（下篇）石川真佑從奧運受傷既古賀紗理那身上學到既野 決心要V League帶領球隊
要描繪理想既未來自己既話，石川既榜樣係——奧運首場受傷再復出係球場帶領球隊既古賀紗理那。石川係苦戰中見到古賀既強大之處。
記者：為咗提高隊伍團體感，你認為有咩係必要？
石川：個人黎講，由表現去帶領球隊好重要，但係我而家覺得溝通都好緊要。例如打完一球之後同隊友講「頭先個球我咁打，希望你就咁樣做」，想令成隊都可以互相理解，我之後會試下積極咁講下野。呢個係奧運度紗理那san比我睇到既野。block同dig既協防個陣，（古賀）會比指示我「嗰個選手打d球路長，你留意下要救呢個區既波」，攻擊個陣都會同我講「對方攔網既手中間有位，你可以𣈴嗰到打」「而家你打擅長既球路都得啊」，呢啲都幫咗我好多。有時唔係詳細既指示，（古賀）會嗌「好，上！」咁樣帶起氣勢。自由人真子san都成日會炒起隊既氣氛。如果我都可以係呢方面幫到球隊就好啦。
記者：你仲記唔記得古賀選手係奧運第一場受傷嗰刻發生既事？
石川：因為係第一場，嗰陣個腦係到擔心之後既比賽點算好。但因為仲比賽緊，所以一定要先集中眼前既比賽。由嗰陣既下場開始紗理那san暫時離開咗隊伍，我更加堅定「一定要打得好」既諗法。第4場對韓國嗰場復出嗰陣，（古賀既）狀態都應該唔太好。但即使係咁佢都作為隊中王牌好勁咁帶領咗球隊，我想學習呢一樣。
記者：古賀選手受傷之後，你同黑後愛選手應該一齊背負既壓力都大咗。之後你有無同黑後愛選手傾過關於東京奧運既野？
石川：個人嚟講我有好多要諗既野同反省既地方，但係我地兩個既話就仲未傾返奧運既野。當我地係V League有成績嗰陣，話唔定會重新回顧下。總括嚟講而家我想徹底調整心情，想集中係上季爭一步拎唔到既冠軍，想全力同隊友為咗幫東麗贏而努力。
石川加油 幫輕古賀！
https://news.yahoo.co.jp/articles/b8af5437c1316d5c3245a62fbf1df538811c60ba?page=1
日本女排世一
而家仲咁嚴重㗎？
