[我都想做下名偵探] 莎比亞事件圖序紀錄 5

1001 回覆
117 Like 25 Dislike
2021-09-02 15:24:45
呢個po係接續之前咁多個偵探po的,如果未知道莎比亞事件的朋友可以係part0懶人包度睇。

—————————————————————

PART 0:事件懶人包

事件的邏輯及部分時間線終極懶人包

成件事而家個邏輯(來自網民TWMHK整理)

1. 秋木子提供「證據」控訴 Miss Li
2. 秋木子提供的「證據」缺乏最關鍵的時間線(不用作的時間線 15 分鐘咩都寫完,2021/8/29 秋木子話寫,等了很多天都未寫)
3. 秋木子提供的「證據」被證明有引導性甚至做假
4, 秋本子的說法經不起邏輯推敲
5. 由此證明,有另一個真相被掩蓋
5. 網民嘗試用大作者寫過的蛛絲馬跡還原了一條時間線
6. 網民所寫時間線直到今日都未被邏輯推翻

作為偵探PO,我呢度講埋自己點樣篩選證據加入證據鏈(以及可信度):

第一等證據(最高),WHATSAPP圖有人名有日期,畫面完整(cut 圖的長度無斬野),不論對男女雙方有利或不利,都會放進來證據鏈
第二等證據(高),來自莎比亞專頁的非創作類文章,比如「交代近況」和「點解我D書仲未寄出」呢類的PO文
第三等證據(中),whatsapp 圖,有人名但隱藏日期,能證明這事件發生過,不能證明何年何月何日發生

以上三個等級的證據都會影響事件男女的誠信分。呢個分數一開始默認係100分,每件事好firm有誠信問題兼對人帶有惡意的扣20分,有誠信問題的扣10分,只係推斷可能有誠信問題但沒有完整證據邏輯的扣5分。

第四等證據(低):來自「網絡朋友的爆料」,「莎比亞專頁內的創作文」,「Whatsapp 圖無人名無日期」

第四等的證據會用作參考。包括那什麼「一個女友的自白」「一個前度的自白」「分手後才送她的第一朵玫瑰」。這些都只會參考,如果match 到證據鏈先會再認真d咁睇

唔睇太多時間證據,單純整理事件(來自網民TWMHK整理)
嘗試根據目前所得資料整理事件的邏輯及部分時間線

1. Miss Li 同網絡作家識於微時
2. 拍拖九年期間大部分時間都係 Miss Li 搵錢,作家追夢
3. 作家咩事都唔理,將所有野都推比 Miss Li,包括日常生活
4. 期間有諗過分手,但最後心軟
5. 作家近幾年開始紅啲,搵到少少錢,置業 (2021年4月) [1]
6. 因為要過壓力測試,要用 Miss Li 個名
7. 作家擔心淨係得 Miss Li 個名無保障,以簽紙的形式結婚
8. 因為某些原因, Miss Li 向作家提出分開 (2021年5月尾) [1][2]
9. 作家以為同以前一樣,Miss Li 最終會心軟返自己身邊
10. 作家最終同意並接受分開,雙方協調後續安排 [3]
11. 作家因為沒有 Miss Li 幫手,送書的安排被延後 (2021年6月中) [1]
12. 雙方搬出舊址,Miss Li 同兩隻只有自己先照顧到既貓搬左出去(2021年7月頭) [1][4]
13. 分開期間單方面傳關心信息比 Miss Li
14. Miss Li 因為人口普查識到李俊龍 (2021年7月中) [7]
15. 書展只有作家,沒有 Miss Li (2021年7月中) [1]
16. Miss Li 同李俊龍確立關係 (2021年7月尾) [5]
17. 作家纏繞 Miss Li ,Miss Li 深知作家為人,故找朋友君幫手
18. Miss Li 找到新居 (2021年8月頭) [3]
19. 作家後來發現李俊龍的存在 (2021年8月頭) [6]
20. 作家雖然應承左和平分開,但心有不忿,計劃利用自己名氣報復
21. 作家扮係自己朋友出 POST(如果真係有個朋友的話至少默許),不斷以擠牙膏式方式出 POST,令網上輿論持續發酵 (2021年8月尾)
22. 網上群眾被作家成功帶風向,一面例討伐Miss Li 同李俊龍
23. 作家成功報復之餘,仲計劃搶佔道德更高地,將之前單方面關心 Miss Li 對話截圖放上網,想建立更可憐更痴心的形象

備註:
[1] 大作家的IG
[2] 莎比亞事件圖序紀錄 4 #253;泰利(準備報驚)
[3] 莎比亞事件圖序紀錄 (4.5) #1;三爪
[4] 莎比亞事件圖序紀錄 4 #283;毒自去健身
[5] 莎比亞事件圖序紀錄 3 #338;廢淡
[6] 莎比亞事件圖序紀錄 (4.5) #457;sawadikakup
[7] 莎比亞事件圖序紀錄 (4.5) #534;三爪


另有大量大作家並不是如他所說的厚待妻子的發現
詳情請找:
[最後整合] 莎比亞振夫綱紀錄 睇完唔好再話佢廢 #1;堅系型爆
https://lihkg.com/thread/2679674/page/1

偵探系列POST(內容是查證每個證據的疑點及邏輯:
post 1 : https://lihkg.com/thread/2679639/page/3
post 2 : https://lihkg.com/thread/2679789/page/1
post 3 : https://lihkg.com/thread/2680539/page/1
假post 3 : https://lihkg.com/thread/2680523/page/1
半真版post 4 : https://lihkg.com/thread/2681325/page/1
post 4.5 : https://lihkg.com/thread/2681542/page/1
post 6 : 本帖

這裡大量資料都是來自大作家「莎比亞」本人,由「莎比亞的朋友」係之前果篇咩教畜狗公帖入面發出黎,後面會有超連結。此po證明他的講法,在他自己提供出黎的證據之下。不攻自破
2021-09-02 15:25:44
正式開始前講一聲,我係偵探序列post 1 發起人,我諗我都有少少say 去講:希望後續每個續杯的大佬可以完整地複製 PART 1和PART 2,後面先增加各位的個人創意同諗法,唔好換走個順序。

因為最有證據的質疑就是「換證據」這件事。如果一開始唔貼果兩張對比圖而走去講D 咩對女友苛刻/食軟飯/Jerry Terry果D,唔該唔好用呢個TOPIC名。

另外我會對自己的信息進行分類,方便大家各自的推理過程:證據本身的信息是加粗按證據作出推論是藍色按證據鏈作出聯想猜測是綠色。

PART 1 真實疑點

【証據1】

對比圖(核心疑點):

這張是來自罵Ms Li 的整合post 9 的圖

該post原網址:https://lihkg.com/thread/2673372/page/1

這張是最新整合post (35)的圖

該post 原網址:https://lihkg.com/thread/2679038/page/1


重點圈起:
在最新POST可以見到佢對話頭頂有個人名,代表佢唔係用小畫家cut左個頭,而係重新cap過張圖去掩飾紅圈內的對話。即係咁講,cap圖果個有心咁樣做的。

(證據鏈更新:POST 1 原本的截圖,已經係CUT走左紅圈的果一張。只係POST 9 有人upload錯左圖,然後post 12 又用返第一張圖去掩蓋件事。當然,如果連登有發po後回頭編輯的功能,那當我沒說。)
POST 1超連結:https://lihkg.com/thread/2672620/page/1

其實post 12 果位開帖人都 換左好多新圖入去,後面part 3會講。

呢張圖有咩咁重要?首先呢個「改證據 / 替換新圖」的行為,說明莎比亞的「朋友」們有「隱瞞信息」的傾向。指控者可信度最少扣一分先啦。

誠信度:男(90分),女:(100分)

而仔細看莎比亞的整合POST,你會發現好多圖片,都cut 走左日期。

所以,呢度會針對日期,對證據做排序。這是圖序這個字的原意。


【針對被掩飾的紅圈對話:推論1】

即係成件事其實可以係咁的版本:
莎比亞SEND 完一堆分手謝幕致詞(?)比Ms Li
跟住Ms Li 去搵佢新男友share,但Ms Li 要搬出黎住/分手後的人生目標未定好,咁佢下一步打算係諗住同阿Kwan 去傾。
呢度的「下一步計劃」,似係講緊生活方式,或者傾幾時返莎比亞度搬野走,而唔係諗點樣唱衰莎比亞

(原POST 一直將「下一步有咩計劃」 = 「點樣寫衰莎比亞」。進行思想引導,但實際證據並無見到呢個意思。誠信扣5分。現在男方85分,女方100分)

另外,Ms Li 要搬野走呢樣野都係有證據。post 9 入面有圖。
https://na.cx/i/AvJEWt6.jpg
原網址:https://lihkg.com/thread/2673372/page/1
佢地係執野要搬走,男方接受左,仲問「分一次定分幾次」(言下之意,勁多野要搬),女方又話如果你驚尷尬可以避開先(尷咩尬啫?分左手囉,唔通係見到Kwan 黎幫手搬野會尷尬咩)。

咁講啦,佢地最少就「分手」和「分居」呢兩件事上面,都有過共識。而且Ms Li會搬走

(下?唔係話條女呃左莎比亞層樓咩?)

關於呢一點,我建議望下「莎比亞單機錄」入面第六張圖(注意:呢張圖無日期):


睇到未?而家莎比亞自己都話:「租屋,家私都要再買過。如果廚房野啱用,到時你搬埋走。

咁呢一點同「廢淡」所講過的,佢地協議係分手雙方都搬離原本居所,係吻合的。可以將「廢淡」呢個人列入「知情朋友」名單。但我強調一點,「秋木子」都一樣係所謂的知情朋友。唔係「知情人」講出黎的野就等於「可信」,如果唔係大家直接去選擇秋木子/廢淡兩個知情人二選一就得,唔洗睇證據了。

關於廢淡講呢返說話個POST(偵探post 3 #334):https://lih.kg/uvsuedX

最後,在搬屋時,莎比亞已知道Ms Li 會租樓同埋拎埋隻貓走。而且莎比亞有拍片一路喊住咁同隻貓道別,有講新主人呢個字眼:「好啦,希望新主人會好好照顧你啦。乖乖。」
哭泣道別影片:https://risu.io/Atp1c
來自POST 1 傳送門:https://lihkg.com/thread/2672620/page/1

WELL……「新主人」?我估一定係指同居左咁多年的Ms Li 啦?(反話,慎防小學生)
其實莎比亞一直知道有呢個男人的存在,仲有道別行為,分手分居都得條理,有跡可尋,更加唔似係咩「婚內出軌」和「瞞住老公出去炮房」。

根 本 就 是 真 正 的 分 手 了 !

另外有關於「點解當事人唔出現的質疑」:出現過,但洗版太快。而佢所講的「一早知情」,經過左好多日之後先被我們證實到。

位置 POST 14: https://lih.kg/utmaNsX

(目前分數:男85,女100)



【結論1】

就「分居」呢件事係雙方有過協議,只係有人隱藏左「到底幾時有呢個協議」咁解。而「條女呃走左莎比亞層樓」呢句statement,點解有人一開始會咁講呢?我都唔知。

我只係知道,有人講緊大話,用假新聞去做9人地,分手之後想整死對方。呢一點算係一個明確結論?

發post果陣,「莎比亞個朋友」 好似嬲緊「個男人點黎」,以及「結左婚又出軌」啫?
但如果咁講:有共識係分左手,咁而家最多係咪算無縫接軌咋?
又如如果,分左居之後先識果個男仔,你咁樣都要叫出軌?會唔會管得太多了?[/blue]
到底邊個如果先係事實,後文會有分析。

就算分手之後一日即刻有新男朋友,亦唔一定代表分手前有出軌。可以係條女搵個男仔哭訴自己有幾慘幾慘,然後飲大咗,個男人趁虛而入,成功之後又即刻話自己會負責任,於是開始拍拖。

well,好似作故仔咁。但我只想講:無縫接軌同出軌真係兩回事。如果證明到係無縫接軌,咁一路話出軌就係唔啱果班,可以諗下點樣彌補你地毀了一個人的前途同夢想嗎?
再如果,證明到係分居之後另有伴侶,咁你地會唔會為整死左佢兩個的人生而有一點點悔疚?

係啊,整死一個仆街係好正義,但如果整錯人咁你都係一個仆街。可以在搞人前途之前,諗清楚你自己係咪咁confirm成件事?

另外:而家「呃人層樓」已經唔成立。指控者可信度再扣10分。

(男75,女100)

以上是有「strong evidence」(可信證據)的部份。唔該唔好刪改。

—————————————————————
PART 1 完
—————————————————————
2021-09-02 15:26:10
PART 2(第五POST 新增)

接下來是今個POST 的新信息:什麼時候認識男方(李sir)?什麼時候提的分居/分手?
原本是不知道的,但莎比亞的朋友話我地知係兩個禮拜。來自post 12
POST 12 傳送門:https://lihkg.com/thread/2673601/page/1
內容簡述:「做人口普查食女,識咗兩個禮拜就租樓扑野」這一句。由於係指控方在睇完雙方WHATSAPP後得出來的說法,這裡會將這一條信息作為「所謂出軌男女雙方是何時認識」的證據。一般來說,「出軌時間」越長,對指控越有利,所以這個「兩星期」應該可以作為上限數。

後面時序會講,層樓係8月9日去睇樓 (睇樓=租左呢句野我諗唔會有人咁諗下化?) 我扣兩個禮拜,係7月中。

而回看人口普查網站:
https://www.census2021.gov.hk/tc/recruitment.html



識左兩星期,按照網站所指,最接近的日子應該係7月15日 / 7月16日的複修課程。係match喎。

由於以下證據鏈有部份推論成份,有直接圖片whatsapp 證明的是正常字體,帶有推測性但證據充份的是藍色字體只屬於「理論上有這個可能」的是綠色字體,防止有人說我某一個證據不可信所以全盤證據不可信。

1. 他們協議是雙方都搬走。然後,莎比亞在「單機錄第六圖」入面亦有呢一方面的佐證。
單機錄第六張圖:https://na.cx/i/qZtYnMW.jpg

2. 莎比亞的搬屋日期係7月6日或之前,來源是莎比亞為自己無法寄書而致歉。

IG傳送門:https://www.instagram.com/p/CQ_MwDKjqgq/
FB傳送門:https://www.facebook.com/photo/?fbid=354896372672356&set=a.276434080518586

特別是裡面有一句:3. 另一樣忙的是搬家,不是因為買樓而搬,新居未入得伙,但舊居又要遷出,所以短租了一間房子半年。這次是六年內第五次搬家了,很累。

由此可證,分手日期在可信推測中是在7月6日及之前的任何一天。

李SIR 什麼時候認識來著?7月16日(是最上限值,再進取一點就會用8月23日出po鬧人果一日再減兩星期去計。)。佢地識左兩星期後,8月9日就去租間房有親密行為,關你莎比亞咩事先?(仲要只係睇樓都比人屈話係打左炮)
而且,ms Li出去租果間好大機會唔係所謂的炮房,係莎比亞同MS Li分手協議入面,「各自分居」的住處。各自分居的說法可以從part 1看到證據過程。

【弱證據但可參考】
如果你相信莎比亞這個創作人是忠於「藝術源於生活」的原則,寫咩都同現實有d關聯,可以望下佢係搬屋之前 5月22日寫的「第一束玫瑰」。(由泰利絲發現)


ig傳送門:https://www.instagram.com/p/CPLhRJMDO4h/
fb傳送門:https://www.facebook.com/photo/?fbid=327851928710134

講真,租屋不是容易的事,睇樓到睇啱,睇啱到約業主簽約,簽約要訂埋免租期同埋起租期,然後驗樓收樓,再搬家私……你話要搞一兩個月,完全正常。所以5月22日也可能是一個日期。
綠字陳述為不確切佐證:分手協議的確立日期可以是5月22日
點解我會將呢篇寫作當真?因為細節。

對作者來說,講道理最容易,動腦就得;寫細節很難,要有相關人生經驗。特別係這篇文有d細節唔係咁易諗到:比如:兩人分開,各自執返自己d野,ok。誰會想到兩個人住一間屋,居然會有d野無法歸納係屬於邊個?

細節2:廚房裡果部咖啡機

廚房裡果部咖啡機係文中主角買比女朋友,但係文中主角先係經常用果個,所以呢部機有機會屬於女朋友,也有機會屬於文中主角。well……個邏輯幾有趣。

但重點是,莎比亞自己搬屋野入面有講「我所有廚房嘢都無用的」,代表佢特別聲明自己放棄左廚房內物品處置權。對個廚房充滿執念喎,咁到底5月22日呢篇充滿細節性的分手故事,係真實分手前,定真實分手後面寫呢?

細節3:租約其實可以延長,但他們不再租下去,因為女方的未來沒有他。(簡單來說:呢篇故事中講緊兩個人放棄續租,選擇分居。點解成個mind set咁似曾相識既?日有所思,夜有所筆?)

知道點解我話d圖cut走左日期,點解會咁需要審視?因為日期真係好重要。
因為日期真係好重要。

因為日期真係好重要!

假如,5月22日已經係有傾過分手的日期。我唔當佢真係分手,只係傾分手,傾到要搬埋野走咁細節,而最後又真係有搬走d野。咁樣7月16日識到條新仔。到底算分手後有新歡,定算婚內出軌?

至於5月22日之後為何莎比亞仍然有出文,仍然寫女友的互動……咁佢係一個大部份作品都必須靠女友的作者,就算暫時沒有女友,創作一個女友都要頂硬上啦。不過呢個係純推測,我都係用綠字陳述。

另外再仔細看看5月22日之後的文:

5月31日:珍惜那一位仍會珍惜你的情人
閱讀理解:分手後仍然不斷發言關心你,分居後仲要噓寒問暖,你係咪要好珍惜呢一個仍然咁珍惜你的我呢?
(篐煲思維作主導,請注意,莎比亞真係有講過佢分左手都會單機send message 關心對方。後文證據鏈有說)


6月15日:人生為甚麼需要愛情?
句子摘錄:當我想這條問題時,我問自己,是因為需要陪伴嗎?那為什麼人又會喜歡獨處呢?是不是代表那份愛只是兼職,呼之則來揮之則去。
那麼,是不是我想有個人分擔責任?她會很辛苦的,而且她自己也很忙,實在沒必要為我付出,請一個工人就可以了。
(老天,為什麼你把「有個人分擔責任」就擅自加上「她自己也很忙」的設定?這設定只適用於你本人吧?所以我咁講……你話佢寫的藝術不是源於生活,我唔信囉。
句子摘錄2:回想最初,我是被她的外表吸引,很想接近她,很想擁有她,很想成為她生活的一部份。相識了一段時間,愛情的幻術生效,我們終於沐浴於愛海中。
有云說,死前會回憶一生的所有野。咁分手呢,自然地會回憶返最初點樣一齊……而且點解你會突然反思人生為什麼需要愛情?

6月16日:原來愛情都要轉季,她想要夏季的幸福(IKEA系列夏日精選—業配文)
業配文,內容不摘錄,但概述:有自己和女朋友的對話場景。但是潛意識好似有把聲音開始說她唔想再繼續,想要有轉變。

6月17日:給未收到書的讀者
內容摘錄:最近我都大概只是一星期更新一次,好像消失了一樣,因為我還在處理補寄書的事,我以為一本一本處理,一個一個回覆,慢慢就會解決到問題。

……做咩講到好似以前出書唔洗你解決呢d問題咁樣既?定係IG/FB 最近換左Messenger system 之後廢左?定係因為有人唔肯再幫你處理呢D鎖碎野,令你發現原來生活如此困難,將所有野開始MESS UP 左啊?

6月18日:曾經我們都期待過簡樸卻幸福的生活
內文:
最重要的,我們都有共識:「就算沒有錢,我們也可以幸福的,簡樸地一直生活下去!」
我們都覺得,這樣的幸福一點都難不到大家,會很順利吧。
可是,同居或婚後,幸福反而逐漸瓦解⋯⋯
不知道從哪裡來的嫉妒,令我們變得自卑,人工不夠人多、職位比別人低、住得比別人差、旅行要慳著遊玩,別人買名錶、買名牌、換新車、換新房子⋯⋯就別人連打卡的餐廳都是我們不捨得去。

(這看似是一篇道歉文,但其實我睇到係一d指責對方開始物質的文字,話佢開始要車要房,指責對方點解違背左當初一世簡樸(捱窮)的「共識」。心理開始產生變化,不自覺地指責對方離開是出於自卑,心靈不再富足...如果按照前面推理,呢一度開始已經分左手,咁呢個指責就有d噁心了……等同於追唔到女開始嫌人臭雞果一套。如果未分手,咁呢度亦都唔見得係恩愛。

(時間跳躍三星期)
2021-09-02 15:26:45
7月6日:搬屋文,有前述,男方要執行李

7月7日:男人以自己方式去愛,卻忘了女人心中所愛。
(睇標題,這算不算在婉轉地道歉挽留?

7月10日:開始寫深夜綠文II。
開始準備一炮而紅

7月11日:(只限FB) 沒有她的2021書展
同樣是感情不在的一個佐證。但前面7月6日搬屋,加上男方搬屋段單機對話說明雙方搬屋係因為分手,其實呢個書展證據就算冇都一樣,都證明佢地感情在7月6日前破裂。如果你唔接受咁多佐證,咁7月11日都明確係一個日期,證明分左手。

咁7月16日李sir進場有什麼問題?而且7月16日係認識的日子,唔係交往開始的日子。我理得李sir係唔係溝女王,食女速度有幾快,總之7月16日只能說係認識的果一日。


——————————————————
PART 2完
——————————————————

PART 3

這裡抽出幾個有爭議性的日子和證據,去望下MS LI真係做錯d咩:

0. (由秋木子提出):miss li 出完軌之後想扮和平分居,我朋友差d比佢昆,但最後都被發現原來出軌先 就係咁

傳送門:https://lih.kg/hzCDrT

我再re-cap 一次part 1 的內容:在搬屋時,莎比亞已知道Ms Li 會租樓同埋拎埋隻貓走。而且莎比亞有拍片一路喊住咁同隻貓道別,有講:「好啦,希望新主人會好好照顧你啦。乖乖。」
哭泣道別影片:https://risu.io/Atp1c
來自POST 1 傳送門:https://lihkg.com/thread/2672620/page/1

WELL……「新主人」喎?莎比亞親自口述喎。你以為講緊邊個?係post 1 (8月24日)的證據用黎打倒(8月29日)的最新說法,乜料。
唔識寫故事唔該問下你果位全職作家的「朋友」到底應該點寫先啦?啊,佢寫愛情而唔係懸疑,咁無野了。

而且post 1 ~ post 10 明明實牙實齒咁話「如果要搵第二個,唔該分手先」,而家突然認返原來有分手到,誠信無晒喎。ok,我唔會扣咁狠,呢一個對話會令男方證據扣十分。

目前:
男方:65
女方:100

係啊,我part 2 一分都唔扣男方,因為藍色綠色字都屬於推論,唔打算用做扣誠信分的證據。我希望誠信分到最後都基於真實出現的自相矛盾。


1. 行蹤欺騙

【8月9日】

【指控】
話左同朋友去住hotel陪佢,實際上去睇樓,又呃莎比亞一次?
截圖證據來自撐莎比亞個post 1:https://lihkg.com/thread/2672620/page/1




首先,如果分左手,咁去睇樓係咩問題都無。

就當佢地當日仲未分手,又係咪真係呃左人呢?請各位冷靜睇呢一日的對話時間點。

18:39 出現阿君要人陪的信息
18:40 轉寄比Cheven Li,話自己can stay with Kwan。
19:30 同Agent 講睇樓改時間(因為陪緊朋友,可能朋友有情緒仲喊緊,改時間去睇樓好正常,唔通唔係?)
20:30 同Cheven Li 講佢仲陪緊朋友
21:30 安撫完個frd,終於可以去睇樓。(你唔通話我知,18:39 ~ 21:30 果個阿Kwan 都仲喊緊,一路搞唔掂?我唔信。)

個邏輯係完全通順囉。邊度黎的證據支持「實際上唔係陪朋友,仲去左搵個男人」呢個說法架?所有證據都唔支持呢兩句陳述入面的任何一句。

當然,如果你將果d無日期的截圖放埋入去,個時間就好似支持左你個說法啦。但我一開po就講左,無日期都屬於第三等證據。你要相信佢,係你的事。我反而覺得,要攝d無日期的相先support到呢件事,咁個full picture 好存疑。

而且,莎比亞果個「報備位置」的截圖,只係由19:39 ~ 20:30 的cap圖,咁MS LI 在20:31 ~ 21:30 果陣同莎比亞講左咩?無人知架喎。可能佢都依然有話佢知去租樓添。但如果有人唔cap,咁可以點?邊個唔CAP後續,咪問返果個人做咩唔CAP 埋落去囉?(誠信分暫時不扣,我呢度比個面男方)

假如,你真係信「莎比亞個朋友」呢一位已經得返65分的證據提供者,你堅定咁認為呢段對話在20:31之後無其他信息。我絕對絕對唔會歧視你,人各有志。

至於點解會報行程……我鬼知。正如我唔知點解有人會比人烚足八年都仲未分手,或者點解有人會狙擊一個無乜證據證明有罪的人去搞到對方無左人生咁,我唔理解呢d人的行為,唔代表呢d人唔存在。

反正在第一等證據鏈上面,並唔支持「講話陪朋友,實則去睇樓」呢個指控。反而因為19:30要修改睇樓時間,更間接證明左MS LI 在18:39 ~ 20:30 真係有陪阿君而無去到睇樓。

(男方提出了一次錯誤指控/證據未充份就作結論的指控,誠信扣5分。)

男:60
女:100

其實在點解報行程呢度我亦有一個猜測。假如你仔細睇Ms Li 的回應:「i can stay with Kwan」。呢句入面寫住「i can 」。一般都係有人問你野,比如「你可以去邊度」「你有咩諗法」之類的問題,先會答「i can xxx」架啫。如果真係報行程,咁就係「I am staying with Kwan」啦。英語老師,唔係咁都會錯下話?

即係話,件事好大機會係莎比亞問對方野,而對方回答。咁樣仲係唔係「情侶報備」?睇你。至於點解問左會回答……我用返上一句,我鬼知。如果我乜都答到你就係上帝而唔係偵探。


另外睇張圖會知,阿Kwan 同Ms Li 講緊莎比亞果陣係直接叫「Cheven」而唔係叫莎比亞。而莎比亞本名叫Cheven亦係由佢朋友張圖度可以發現的資訊,點解我特登提起?

因為後面有貓果張圖,有一句「she is choosing a pen to help you 寫衰莎比亞」。如果係現實認識的人,對Ms Li 去講佢男朋友,梗係直接講人名啦,講咩筆名啊?唔通為左「方便讀者理解」咩?

讀者邊度黎啫,咪你地囉。至於「有知情人話會咁樣寫係因為莎比亞迫佢係人地面前要叫佢莎比亞」,咁關Ms Li 個frd 會點稱呼莎比亞咩事先?所謂知情人咪又只係第四等證據,個個都扮得知情人架喎。


同埋張指控圖CUT左說話人的名字,CUT左個頭象,再CUT埋日期,我話佢算第四等證據,都比多左佢啦下話?最後講埋啦,有人有心想幫MS LI 寫衰莎比亞唔係重點,重點係MS LI 有無回答佢「好」?定係回答左「唔洗,我想和平分手。」都好唔同。如果Ms Li 係認同左呢個做法,點解唔CAP埋 Ms Li 個回應去增強你的指控,反而要影隻男人臭腳同貓貓呢?

而家邊個呃邊個,邊個寫衰邊個,由大家自行判斷。

但我想強調,所有截圖都來自莎比亞個班朋友用黎指控MS LI 出軌的。而雙方係這post 的查證過程中,男方已經確切地扣左好多分(目前65),而女方呢度……就呢個證據黎講,並無足夠矛盾證明到要扣分喎……反而證明到有人引導緊風向,想用一份唔係行蹤欺騙的證據,咬牙切齒咁話佢去左同個男人扑野。

如果男方指控者不曾造假,我呢兩張圖可能會因為男方誠信可靠而將證據缺失的部份視為「咁啱無cap到啫」咁樣而去扣Ms Li 誠信度。但而家我真係扣唔落手。

咁男方會唔會扣?都唔會,我按照「不追朔行為原因」的原則,唔會將「點解唔做XXX」作為扣分原因。因為所有人都可以有自己的個性。就算果種個性不被我理解/認同,我都唔會去話「呢個世界上無可能有D咁的人會做D咁的蠢人」。呢個係偵查任何野的原則。

唔好再問點解唔出黎澄清。我問返你點解唔cap日期。最後咪兩邊各有各吵,各自選擇一方偏見?唯有睇證據可以搞清楚返件事。


(re-cap 埋有貓果張圖,來自post 9 或之前)
post 9 傳送門:https://lihkg.com/thread/2673372/page/1
2021-09-02 15:27:22
【8月12日】:假餐單報備+返屋企食糖水

https://na.cx/i/zLH3aUG.png
來自https://lih.kg/utLoJvX

https://na.cx/i/NnpgZXz.jpg
https://na.cx/i/rVyajXz.jpg
https://na.cx/i/QadJEXA.jpg


注意一點,這個假餐單事件並不是秋木子發出,而是post 12 開始先出現,由「躺平型態大師」發出來的。也就是偷偷將一開始張圖換走左頭頂紅圈信息,隱瞞「和平分手」呢件事的發帖人,同一個人,兼同一個帖。

post 12傳送門PART 1已有,不再重發。

這裡我個人覺得有鬼的有幾點:第一點是
【截圖的時間性】
12:32
1. 老闆回覆「應該有一年以上(笑哭)」
2. 老闆貼上2張新外賣餐單
3. 確定老闆無其他野講,然後CAP 兩張圖
4. 轉mon 去隔離個chat
12:33
5. 於8月22日(或以後)搵返8月14日的對話
6. cap多一張圖
注意一下三張圖的頭頂,人地覆完機到佢cap兩張圖出黎,再去埋隔離另一個對話入面再cap第三張圖,居然都只係12:32?犀利。

然後係圖片內的事件時間分析:
just arrived Vcity 係15:07。女友返到屋企食莎比亞的甜品(芋圓?)係下午 6:54。換算過黎即係18:54。

偽造行蹤黎講,15:07 ~ 18:54唔知個人去左邊。如果減返由Vcity 返屋企的車程,我估就大概係唔見左三個鐘左右……8月9日睇完樓,8月12日會去做咩?比較大機會係8月9日睇啱左樓,約業主簽租約。
我就咁睇呢段野,絕對唔會話100%係去左同李SIR扑野囉……
而POST 12 係貼張圖果陣實牙實齒話
「呃莎比亞話同朋友食飯,貼埋假相同假收據,其實去咗同姦夫通姦」
其實去咗邊,你點知架?帶WEB CAM?定係帶風向咋?你所講的假收據呢?POST 12 做咩無左所謂假收據既。又偷換D圖?唔緊要,接下來我會補埋假收據果個位。

另外,這裡行蹤欺騙是成立的。因此女方可信度扣10分。但依然未能確定屬於指控中的「同男友去左扑野」

新增藍字推論:(8月9日睇完樓,就算層樓連家俬,業主都唔會即時簽約,因為租樓要先比兩個月訂金,而業主要去銀行確定收到訂金先會交鎖匙,銀行夜晚唔開,支票兩三個工作天先會真正過數。確定收到筆錢後先會再交鎖匙……自己睇下日歷數下手指。
8月9日星期一深夜睇樓,咁啱業主得閒簽埋臨時租約,帶埋支票薄交訂金
8月10日—8月11日業主入票等睇銀行過數
8月12日收到筆錢可以交鎖匙
(現實中無可能咁急,反而最有可能係咁:
8月9日星期一深夜睇樓,約業主幾時得閒。
8月12日同業主簽臨時買賣合約。
連層樓都未有,點樣入炮房扑野?)


即係呢份證據 女:扣十分 (90)/ 男:不扣分(60)。



然後講多一件事,信唔信見仁見智:在貼MENU 果張圖度,女方頭象唔見左。在whatsapp 上面係封鎖左咁解。
綠字判斷:(或者無頭象可以係另一個AC黎,如果佢搵唔返女方的真頭象,又有心想設一個假ac + 用被封鎖的假象 去偽裝果一日的對話,可以咁樣玩。但我唔覺得佢地有咁高招)

再睇埋,在撐莎系列post 2 入面,有六張單機圖:

1. https://na.cx/i/1ojwHMV.jpg
2. https://na.cx/i/6BkoyTA.jpg
3. https://na.cx/i/FbYERFf.jpg
4. https://na.cx/i/MQ1yV6W.jpg
5. https://na.cx/i/OTX6wFg.jpg
6. https://na.cx/i/qZtYnMW.jpg
POST 2 的傳送門:https://lihkg.com/thread/2672728/page/1

呢六張圖全部cut 走日期,全部屬於第三等證據。忍受下,因為今次呢個日期就算有欺騙成份都無咩用。

係圖片1果陣莎比亞話:佢封鎖左我,我自己單機抒發下。
但果陣時,(莎比亞cap 圖時),女方頭象仍然存在,而文章是雙剔(雙剔代表對方有接收到,封鎖左唔會有),再加埋在圖片5中引用MS LI 一句對話:「可唔可以攞埋d 衫落去洗?」
女方仲同你對話緊啊!洗衫啦你,仲話自己單機下先,比人咩鎖左?你係咪連幫你貼圖片果個個FRD 都呃埋啊?

男方誠信因此扣五分。
(也可以扣十分,但佢今次唔係屈人地做左咩衰野,亦唔係話掩蓋左d咩消息,算係唔知點解但講左大話)

女:不扣分(90) / 男:扣五分(55)



【?月?日】

指控:晚飯陪朋友食,但張圖實際上係午飯
講大話的證明係1. cut 走張單的時間 以及 2. 拍照的時間係20:35,但係餐廳街景有陽光
(但同樣地,莎比亞係cap呢張圖果陣,都cut 左日期喎。條數點計?)
https://na.cx/i/WuRveaK.jpg
https://na.cx/i/LYWyWo5.jpg
https://na.cx/i/hK0LNvL.jpg
https://na.cx/i/ky7m5hr.jpg

呢度無得講,大話係講左,只係講到cut 走日期時間……其實cap圖果個人都有cut日期。如果cut 走日期就等於不可信……我呢part 會扣女方十分,扣男方五分。

點解咁都要扣男方分?首先,呢單欺騙係幾時爆發的?呢對情侶有無就呢件事和解返?我完全唔知架喎。如果一對情侶因為n個月前的野鬧過交,而家分手再拎出黎講,咁同佢有無出軌無咩關係。如果cut走時間就等於心有屎,咁發圖人都一樣cut走日期時間喎,仲cut 走勁多日期添。

女:80
男:50

行蹤欺騙無辦法作為出軌的證據之一,只係半個佐證,因為有時「行蹤欺騙」係有出軌以外的其他目的,比如

1。突擊返屋企睇下你有無出軌,於是呃住你話自己未收工。係咪行蹤欺騙先?又係喎。
2。同女朋友講今日要全日寫作唔好煩我,跟手打開部電腦打機。係咪行蹤欺騙先?都係啊。
3。想搞法律手續,就離婚一事徵詢律師意見,會唔會有行蹤欺騙?多數會。

不過女方今次個誠信十分係要扣。男方都要扣五分,就當我呢度扣埋咁L多張圖唔cap日期呢件事。好合理啫?因為撐莎的一方都話左張單唔cap日期係心中有鬼嘛。


—————————————————
PART 3 完
—————————————————
2021-09-02 15:27:49
PART 4 指控方圖片中的事件時序。(包含前文推理)


時序:(一樣,綠色係比較弱的推測藍色係強推測,黑色係純粹事件描述,加粗係完全由圖片中顯示出黎的野)

5月22日 疑似分手協議成立的日子
6月22日 莎比亞開始準備搬屋d野(由7月6日逆推三星期),因為莎比亞已經開始搬走d野,所以推斷佢地已經分手
7月6日 在這一天之前有足夠證據證明是分居協議的實行日期/簽訂日期,而且用左三個星期去準備搬屋D野,莎比亞終於執好並向讀者發文了。
7月15日/16日 MS LI認識李sir的日子(人口普查)(亦有莎比亞朋友佐證)

8月5日 MS LI去問有無樓要租 (清淨版面,我超連結張圖就算)
https://na.cx/i/CVED6vm.jpg
8月6日喺陪阿Kwan
https://na.cx/i/8kTxw15.jpg
8月9日(星期一,要返工的日子黎)都同Kwan 去住hotel。話係陪Kwan?(同日睇樓,上面已分析)
https://na.cx/i/CE50Aii.jpg
https://na.cx/i/dPxGmLK.jpg
另外睇張圖,阿Kwan 同Ms Li 講緊莎比亞果陣真係直接叫「Cheven」而唔係叫莎比亞架(強調)。

8月12日:假餐單報備+返屋企食糖水

https://na.cx/i/zLH3aUG.png
來自https://lih.kg/utLoJvX
https://na.cx/i/NnpgZXz.jpg


8月16日,(屯門多車相撞個日,星期一)。

https://hd.stheadline.com/news/realtime/hk/2170969
呢一日其實幾精彩,所有cap圖都無cut 走日期,但個日期只係寫「星期一」同「星期二」。代表真正的cap圖日期,就係呢個星期入面了。亦即係話莎比亞一方決定「同朋友講件事」的日期都係呢個星期發生。

https://na.cx/i/90OUF87.jpg
https://na.cx/i/c3C2P2s.jpg
https://na.cx/i/cLu43nr.jpg

咁呢單野的post 1 係8 月23日(星期一) 23:xx 出的。而入面果d圖,有親密對話寫住「bb」果d,都係標示「昨日」

用開whatsapp都知一件事,就係個日期呢,要係同一個禮拜cut圖,先會淨係寫「星期x」。過左一個星期,就會變成日期。咁即係話,莎比亞係最少由8月22日未過12點已經cap 低左Ms Li 同埋李SIR對話的圖,

post 1 :
https://lihkg.com/thread/2672620/page/1
所謂出軌證據:
https://na.cx/i/gpnNZAJ.jpg


指控:佢話陪朋友,去酒店,但實際上係上左佢屋企。(截圖ig story,26分鐘前)
https://na.cx/i/JCmbGTj.jpg

分析:陪朋友,去酒店,係8月6日至8月9日。但post 出黎的係ig story(頭頂有條time bar)係24小時期限架喎。
喂,睇post 的你地瞓醒未?CAP圖日期當你最早都要8月18日(咁先顯示到8月16日係星期一),你可以8月16日CAP 得到8月6日至8月12日(住酒店果段時間)的IG STORY咩?

(誠信分扣十,甚至扣15分我都覺得ok,因為佢whatsapp 連個朋友都呃埋)

女:80男:40(—10)

莎比亞截圖日果張,有MS LE 同李SIR 對話果個「bb」「handsome」係寫住昨天,而車禍日期係8月16日(星期一),佢很可能係事隔多日,突然有一個機會去睇到Ms Li 的whatsapp對話,引發這一連串的cap圖動作。(我唔知點解睇到,但結果就佢係搵到機會睇到。)
唔係一直放係屋企所以一直有keep 住cap圖,而係8月17日之後的某一日突然睇到。原因是:如果whatsapp 係最近的對話然後CAP圖,所有日期都不會出現,而是會顯示為「星期一」「昨天」呢類標簽。

唔好再問點解會CAP到MS LI 部電腦的WEB WHATSAPP對話,應該問的係,點解咁多張CAP圖都係顯示緊8月xx日而唔係寫進咩今天、昨天、星期X咁樣。說明莎比亞係好耐好耐無見到女友個mon。如果仲係同居緊,咁8月12日話呃住去陪kwan其實去睇樓,根本就即時會知道,即時cap圖質疑都仲得,到時證據鏈就會變成顯示「星期一」咁樣,令所有觀眾都無法翻查事實真相,咁MS Li也不可能翻盤了。



另外搬屋呢單野的時間,8月5日問樓,8月9日先上去睇樓,我當最快8月12日去簽約,之後在某個工作天裡面同莎比亞講要返屋企搬走d野。佢ok左,搬唔完星期六再黎搬。咁星期六一定得8月14日同埋8月21日呢兩個時間啦。

推測1,8月21日果個星期某個工作天同莎比亞講左搬野,星期六(8月21日)要去再搬多一轉,然後比佢趁Ms Li 忙搬屋果陣搵到機會去翻看前度的信息,發現同李sir 恩恩愛愛之後極度傷感,於是搵朋友傾訴,又有d作家的職業病發作,用左一個星期日係自己個WHATSAPP 度攞料,寫到個故事好juicy咁然後在8月23日send 比佢朋友秋木子,佢朋友聽完勁嬲,於是8月23日發出了post 1。

推測2,由分手開始已經傾好左分手協議,其中包括女友唔可以打爛莎比亞個飯碗,要配合宣傳活動,於是莎比亞同步準備寫深夜綠文,只要女友搵到新歡,就即刻可以紅到爆炸。佢朋友Terry有講過呢篇唔係咩新書宣傳,但其實可以係新書為左呢一刻而早有準備。

以上第一個推測係由時間證據寫出黎。
第二個推測建基於廢淡所說的一個設定:前女友唔可以公開話自己分左手,唔可以打爛莎比亞個飯碗。



—————————————PART 4 完————————————————

PART 5 其他細節

(全部是推測狀態,不改色了):



細節一:(圖)女朋友在食糖水了。

注意的位置:1. 發言人叫莎比。2. 對話只截了三句。

有咩好注意?WHATSAPP 咩情況下會SHOW 人名?就係Whatsapp group 的情況下。

咁咩情況下,你會係group 入面講女朋友食緊糖水比咁多人圍觀?

我的推斷係:呢個whatsapp group 係幫忙篐煲的,有人出計仔,有人圍觀,有人提供過請女友食糖水呢個建議然後期待緊後續。

當然有可能係純晒命。但我唔多信。然後……點解(可能係)篐煲group 的信息會係狙擊ms Li 的連登post 入面出現?耐人尋味。

點解只截了三句?唔知架,不過咁啱注意到又有人cut 頭cut 尾囉。
2021-09-02 15:28:13


細節2:(圖)Ms Li 說「等你返到黎我再說有咩計劃」果陣,係下午4:32。

返工的時間黎。

佢唔係講「等你返到屋企我再同你講有咩計劃」,亦唔係講「等我返到屋企再等你講有咩計劃」。

到底有幾多成機會係指返到office,有幾多成機會係返到黎Ms Li屋企,有幾多成機會係指返到黎「人口普查的臨時辦公室」?你地睇得出?反正我睇唔出。但合理推測:返工時間叫佢買珍奶,唔通係放工之後6點幾返到屋企先飲咩?

再講,係上班時間,叫人買埋珍奶返黎。咁樣就證明到佢地拍緊拖?我工作時間叫出左去的異性同事買珍奶就等於可以同佢變成情侶拿?佢地之後係一齊左,咁係咪等同於佢地認識的任何對話都係拍拖的狀態先?

當我係2022年同異性同事告白成功左,就代表我2021年同佢發展左好耐地下情去呃住全世界咩?合理咩?






其中一個指控:影完呢張相就去左個男人度。

細節:背景係西九




後面問「仲係咪住酒店」(張圖無日期,按邏輯鏈只能說是8月6日之後,話去陪kwan之後的某個時刻。亦有可能根本唔係8月6日後面,係其他日期&其他酒店,我有時會諗佢係咪張張圖都係由假張拼湊出一個「新的真相」。)
https://na.cx/i/hoVjWs8.jpg
https://na.cx/i/eaeXKqv.jpg
來自post 9:https://lihkg.com/thread/2673372/page/1
另外,Ms Li 隻手係咪瘀左……之前廢淡所提到的,「試過鬧交推跌佢」之類的證詞係咪可能性增加左?



但有路人提出,這是一個系列圖,在西九拍照,旨在為SONY做業配宣傳。
(目前仍未見到相關宣傳圖片,我亦好懷疑單野爆左出黎之後仲會唔會用呢輯相片。
如果日期係8月9日,咁按照日程表,的確係影完相之後,去左酒店搵Kwan。但就算最後無搵到kwan,其實係咪可以係請左假幫前夫拍照,怕被糾纏求復合就叫朋友打電話黎話有急事然後借電遁呢?可以喎。

就算MS LI 在影完相之後的確是聲稱去了跟KWAN在一起。但是沒有任何證據支持係表面同KWAN 實際搵李SIR。而且,8月9日在證據鏈上是「六點到八點半陪KWAN,九點半睇樓」喎,咁樣又話係「影完相之後去咗個男人度」嗎?

不管如何,照片本身係沒有日期的。而旁人的佐證說「見過佢8月9日在拍照」呢件事都係「由某人講出黎的時序」,屬於第四等證據,所以這裡沒有放在正式個時軸入面。

當然,日期係8月9日呢件事都係UP架啫,如果脫離左日期呢件事,咁呢個對話截圖就沒有任何參考價值了。就算莎比亞喊晒口咁話呢樣野係背叛,但證據鏈顯示係7月6日分居,之後同新男友一齊,新男友的出現係莎比亞知情。


細節:POST 1 時間性。

POST 1 : https://lihkg.com/thread/2672620/page/1

首先,這篇POST 一發出來是2021-08-23 21:35:35,一個字都無提莎比亞。

然後,#3就有人認出了莎比亞的存在,時間是21:37:52

然後,有人發現莎比亞的FACEBOOK PAGE 轉左黑色頭象,時間是2021-08-23 21:40。

而且#3仲係cap 左莎比亞在3月11日的facebook 圖做證據。入到PAGE,按下相片,拉落去都要時間啦。更何況莎比亞真係咁紅,可以令人秒速諗起佢女友係咩樣咩?又又又,仲要睇左原PO先會知個女主角咩樣,先會開始個回憶邊度見過佢喎?真係做到咁光速?

最後,莎比亞反應勁快速轉黑色。

你以為這就是全部可疑的地方了嗎?不,這一點都不算可疑,證據鏈上是不能拒絕巧合的可能性的。所以,1. 有可能真係咁啱有個fans 路過即時認出係莎比亞女友 2. 莎比亞可以是隨時望住連登感情台搵靈感。

但是……如果件事係咁,咁全局就係:

莎比亞CAP完圖,SEND完比朋友哭訴,講完成個故事後。佢朋友嬲到爆炸好不理智咁上連登,將件事加埋咁多cap圖都揚出去鬧人做死臭雞,然後莎比亞明明自己cap圖返黎,咁啱又巡連登搵靈感,睇呢篇文d圖都突然覺得好hurt ,於是就換成黑色頭象。後面一d路過佢fb page 的連登仔發現佢轉左頭象,引證左成件事原來係真。

我想搵個表情,表達我對呢段陳述的嘲笑。但搵唔到。


(中間個地球印足夠確定唔係來自IG)
(另外偷偷說一下,最接近發帖日而有MS LI 樣貌的照片其實是7月11日,但照片內有收銀機,辦公室照片黎。但當中文字已經足以說明果個女性係女朋友。
但果位#3捨近求遠,為左更突顯到果個女人同莎比亞有情侶合照,令個對比更加視覺化,到底什麼原因,我就不猜了。)


另外同場加演,文學家的數學觀念展示

1. 我同佢結婚六個月咋,下個月就九週年啦(邏輯)
https://na.cx/i/cQDJxZZ.jpg
2. 九年幸福原來只是謊言
https://na.cx/i/0RWOKB8.png
3.我終於給她一個家了(疑似結婚簽紙日期 - 4月23日。去到8月23日算半年?)
https://www.instagram.com/p/COAn1pOjmoG/
但其實是七年(帖子發出日期本年3月11日)。

傳送門:https://www.instagram.com/p/CM96LyLjVxm/?utm_source=ig_web_copy_link
仲講過d咁的野:



—————————————————
全篇推論完。
我講完喇,無咩野我都係返出去先。
—————————————————
2021-09-02 15:28:45
最後發表一D個人意見:

而家有個女人,係微末時照顧一個男人,貼錢去養佢,
比佢有足夠私人空間去追夢。然後個男人打左十個鐘頭電玩唔去寫小說……OK,忍到。
佢做左五年幾無乜起色,仲要大大聲咁話寫作比你重要。OK,都忍到。
每次書展做埋無薪女工幫手包書釘裝,無問題,照去。
訓得四個鐘仲比人罵,OK,繼續去。

然後,唔知七年定九年後的今天,個男人開始獲得廣告費,做左出版社合股人,事業終於捱出頭。

跟住個支持左佢八年的女人見到個男人咁成功,就走左。

呢個故事劇本,我覺得無乜人寫得出黎。反而更加印證廢淡所講,佢賺到錢都比好少家用呢個POINT。但屬於第四等證據,不放在最主主主要的位置了。


講句真話,呢單野入面Jerry/Terry 果篇鳩文係出左一分力。大家唔好因為佢係莎比亞個朋友就杯佢,佢都好難做。
Terry 傳送門:https://www.facebook.com/terrylazyclass/posts/570705807675661

摘錄:
【幾年前,他大有機會升遷卻選擇離開,決定全職寫作。
當時,他的女友沒有嫌棄,甚至,是世上最支持男友追夢的一位。
就這麼,八年已過,九年將至。她由女友變成老婆,他從窮困換來成就。


就是這一句,令我回想起在#5入面果個故事。一個女人,支持左個男仔八年,受盡折磨苦勞都唔分。而家佢原來係「從窮困換來成就」。
原來佢而家已經有成就。
咁分左咪好唔抵?從來都係最難捱果陣分,而家上晒軌道先黎分?

然後,這位Jerry 說:他真的受傷了。
並沒有說:個女仔真係好衰,點可以咁樣對我朋友架。

受傷,係指hard feeling。睇到前度過得開心,一樣可以感覺「受傷」。

他又說:【感情是複雜的,不到外人評論。但這不是新書宣傳,他的確受傷了,請別用你的聯想造成無謂創傷。】
叫我唔好聯想,我忍唔住去想。點解不到外人評論?因為錯的一方,未必係大家以為的一方。佢嘗試幫個女方講說話又驚比人屌?
【但這不是新書宣傳,他的確受傷了。】
(雖然男方才是做錯的一方,但他的心情的確很受傷?)
【我抑鬱時,莎比亞陪我發呆,陪我通宵。我們一起做過好多次兄弟,陪老友變老襯,做做下,他都結了婚。】
(要幫住個女方,又唔可以背叛一個係自己抑鬱的時候幫過佢的兄弟,唯有點做呢?唯有出一篇充滿暗示的文章,對文字敏銳的人自然會明白。)

我唔知佢係咪一開始就想暗示d咩,成篇野句句都串到應。但某程度上,可以說是Jerry 這些充滿暗示的句子,鼓舞左我去不斷尋找證據。

多謝Jerry /Terry ~你地一定要友誼永固,我希望你可以超開心!
2021-09-02 15:29:36
新po留名
2021-09-02 15:30:28
原來誠信可以量化成班打機打上腦
2021-09-02 15:30:33
多謝幫手開PO,真原PO留名~
2021-09-02 15:31:42
有冇聽過狼來了
講咁多大話,就冇人會信你
2021-09-02 15:32:49
好長,好驚copy漏
2021-09-02 15:33:19
2021-09-02 15:34:41
莎狗我話你知
我一定日日入黎推po
推到你仆街為止
2021-09-02 15:34:58
感謝幫手搬運!!
推推推
2021-09-02 15:36:03
我頭先用WORDS望左自己全部記錄........呢度14400個字........扣返整合你地的果部份,我估我最少打左一萬字……

莎比亞大作家,你的時序呢?!我等你寫時序等到我自己都寫左一萬字了!
2021-09-02 15:36:20
秋木子上水未
冚家鏟爛面狗屈完人就潛水
2021-09-02 15:38:42
其實秋木子係TERRY 懶人媒體堂的機會好高。

因為九年呢個年份,係莎比亞呢個月先開始講。在今年三月都仲係講話相識左七年。
2021-09-02 15:39:12
2021-09-02 15:39:20
秋木子(作家)
2021-09-02 15:39:46
2021-09-02 15:41:20
都唔知莎狗係咪精神病
一時一樣
2021-09-02 15:41:25
沙皮狗上水喇喂
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞