亦係同一日，就表示受唔住大家嘅言論，
暫停營業咗數小時😹，
所以我地揾咗幾個知情人士收集資料
整合如下：
（一）貼文宣係為咗做樣比Tommy睇
大家都記得，
之前Tommy曾經幫襯過櫻花樹下，
黃店老闆（佢自稱師傅）當時為咗做樣比Tommy 睇，
特登要求重新貼上文宣，
當Tommy 幫襯完，
文宣當然就要撕落嚟，
始終佢驚自己會惹禍上身，
所以做訪問都推啲小職員出黎，
次次都同職員講自己為黃圈做好多，
唔方便露面喎，
又唔見天天燒鵝老細係咁？🤨
就算係之前貼嘅文宣，
師傅都表示要貼比較中立嘅文宣，
萬一有事都可以甩到身，
大家就可以諗下，
一個咁自私嘅人，
係咪真係佢自己講到咁偉大？😅
（二）黃店老闆支持藍店企業！？
師傅曾幾次光顧一品雞煲，
仲大讚「好味」
亦係員工團年飯當日，
親自去買一品雞煲外賣，
同同事們分享呢份美味，
真係好偉大，👏🏻
用大家嘅錢黎支持藍圈！
再講，麥當勞呢啲都不在話，
放工宵夜必備！🤟🏻
唔知大家重記唔記得，
舊舖有段時候，
由用摺檯摺櫈變為木系餐檯，
想同大家講，
嗰啲餐檯全部都係淘寶買！
冇睇錯呀係淘寶！
好意思話自己為黃圈付出幾多幾多！
辛苦哂一班同事放工留低幫佢砌檯櫈。😓
（三）員工無故被罰款
師傅表示員工做錯事，
就要罰款「公益金」
由$20 - $100 不等，
面對唔合理嘅罰款，
員工們只能默默承受，
最終所謂嘅「公益金」，
只係袋番落師傅嘅袋中，
贊助佢買車買樓，🤩
亦有名員工曾因為遲到數天，
而被扣工資$6000，
可能你會話自己遲到抵死，
係，但係會唔會係扣$6000咁多呢？
（四）食物質素差
食物嘅質素相信大家都有眼睇，
唔知大家有冇留意，
一口和牛飯堂食係有10粒牛，
而外賣只係得9粒牛咋！
師傅表示客人唔會留意到，
連呢啲位都要攞着數，
真係精打細算！👏🏻
就算係炒到乾身哂嘅牛肉，
師傅都會要求廚房照出比客人，
「又唔係你食，你理得佢」
咁樣做真係對得住啲客人咩？
同埋所謂嘅「日本綠茶」，
原來係康師傅出品嘅！
倒落杯比客人就變咗「日本綠茶」啦！
（五）從來都冇告急！？
其實都證據確鑿，
唔明師傅你點解重要死雞撐飯蓋啦，
唔通真係外人夾埋冤枉你？😅
Tommy幫襯後會寫極告急？
有圖有真相！
呢一年入面都告急過幾次，
一賺少咗就用告急黎吸引人幫襯，😓
利用大家嘅同情，
係到食人血饅頭，
真係難怪成個新北江睇你唔順眼！🤣
（六）私自取得客人資料
Food panda 同櫻花樹下合作關係密切，
但師傅為咗唔想比Food panda 抽佣，
竟然叫同事從food panda曾叫外賣嘅名單中，
逐個逐個以wts嘅方式，
向客人自稱「隨機選中」，
並介紹可以直接以wts下單，
從而避開food panda 呢個平台，
咁就唔使比人抽佣！
都係果句，你真係好識得精打細算呀！🤩
另外，可能大家係其他外賣平台，
會發現到「忍京燒」呢間店，
都唔使驚訝，
只係老細同food panda簽咗約，
但又唔想賺少咗，
所以就決定改個名繼續係其他平台活躍。
就算你之前真係有為黃圈付出過，
但依家大家都知你嘅目的已經變質，
你根本就係想藉著黃店名義，
食住人血饅頭幫自己買車買樓，
滿足自己嘅私慾，
真心希望你早日退出黃圈，🙏🏻
唔好影衰其他黃店，
唔好以為打住黃店嘅名義，
係fb ig講幾句同路人加油就有免死金牌，
始終會有人盲撐，
只係希望大家唔好比人當水魚！
新北江仲有其他黃店值得你去支持！💪🏻
呢間野惡心到
你點知的
