作為女人角度
好多女人唔了解自己身體、唔了解自己需要
覺得性係羞於啟齒既事
就算一齊左好耐都唔會做主動
甚至連提出暗示自己想要都會覺得cheap
更加唔好講enjoy sex
男仔十零歲開始打飛機,好清楚自己點會舒服
DIY完全正常、快靚正滿足自己需要
女仔呢?連自己下面係點都唔知
陰核、陰道結構
a b c g點位置
自己都冇摸索過點話到俾男伴聽點至舒服
有好多女成世都唔知性高潮係點
為左滿足另一半征服感成功感,就扮高潮
換來既就係男方以為自己好勁,繼續只識鋤頭式抽插
女方交戲就算
久而久之雙方冇癮都唔想做
其實女性真係要了解自己身體同埋面對正常性需要
搵自己舒服既位,引領男伴一齊摸索自己身體
上到床唔好當老馮男人要服侍你,自己就死魚咁
亦唔好只為迎合男人自己冇feel甚至痛都唔出聲
性係關係中好重要一環
一樣要溝通同拎出黎傾
搵到個性生活協調既人共渡餘生唔係咁易
記住大家都要付出,唔係單方面取悅對方