咁啦,我嘗試如閣下所願,攞返大家講過既嘢出嚟比較一下。
對於呢則新聞,你第一個reply係響2樓
「另一邊廂
即係同時間有人不停買鋪啦
呢啲新聞製造恐慌」
咁45樓既巴打對你呢個睇法係:
「照你呢個弱智諗法
大劉賣恒大都有人接貨
所以恒大係好野
」
睇呢兩個對話,你第一個反應就係「新聞製造恐慌」,咁OL爸打就用大劉既例子去証明你呢個論調係有問題既。咁當然佢話你弱智呢一點是否正確就見仁見智啦。
然後你48樓回應OL爸係:
「又用上帝視角嚟評論
你而家睇到恆大既結果,當然係可以笑買恆大係弱智啦,就正如睇到希特拉打敗仗,又可以笑佢無腦衝動啦
咁既回應有乜意思?」
呢度大家都R晒頭,OL爸係從結果去睇:接大劉貨買恒大既人係弱智。
而你話:睇到希特拉打敗仗,又可以笑佢無腦衝動啦。即係你覺得佢唔係沖動無腦啦?咁事實上成王敗寇,事實發展既結果希特拉係失敗者喎。而接貨買恒大既又係失敗者喎。
但你話:另一邊廂即係同時間有人不停買鋪啦。你舉希特拉呢個例子係想話買鋪既都係失敗者?
咁之後變左對罵我就唔再quote喇。
咁講返一啲實際啲既嘢啦,的確,有人賣得出,即係有人買入先成交到。正如沙士淘大都有幾十萬成交到一個單位。咁香港今日咁既情況,相信接貨既都係如閣下一樣既智者嚟既,可能接貨者能夠好好把握到今次掃平貨既機會啦。
咁我要認錯既,我唔應該一嘢就咁老實話人係弱智或者係智障,因為響當事人面前咁講的確係一件好無禮貌既事,真係失禮晒
。