淺談八字

各位巴絲好，有部分人曾經見過我喺其他命理post出現過。我目前仲係學緊命理，絕對未夠資格自稱師父/大師，又或者收錢幫人算命，拜托唔好叫我師父，亦冇收過呢到嘅人錢去算命。如果大家唔介意，可以留低出世時間（最好係數字時間。包括出生地，我睇算用真太陽時），我可以睇睇

通常開親呢類post總有啲unexpected嘅人出現，所以有幾類人可以先出返去個post啦
1 認為我係國安或者係黑警
2 反玄學、迷信之類嘅人（大家立場唔一樣，冇必要喺到嘈）
3 覺得too long didn't read嘅人，sorry我嘅作風就係咁

建議大家用tg問，記得喺tg入面講你係第幾個留言，否則唔覆。暫時唔幫CD-ROM睇住，同埋
就算用留言問都好，記得加密



閒日我要返工，唔駛喺日頭等我reply啦。六日會覆返多啲。曾經有睇我解盤嘅巴絲都可能注意到，我係鐘意詳細啲去解一個盤，所以我解嘅時候亦會嘗試去解埋你嘅過去（八字為主，加少少斗數輔助），有錯歡迎指出。嫌我長氣就冇辦法啦。亦因為咁，我暫定解盤解到呢個post第5頁嘅最後一個留言，之後再睇加唔加場。歡迎之前我解過嘅人返嚟再問。如果對命理有其他問題，就喺呢個post到交流吓啦

有部分問題我係唔會答，包括合盤，生死，流年詳解。自問功力未夠，唔想誤導你哋。如果我唔識，都會直接同你哋講

開始之後講吓我對術數同我接觸到嘅算命經驗：

算命係古代中國五術之一，而五術之源嚟自易經，講緊古人對宇宙萬物嘅觀念，跟住先衍生各種應用，包括算命。但佢本來係巫術嚟，有宗教信仰包含入面。所以我唔鼓勵大家鑽牛角尖，唔好見到自己命好就得意忘形，見到命差就灰心喪志，用一種保持開放同啟發嘅態度去睇呢件事就自然睇得開。世界上未知嘅事物好多，有我哋理解唔到嘅事一啲都唔奇

再睇命運為何物：

我睇緊民國時期嘅術數大師徐樂吾先生嘅著作，佢喺注解「子平真詮」嘅自序係咁寫

《子平真詮評注》竣，客有以袁了凡造命之說進者，曰：“命而可造，則命不足憑也。且子素習佛家言，如云命定，則命優無妨作惡，命劣為善無益，有是理乎？夫命之優劣，孰造成之？孰主宰之？須知以宿世之善因，而成今生之佳命，以宿世之惡因，而成今生之劣命。命運優劣，成於宿因，此為有定者也；今世之因，今世即見其果，此命之無定者也。嘗見有命優而運劣者，有命劣而運佳者；命如種子，運如開花之時節。命優運劣，如奇葩卉，而不值花時，僅可培養於溫室，而不為世重；若命劣運劣，則弱草輕塵，蹂躪道旁矣。故命優而運劣者，大都安享有餘，而不能有為於時，此宿因也；若不安於義命，勉強進取，則傾家蕩產，聲名狼藉，此近因也。故命之所定，功名事業，水到渠成；否則，棘地荊天，勞而無功。至於成功失敗之程度，則隨其所造之因，有非命運所能推算者，或者循是因而成將來之果，定未來之命，則不可知矣。是因果也，造命也，命理也，其理固相通者也。子曰‘君子居易以俟命’，又曰‘不知命無以為君子’。《子平真詮評注》者，知命之入門方法，亦推求宿因之方便法門也。”客無言而退，因錄之以為序。

呢段嘢已經係比較淺白嘅古文，有讀完中學嘢都大概會明佢講咩。文中大意係講徐樂吾先生點樣去回覆主張了凡四訓論述嘅人（呢本書，又或者呢啲人成日强調只要多行善積福，就可以消災解厄）。最後提問者都諗唔到點反駁就自己走啦。然後呢段故仔就寫成書嘅自序

徐樂吾嘅觀點講得好清楚，以下係部分重點：
1. 如果命可以自己造，咁你條命用乜嘢做依據？你嘅命運係累積自你嘅前世今生嘅各種因果。今世做嘅善因惡果，未必喺今世到報㗎（你睇好似老慒董、柒婆同誠哥呢啲香港權貴，勞役香港人成世，佢哋仍然咁得戚，如果善惡係現世報，點解佢哋仲未有報應？佢哋都嗰頭近啦喎），而我哋所得善報惡報唔由我哋定。呢段文唔係叫你命好就可以壞事做盡，命差就自我放棄而唔做善事，因為人嘅所作所為，會不停喺到輪迴

2. 中間大致上係講解命好運唔好，或者倒返轉嘅時候嘅情況，回應返第一點所講嘅宿世因果關係。命好比種子，運好比點樣引出最後嘅花同果，最後開出咩結果，要睇命同運點互相配合。如果我哋夾硬逆天而行，明知不可為而為之，最後多數係慘敗收場。順天者昌，逆天者亡

3. 上面兩點講到人生咁悲觀，一切好似冇得自由作主，咁我哋係咪不如等死？唔係。「君子居易以俟命，小人行險以徼幸」，君子會忍耐到機會到嗰陣大展拳腳，小人就鋌而走險靠僥倖成功（我當然唔想大家去做小人啦）。由呢幾點可以推導雖然我哋決定唔到我哋今生嘅富貴貧賤，但係一生之中我哋其實可以預見嚟把握機會，或者化解惡果，所以呢個先係要算命嘅重要原因，同埋算命應該要知啲乜嘢

不過，市面上有好多「師父」不學無術，恰啲問命者唔識，成日作故仔，又或者擺出一副「天機不可洩漏」嘅「高人」姿態，被人問到一啲佢哋唔識答嘅問題，或者人哋反駁佢講錯嘢嘅時候，就支吾應對，或者話唔答。最可恨嘅係佢咁樣就收你好多錢，又俾你叫佢一聲做大師/師父

我嚟算命唔係想聽啲「師父」講廢話，我初初接觸命理都有遇過呢啲「師父」hea我，喺到講「你過好辛苦呀」、「你性格唔易信人呀」、「你呢幾年過得比較亂」，呢啲模梭兩可又膚淺嘅答案，我不如自己Google啲算命app唔好？或者我搵麥00去講犯太歲算啦。一個好命理師最好你不如話俾我知，我有冇發達嘅機會，成就有幾高？我幾時娶/嫁到人？我個仔將來有冇出息，晚年我有冇依靠？呢啲係作為人都想要嘅願望，會問係好正常，呢啲答唔到嘅都係假師父

你想知個師父有冇料，不妨喺佢講故仔之前，直接問吓佢「我條命嘅用神同格局係乜」（如果你有小小八字嘅認識）、「你覺得我細個讀唔讀到書」呢啲問題，講唔到或者答錯叫佢回水

有人話過我長篇大論拋書包。我而家唔係師父，只係抱住一個交流嘅心態去分享，所以想毫無保留去去解。更何況，如果我啲「之乎者也」係講錯嘅，各位「師父」隨時指正我都冇問題。不過，你要搵到理據去支持你嘅論點同的確係針對返八字命理嘅問題先

而家隔離都有個八字post，我雖然睇過嗰邊樓主嘅算命方法，的確有唔同意嘅地方，但畢竟我唔肯定清楚佢嘅立場同有冇偏向某啲門派，所以評論唔到更多。各位自己判斷啦

第一個

第二個

第三個

第四個

Lm

第五個
Tg 問

第六個

支持巴打
基本對盤都唔做就收人錢既師父太多
利申：睇紫微斗數

第七個
Tg問

第9

第11

第12

第12

#21 個留名先
TG問你

各位好，暫定#4-7會喺星期六解完
我睇吓盤先，各位晚安

#23
第17位

19??