一成自然
2021-09-25 08:44:07
我係17Live直播有講過,比我簡多次會唔會咁做,我答會!眾人嘩然,唔道歉不特止,仲覺得我毫無悔意!個陣我無解釋到,宜家我解釋番!
首先未授權情況下轉播呢件事係唔正確,甚至涉及法律上嘅責任,我知道後果仍然決定要冒呢個風險,點解?
呢場拳賽係近年香港最鼎盛嘅娛樂盛事!Derek初衷係,因為林作太乞人憎成日抽死人水,侮辱女性,為全香港人打林作比佢一個教訓,我之前都好收到好多朋友Message ,邊度有得睇直播,有無飛可以比到我,我都答佢哋唔到,總知好多人想睇但好多人唔願意俾錢,或者門檻都太高!我咪令到件事可以多啲香港人見證到,唔洗比錢架你哋!
個晚我就拳場開始之前已經Live緊,我都打算開始就熄Live,我都係抱住開心Share宣傳下呢件事嘅心態,令到多啲人睇到去Live,啲觀眾:「睇埋開場先啦,睇埋出場先啦,睇埋佢哋打完先啦!」結果網絡好犀利,一傳十十傳百,Comments 全部撐我,叫我頂住唔好熄,睇完之後用句歌詞黎形容「點解個個走曬,無人理我嘅?」
好,咁話我乞兒籌$50蚊,係嘅我都係肉酸咗啲嘅,伸手問人拎錢,不過我覺得我承擔左咁大風險,自願性比錢,當支持下真係有機會俾人告,搞老破都好呀,搞破產都要成皮野,唔比就算唔洗屌我老母嘅,無迫過人比你,鐘意就比,我到今日都覺得唔過份,我收咗十幾個都係我朋友比我嘅心意!加埋千幾蚊,多謝!
至於無啦啦一大班人鬧我,無啦啦帶晒道德光環,不如問吓自己,係咪未試過睇/聽啲翻版嘅片同歌,至於我要道歉嘅對象得中鍾培生一個,因為我真真確確咁樣損害左佢利益,至於網民係受益者,我唔明話我啲咩!