有無人覺得食嘢好悶同唔鍾意食嘢？

無厭食症，但係覺得食嘢好無聊，主要為咗提供足夠能量生存。一日要食足兩至三次先唔肚餓實在令人好生厭。食飯時間又阻住自己工作，如果想休息就寧願午睡。社交上都唔鍾意同人食飯，如果同你食飯果個人要去到討論菜式，咁應該都真係無乜話題。

快餐類食物固然唔想食，事實就係重重覆覆果啲菜式同食材。但即使 Fine Dining 都覺得悶，以為好細個就話試啲無試過的菜式，但食多咗都覺得唔係咁多變化。或者唔同廚師會有啲分別，但大致上都幾接近。

最無謂係覺得就算食到啲食物覺得好味，個感受都只係「哦，幾好味」，而無乜特別只應天上有的感覺。久而久之唔會覺得去食好嘢有幾大享受。

如果有一粒藥丸一日食一粒可以提供所有能量會好樂意食。

agger 覺得食野行為同過程甚至味道都好悶

覺得悶的程度同去廁所有啲接近，會唔會太極端？

以前我理解唔到，依家會明白有人真係味蕾唔敏感，唔特別享受食嘢，好可惜，無咗一樣可以享受嘅嘢

一粒提供全日能量咁神奇就冇咩可能啦
如果係三兜藥丸 唔知幫唔幫到你

要食咁多就太慘了，就係同一味道的食物要食太多先覺得頂唔順

細個咩都未食過就話好開心興奮
依家就 都幾好食唔錯喎
會鐘意整野俾人食多過自己食😂

如果可以好似樓主一半就好
我好鐘意食只要覺得好味就垃圾都食
明明飽都硬要食 唔開心又食悶又食，一食就舒服晒
利申: 痴肥

一樣
食完一餐好快諗下一餐食咩
咩都中意食
如果嗰日放假仲會早兩日諗下放假食咩
好傻
覺得自己好為食

我享受搵果個過程
好似以前去旅行咁
會好享受係google map plan行程
到而家就好鍾意plan去乜餐廳
分類邊樣菜式有邊間好食
邊間有特別菜式
反而自己根本唔識食
淨係好膚淺咁識分好唔好食

即係你食咗嘢會好開心？

可以咁講 如果情緒低落或者嬲個時食嘢會好好多

頂 我都成日要諗定，為下一餐苦惱 因為乜都想食好難選擇
但又未去到好似其他人為咗食周圍去/好遠都去個種

同路人....唔係難食既話/營養唔均衡既話 其實食死一樣野都得
但大個左之後先知 唔特別鐘意食野 唔係只係影響身體 對社交 甚至 求偶 都會有影響

畢竟食 對一般人黎講 係一件好緊要既事 甚至 食D所謂高級食材 都係一社交既事

不過基本上 都係維持緊

可唔可以描述個爽位係邊？首先煮食已經好多步驟，就算去餐廳有人服務你，都要逐吓放入口，但由口入食道就只係十幾廿秒。食得太飽又會滯有胃氣。

食啲好好味嘅野會全日都好開心
有時突然會想食某啲食物

我係會用錢去食好味野食嘅人
例如OMAKASE, 米芝蓮餐廳

買多幾款唔同牌子/口味
輪流食/溝嚟食又得唔得
再唔係就開多罐罐頭加餸
應該每個月慳唔少錢

試吓食多啲唔同香料 唔同嘅新食材 自己煮吓嘢食啦

你咁講聽落好抑鬱

嘢食其實都係加熱 組合兩樣嘢
自己試吓煮 唔好食都有得玩

樓主好岩操嘢喎咁
如果可以食得咁寡

周不時都有煮，如果多人食的話，有時見到人哋食得開心都覺有貢獻。不過自己食返就無乜感覺。

你根本就未食過好食既野