[排球] 日本排球集中討論區

睇緊東山對習志野，一回戰應該最好睇呢場

今年春高啲傳統強校收哂皮，鎮西係最後希望

開頭以為女排，原來你講男排，btw 恭喜下北沢成德同金蘭會入四強

就實有深澤姊妹果然強，率先入決賽

我好口臭，下北澤，金蘭會out

東麗第二局睇到炆
個二傳好固執
幾個接一傳又接得唔穩
領先幾分局點倒輸

Padar一個人公主抱起富松離場
好正

爆左好多冷，其實鎮西都差少少出局，牧晃大其實真係有能力練下，需要彈跳速度唔太突出，但係佢攔網手型非常好

鎮西第五局SETTER只係識四號位同後排，四號位仲要東歪西倒，日本航空要爆冷嗎？

就實雙胞胎深澤姊妹，成就會唔會高過南韓嗰pair？

我相信未必，首先深澤姊妹都係得176，而且彈跳力量係春高唔可以當係指標，李在英係U19已經有好既彈跳同爆發力，深澤姊妹至少要好似石川係世青之類有表現先再算，石川係世青MVP，但係一上到成人賽就冇咁強勢。
而且，近兩屆春高水準都好一般，我記得上年女子準決同決賽，我都係睇到訓著左，上年既新人得Mellissa一個叫做跑到出黎，雖然有一個深澤簽左久光，但係久光邊攻今季仍然過剩，要爭到上場唔係容易。
同埋今年男女子春高都可以講係冇球星可言，所以男子爆冷都唔出奇既，金蘭會自從冇左宮部妹，水準係下降左好多，吉武根本就表現唔好。反而我幾睇好之後一兩年既下北澤，因為真係有好多有能力既新人

係，下北澤原本有幾個二年級幾好，第一局最後嗰分原本係追平，睇重播都似，不過主裁判比古川攞第一局，好可惜

不過下北澤有個致命傷 就係二傳 因為下北澤都打法太落後 速度太慢 如果攻手唔係有硬實力既話 其實以春高各間學校既防守能力 真係會打得好辛苦 好似黑後果幾年都成日係五局大戰

另外古川嗰個多明尼加195身高嘅Alondra，係咪預定歸化日本？

呢個機會應該微D 佢本身好似係多米國青主力黎 主要係去日本讀書

我印象中佢代表過u18多明尼加，咁就可惜，日本欠缺呢啲高大球員，頂盡18x

女子真係最高係入澤了 之後都有一堆183左右 反而男排兩個有206 210

牧最多係大竹之流，因為身高吹大左，雖然今年係見到有進步但都係太鈍技術水平同期嚟講又唔太突出

鎮西傳統Ace排球，舛本真係好痴線一個人拎左五十分以上不過見到後面幾set乜波都格硬set晒比佢係有d過火

認同今年冇球星，男排為例今年重點介紹球員淨係得牧大晃實力未算超一流既球員
其他重點關注既選手例如清風前田，東福岡山田美雄，習志野高橋𪊴帆都好早出左局
本來上年畑虎太郞好多人期待，點知今年唔見表現有乜進步之餘表現重好一般
舛本感覺發球之外都勁過當年水町，應該算係今年最強選手同心目中MVP (今年MVP比左日航前嶋
總括而言今年春高應該係近年觀賞性同水平都比較差既一年

匪語“走走流程”.

冇咗郎平，起碼等於冇咗隻手，不過唔知佢會唔會遙控

上面傳到最行係蔡斌，如果係就應該唔會遙控。
其實既然唔足4年咁趕，不如揾個後生嘅如焦帥好過啦。

強国球迷胃口大咗.，如今朱隊長好似去向未明，呢三年真係邊個接邊個死