一隻臭雞的自白

我自出良胎以來，從未想過會被人罵做臭雞、淫婦......但從昨日開始，被人用這些名詞罵了無數次，心裡感覺非常難受......但我沒有反駁......
或者...我可能真的是一隻臭雞......我是一隻白白虛耗了八年多青春在一個賤人身上的臭雞

雞.......我是臭雞......我是一隻愚蠢的臭雞.....但......現在我清醒了！！！

還未畢業時我認識牠，牠其貌不揚，但牠給我的感覺是一個熱血、充滿理想的人。但同時，牠也是一個很自卑的人，牠說怕自己醜陋的外貌令我卻步，所以牠對我作出很多的承諾，那時候我相信牠，被牠感動了，所以便答應了和牠一起

好了.....學完牠的矯情做作文筆後，我都係講返正題了.....我而家好憎佢，憎到佢出汁，我覺得佢根本唔配做男人，原因係咩？ 請容我下面慢慢講

我係一個好簡單嘅女仔，同一個人一齊，就會毫無保留地對另一半付出所有嘅女仔，我不求甚麼回報，但求另一半心裡有我，呢一點相信認識我嘅都好清楚，而佢，心裡面從來都沒有我



初初相識時，佢同我講佢理想係做作家，佢想畢業後直接投身做作家，我話你想做咩我都會支持，但做作家唔係一朝一夕嘅事，可唔可以搵份正職先，再兼職行作家呢條路呢？ 佢拒絕....

畢業後，我有工作，人工還可以，而佢就開始行佢嘅作家路，上網寫故仔，唔搵正職.....
佢話想同我一齊住，我就唔理家人反對，用我嘅錢出去租屋同佢同居，但由於我剛出來做野，無乜錢，所以只能揀唐樓劏房住，由租金到添置日常家電用品，所有錢我出，佢就只係執幾件衫就住得

算吧，都係再精簡一點吧

一齊住之後，佢日日無所事事對住部電腦寫野，從不做家務，我每日放工後仲要照顧佢日常生活起居，佢冇錢我又會畀錢佢洗，但過咗一段時間都唔見佢有錢搵到，我份糧又要交家用又要租屋又要交晒所有費用，仲要畀錢佢洗，我感覺好吃力，於是就迫佢搵份工，最終佢搵咗份一萬頭嘅工，佢話會幫助到佢創作

佢有工作後，唔需要問我拎錢，但從來未畀過家用，但佢做幾個月後又話份工辛苦，唔想做，於是乎又打回原形，到呢一刻我仍然對佢不離不棄，繼續支持佢，照顧佢，畀錢佢用

佢話呢度細，又要行七層樓梯，想搬，雖然搬屋要洗好多錢，但我都出錢滿足佢，搬完之後又嫌三嫌四，搞到要經常搬…

佢話想養貓，我又滿足佢，但佢根本就無諗過照顧啲貓，於是乎責任又落在我身上，喂貓執貓屎嘅工作全部我做，佢只負責得閒玩下抱下…變相又加重我嘅工作量

有日佢同我講，話藍橘子用一個好男友嘅身份去寫文，好受歡迎，佢都想咁做，我無意見，於是乎佢就開始行呢條路寫文…

後期佢又話佢個樣唔得，唔會夠藍橘子受歡迎，叫我幫下手，即係佢要出我嘅相我嘅樣。我內心唔想，但為咗支持佢，只能夠答應佢，後期佢發覺出我嘅相扮做好男友同愛情專家比較受歡迎…最後連啲簽書會，訪問都要我出席出鏡…但其實佢根本無諗過我係唔想出鏡…佢根本無理過我感受…但我仍然全力支持佢追夢…

一直以黎，佢搵錢唔多，但搵到嘅錢從來都唔會畀我，亦唔會用於屋企上，佢只會用喺自己嘅喜好上面…

我唔會專登去挖野出黎講你，我就用你寫過出黎嘅野講，好冇？

幾年以黎，佢一直好窮，直到呢一兩年叫做搵到少少錢…但你還記得嗎？

你話要學車…我畀錢你學

你話要買車…我支持你，但你唔係買架車代步或接我，你係要買架跑車炫耀自己嘅成功，到最後唔夠錢又係問我拎…

你話男人要有隻勞，我又買畀你，你仲要嫌唔係地通唔夠靚…

你話要出我樣先會多廣告商搵你喺fb賣廣告，我就聽你話支持你

咁多年以黎，我同我食過幾多餐好野？我一隻手掌都數得出，但食一餐你就fb出文黎讚自己好，其實你唔知唔道我只想同你靜靜地好好食一餐，而唔係想畀全世界嘅人知你對我有幾「好」呀

我要落街買餸買日用品，叫你陪我去，你話要寫野唔肯陪我，我拎住好多重野叫你落黎拎，你話要行七層樓梯不了，最後咪又係我一個女人仔拎住啲日用品、餸同一大包米行樓梯上黎煮飯畀你呢個賤男食，你仲好意思出文講到你好錫我？後期你一樣無幫我手呀。賤人！！！

你講得出寫作重要過我，根本就唔係衝動，係你心裡面嘅真心話黎，因為寫作會為你帶黎金錢同虛榮感，而我，只不過係一個幫你搵錢同照顧你嘅工具

我咁耐以黎，淨係試過有一晚同你行過七仔，我每日返工好辛苦，放工仲要改簿出試卷同好多學校工作，仲要照顧你同啲貓，我唔似得你咁日日大把時間，我無你咁得閒夜媽媽行七仔呀，我要訓覺架大帝


你話自己印書自己賣自己寄會一本書賺幾十蚊，一萬本就賺到幾十萬，我放工後仲要幫你包書去寄，搞到兩點都未訓得，最後病埋，你點對我？你乜都無做，醫生我自己去睇，叫你買碗粥畀我食都唔肯呀，仆街講到我自己都喊出黎…

你同人講話你送層樓畀我？我一早同你講過如果有錢買樓，實實際際買層實用嘅舊樓，有兩間房，一間畀你創作寫文，將來做bb房，最後呢？你自行決定買層貴價嘅納米樓，根本唔聽我意見，首期我都有份畀，寫我名係因為我先可以做按偈呀，你仲好清楚就算將來離婚，層樓冇你名都可以分一半。仲有層樓係我供架，裏面嘅傢俬都係我出錢買㗎

一直以黎，我嘅錢即係你嘅錢，我有幾錢你清清楚楚，而我從來唔知你每個月搵幾多，亦唔知道你銀行戶口有幾錢，講呢啲並唔係我用錢黎衡量你，而係話俾大家知你根本就愛錢多過愛我

鬧分手果次，因為你呃我話要寫野，其實就係fb度同女讀者噓寒問暖，我覺得你背叛我先至同你提出分手，最後隻貓捉住我，我回心轉意，知唔知點解？一來我想畀多次機會你，二來我知道我離開後，你係唔識照顧啲貓呀，你從來就無諗過照顧啲貓，啲貓只不過係畀你用黎扮愛貓之人呃讀者，所以我今次一定要拎走啲貓，因為你無資格同啲貓一齊，你仲好意思同人講話我搶走啲貓？賤人

你去街從來唔會同我交代太多，我去街就要無時無刻報到，又要隨時影相俾你睇，你同讀者講呢啲叫做sweet，但我話你知你呢啲叫你控制狂，變態，知唔知？


你知唔知道咁多年黎我為咗滿足你嘅夢想同虛榮心，我一直咬實牙關去渡過每一日？我份糧唔夠，我就去賣野賺多啲錢，最後你竟然拎黎攻擊我話我秘撈…你好過份…我搵嘅錢就係用黎畀你用架，賤人


最後講一講大家鬧我嘅事，佢呢一兩年扮好男人搵到啲錢，就話同我結婚，呢個係我最初同佢一齊既夢想，我答應前有佢傾過佢既問題，佢話會改，以後會多啲時間陪我…最後我應承咗…

我係一個女仔，我都想有一個夢幻婚禮，最後當然乜都冇啦，有隻戒指仔已算萬幸
。但婚後佢違背佢嘅承諾，一樣好似以前咁，閒時一係同佢班大作家傾大計，一係就同女讀者噓寒問暖或幫人解答愛情問題，根本只當我係搵錢工具同工人，我知道呢個男人無得救，唔值得我為佢托付終生，所以我向佢提出離婚，佢唔肯，我想單方面提離婚

但原來結婚未夠一年基本上係唔可以離婚


我承認我有出軌，但只係基於我離唔到婚，我錯，我真係錯，

人生中一次感受到有人照顧我嘅幸福

第一次見證到我煮早餐俾人食，人地係會衷心咁欣賞，而唔係拎部相機出黎影相留黎備用將來放上網

人生第一次有人正正經經去同我規劃將來

作為一個萬千讀者都覺得我活於幸福之中嘅女人，估唔到咁簡單嘅野，竟然要到青春無晒嘅三十歲女先第一次感受到，真諷刺



當初承諾大家和平分開，但估唔到佢會用電腦上我個whatsapp拎啲記錄出黎上網公審我，想我失業無依無靠…同埋可以扮癡情扮慘情，等自己多啲讀者支持，立於不敗之地…真賤格


我講完架喇，要鬧嘅可以繼續，我唔會再回應

偷食死全家啦

會唔會比返層樓佢

連登有無170以上既絲打？
https://lih.kg/438971
- 分享自 LIHKG 討論區

Ching讀男亦女 勁

亦

你估個個都有ac架咩？ 我純粹借一借出去之嘛

唔好問我，我唔知，我只係借一借比人用

家家有本，只可以話網絡嘅威力好大

你唔叫佢貼圖一律當你9up

但點都好 你講左咁大篇幅沙比亞點衰點衰
你都係出左軌 你都認出左軌 仲要勁細篇幅去講

你都係水洗都唔清架啦

咁你係臭雞人哋話你臭雞都係好合理

屌你都話唔關我事喇

但原來結婚未夠一年基本上係唔可以離婚

呢句你up乜鳩
你證明到你單方面同佢提出離婚 + 識厹sir係提出離婚後咪得囉

前面講句點衰點衰都只係合理化你出軌既借口
仲要唔知時間線

花生🤗🤗

你借acc比佢就點都關你事啦
你估佢借得你acc講就預計唔到有人覆咩

你咪做橋梁覆佢網民咁講囉

我條女問我借ac ，貼完先知佢貼呢d野

當初承諾大家和平分開，但估唔到佢會用電腦上我個whatsapp拎啲記錄出黎上網公審我

都係個句啦 你就得9up 人哋有圖

你話係就係咩 變左心既女人仲同隻厹夾計寫衰人既誠信唔慌高得去邊

一係就畀齊證據 否則當你9up帶風向

咁你同你條女溝通清楚先再出聲啦
風頭火勢出呢啲po 就一定大把人討論同質詢

你下下講句唔關你事 你可以講到幾時

岩架喇，條軟飯王做過咩都唔香要，大家連登嘛，明既😊😊😊

如果上述係真既話， 祝你有新既生活。

咁你係就入去主post爆佢老母大鑊啦屌...

講到咁委屈
分手後仲要數臭對方
都幾攪笑
好似對方逼佢同你一齊咁


喺埋一齊你情我願

要搵過個無問題
但分咗手先啦

道德嚴重出現問題
真係唔適合教書
唔好害人子弟

好似係你唔識喎😂