1 男人60歲時,樓主46,都仲話可以互相照顧,敢問男人80時,樓主66,點樣互相照顧?你樂觀到認為80歲嘅男人可以照顧返66歲嘅女人?
2 首先人哋眼光即使唔重要都一定會影響到自己。第二如果認為自己幸福重要咁就更加應該考慮現實嘅問題。第三你唔好假設佢一定唔會後悔,亦唔好假設佢哋分開之後樓主會後悔,我哋冇人知道佢點諗,我地只能夠提醒佢呢一刻仲有得揀,係咪肯定可以接受到我講嘅11樣嘢未來唔會後悔?我哋唔應該估佢點諗或者估佢會唔會後悔。
3 冇錯個男人呢一刻一定好憎前妻,不過會唔會為咗個女做啲乜嘢呢?樓主要自己諗,我哋冇人比佢清楚
4 我冇假設樓主作為繼母會係好定係衰,即使培養好感情,反骨嘅子女比比皆是,幫返親生老母亦唔出奇。重申一次,我不作任何假設,只係提醒就算機會好細都係有可能發生嘅嚴重嘅事,樓主如果能夠諗清楚到時會點做,或者接受到,咁我哋當然祝福佢
6 唔好簡化我嘅說話,我冇講離婚唔可以溝女。我係叫樓主自行判斷佢呢個男人離婚+冇錢+有兩個女+出嚟溝女,係抱住咩心態(結論可以係正面,但都可以係負面),我唔識個男人,只能夠講街外人會點諗,實際係點,都係鼓勵樓主諗下。
7-11 其實我唔係想估估下,我只係想提出一啲好現實嘅情況,而呢啲情況喺未來係有機會發生,而假如樓主真係想同佢過人世,呢啲問題係應該要先諗好。
By the way多謝你認真覆我