（警世）用恒生卡前請三思

見到有人分享恒生卡既經歷，我都想分享自己經歷。

係講之前，我想講認證碼同otp被盜可能係大家認知上，發生既機率好低，但唔代表唔會發生，無論香港信用卡討論區定連登，都有過類似post, 至於點解發生到，我呢d普通人都解釋唔到（我都係受害人之一），我只想分享以下經歷：

我都係用恒生卡，我唔知點解收唔到otp sms，我一收到sms已經係銀行話有可疑交易（你地可以繼續blame the victim/話我有野隱瞞，但事實真係咁，信唔信由你）

我一見到個可疑交易sms已經5分鐘內打左上去，發現到一個外幣交易（3千幾蚊歐羅，折合3萬幾蚊港紙），我已經即時話唔係我做，個銀行職員話會hold起查數，我當刻都唔知過左otp，係直到收到銀行信話因為otp,退唔到款，我先知道，然後拎埋封信去報警，將口供紙俾埋銀行。

但最後銀行都要我硬食，我已經投訴上埋金管局，期間經金管局，同銀行書信來往左幾次，歷時幾個月，當中係銀行書面回覆中，發現左幾個問題。

1.我發現原來筆可疑交易係我收到可疑交易sms前39分鐘已經做左，我一直都以為係收到sms前冇耐發生（因我試過用其他銀行卡買imac,比較大額，一做完個交易，銀行已經即刻有電話打俾我問係咪我做），銀行遲左咁多先detect到通知，咁算唔算保安漏洞？

2. 我一直都問銀行單交易用黎買左咩，但銀行一直都答唔到，淨係用一句收單機構冇責任一定要向持卡人同發卡銀行交代交易內容，就答左我，我想問係咪即使單交易存在咁大問題，又涉及盜用成分，收單機構都可以唔交代交易內容，一句認證左，唔退款就了事？

3. otp個威力係咪大到可以完全淩駕晒銀行個保安系統同持卡人先，銀行偵測到有問題，響警報，持卡人收到通知即時話俾銀行知，係咪都唔足以阻止到otp認證既交易？咁究竟個otp係用黎保障邊個？以我認知（有錯請指正），銀行信用卡交易係唔會即時過數，中間係會經過交易返單對數等過程先正式過數完成交易，咁單交易既然觸動左銀行保安警報，持卡人又即時通知左，係咪都一定要照過數，再事後先搞退款？？點解唔可以直接拒絕交易，再者我都冇因為呢筆所謂「交易」得到過任何貨品/服務

對於以上問題，銀行個書面回覆，都係一直話自己有一套嚴謹保安系統去處理，一切符合正常程序，我都唔覺得佢答到我問題，最後金管局仲話銀行冇違規不作跟進添。成個過程，我冇收我可以做既已經做晒，自問可以做既已經做晒，冇啦啦咁硬食3萬幾好冤枉。

我網上聯絡過有相同經歷既人，但佢係第間銀行，都係同銀行爭持左大半年，又投訴埋金管局，個間銀行最後都肯退款。同人唔同命，無奈自己對住既係恒生銀行。

最後其實想講，有d事發生既可能性低，唔代表唔會發生，以前唔會發生既，唔代表今日唔會發生，分分鐘有不少人發生左，但都唔敢講出黎，因為驚俾人challenge，俾人鬧。

我本身都驚分享出黎會俾人鬧，但覺得都係要分享出黎，因為想話俾人知呢類事係會發生既，大家要鬧隨便鬧。但俾我講多最後一句，恒生銀行正pk

準備cut卡算

原來咁多單信用卡盜用案

不如考慮下上埋電視/報紙…

垃圾恒生
一早就要ban，錢就賺到盡，不過社企責任0
永世不用

恒生張卡我宜家有d係會sms , 但大多數都無sms , 好on9

我cut左了，最搞笑係我打上去cut卡個陣，個職員話如果我肯處理呢條數，肯豁免晒我利息附加費（我幾個月冇還），我拒絕左，心諗如果銀行真係覺得自己完全冇問題，點會肯waive晒d利息，情願淨係收返條數。之後寄封信黎，又話委任收數公司，又話法律行動兇我。未cut卡前，日日電話打黎推銷財務貸款，cut完卡，個電話即刻清靜晒。

未找數都cut得？

有嘗試搵過，報紙網媒但唔知係咪我表達能力有問題定呢件事唔夠爆，冇so我...

可惜Apple執左

其實件事係因為單野已經搞左我大半年，有d頂唔順，所以打上去cut卡，跟住就發生剛才既對話（豁免利息。。。。），之後隔幾日就有封信寄黎，就話銀行要取消我張卡囉

當時讀緊書唔識諗，就申請左
銀行呢d,冇事就相安無事，有事都係靠屈

2年前有張建行卡
有日突然係咁收交易sms 又英鎊又歐羅
即打上cs話唔係我做 佢幫我hold起
最後查到唔關我事唔洗還 張卡我cut埋
不過差唔多搞左成年

即係唔洗找？佢哋會話收數佬搞你？

唔講失卡

本身恆生卡優惠黎講都算最垃圾

要找，但諗住企硬
我知有風險，但我唔据，乜都冇做過無端端俾3萬幾蚊，我張卡碌一年總數加埋都未必有3萬幾蚊

我都係細個嗰陣申請，因為分行方便 近屋企 有戶口之後大個啲用埋信用卡；
係跟住之後發現佢啲濕9嘢（刪略不提）成日都以自己利益行先，衰撚到 冇人情講，賺盡你一分一毫，自此blacklist呢間垃圾
仲話自己係local bank，食屎啦D行政處理仲衰過人哋DBS丶Citibank

係呀，真係好差

Cut得
不過如果有銀行戶口 佢會自動係你帳戶度hold起筆錢還款，
所以除非你冇戶口 得信用卡，否則你遲早都要還

樓主講得咁otp係未必安全
但銀行一定同你講冇可能撞得中
6個字otp係100萬個combination

但其實個集團可能試緊10億張卡呢
舉例用10億張卡做transaction,試同一個otp
隔幾個月後再換pos試又得
有的是時間，過到otp = 有錢入袋
漏洞呢家野，fraudulent部門當睇唔到唔理架

最諷刺係銀行同我都知道條數係有問題，但取消唔到個交易，又退唔到款

因為個問題仲未發展到好多人出事

如果真係被盜用，我都係話企硬
理9佢 我果次去完美國 返香港唔夠一星期
張DBS卡被人碌咗US 5000，都係銀行打電話比我先知原來被人盜用左
好好服務，我問佢哋點知，佢話通常D人盜用會特登先碌D細銀碼（可能1、2蚊美金），成功左就會開始碌D大金額 etc
所以銀行一見到咁嘅pattern 會自動察覺為可疑交易，通知持卡人⋯⋯
最後一蚊都唔駛俾，停埋舊卡出過張新比我
所以如果樓主有證據咪同呢間垃圾公司據理力爭

唔知係咪偏見，成日覺得隔離飯（其他銀行）香
條數真係被盜用
我可以做既做晒，要俾既都俾晒
我challenge埋佢個可疑交易sms有咩意義，叫我致電核實交易，但又取消唔到，照過數，究竟咩叫「核實交易」
但銀行話個可疑交易通知只係for阻止信用卡被進一步盜用囉，無賴到咁，可以點。。。

其實你條數幾大

3萬幾港紙