其實住喺邊就真係冇乜所謂嘅
畢竟係你去旅行,唔係我去旅行吖嘛
但係個人認為啦
出發之前可以大概draft定你會去啲咩地方
例如你去嘅地方不外乎東大門弘大明洞聖水建大
咁你住2號線江北嗰頭(即係漢江上面)求其一個站都OK嘅
如果唔係嘅,咁你睇吓你啲景點係集中喺邊條線
例如你又想去狎鷗亭玩,又想去弘大嘅,咁咪轉二三號線啲轉線站,即係教大呀乙支路三街
又或者你要去奧林匹克公園/蠶室睇演唱會嘅,咁咪注意號線九號線嗰啲
以前去旅行成日住首爾站,夠靜同方便,想買嘢就去樂天超市,想食嘢都好多選擇
住邊呢啲就冇乜正確答案嘅,純粹個人認為真係冇乜必要成日走去住明洞