到committee accept我份thesis嗰段時間，大概都有9個月。當時如果grad唔到，5年嘅心血同時間就付之東流。
好彩嘅係有個好老婆一路陪住我，放假會捉我去玩去輕鬆一吓。碌過咗呢段時間後，就覺得人生無乜難度。
而家返工，原來萬大事都有得傾。之前有個西上司搞到我唔想撈，我遞信後有對上嘅高層留我，同埋應承會鉗制下呢個上司。
暫時真係無嘢難得過PhD嗰期。
btw, 加油！

好多年前啦
個陣後尾轉咗行揸uber
宜家同台籍太太結婚之後過咗台灣長居