https://lihkg.com/thread/247353/page/1?ref=android
https://lihkg.com/thread/256053/page/1?ref=android
2星期過去,樓主嘅實驗宣告結束,但係過程亦吸引左一班想自制/戒打丁嘅巴打,如果因為實驗結束令到大家鬆懈會令人惋惜,所以希望開新pose等各位繼續進行,唔好因實驗結束而放棄。
以下係實驗結束後我嘅諗法
嫌長可剩睇文末紅字
首先,好多謝樓主開呢個實驗pose, 呢個pose可能唔算多人留意,但改變左我好多,所以無論樓主有咩決定我只會感激同支持
想講下自己情況,我丁史已經好耐,超過5年。 由一開始一星期一次 ,唔駛半年就變左幾日一次, 之後更加變本加厲, 一日一次/兩次。最嚴重個陣係日日都好眼瞓 上堂瞓 番屋企打完又瞓,完全集中唔到精神,個人臉色勁差,試過撞到一個好耐冇見嘅fd都話個樣變左好毒,連考試都係hea過,結果成績出黎先發現好大獲。雖然又細到大讀書唔算叻,但都維持中等水平,唔會差到要重讀。
呢個結果令我突然警覺,開始反省原因,最終總結係打自慰問題,令到我注意力不能集中,精力嚴重不足。有人會話:係你唔識節制姐,係呢方面我亦考慮過,嘗試降低自慰頻率,但好快發現係失敗的,我一自慰就好大機會連續破戒,呢個諗法一直存在我腦海,今次嘅實驗令到呢個諗法更清晰,我由一開始戒左5日,到第6日破左戒,再開始,結果隔一日又破戒,即係琴日。呢個結果令我明白到:自慰已經唔係會唔會節制嘅問題,而係能唔能夠節制嘅問題。我自覺唔能夠節制,所以我嘅目標係終身不自慰。呢個目標好宏大,亦都好難實現,但我會向呢個目標進發。即使等陣已經破戒,我亦唔會放棄。
至於點解要戒丁,原因係為自己。有女友,有錢,有權,呢d只係bonus(有緊係好事)。我宜家嘅目標係做一個頂天立地嘅男子漢(雖然我係因為成績差先萌生戒丁嘅念頭
)。咁點為之一個頂天立地男子漢,對我而言,係無論係咩情況,你都對得住自己,對得住其他人,問心係愧。呢個目標更宏大,但亦要踏出第一步。而點樣先可以做到,對我而言,第一步就係要徹底戒丁,令自己有番朝氣同努力嘅決心,當然我唔係要做和尚,性生活會有,但唔會係為搞而搞。講左咁多,唔係想設立咩戒丁group,而係想提議將呢度打造成一個節制打丁嘅平台,極端到可以係節制一日,到終身戒丁都得,想開始就開始,想結束就結束,想係度報日數就報日數,一直報又得,報報下唔報又得,報報下唔報突然又報番亦得,亦唔需要搞咩封閉群組,你想食花生就食花生,無所謂。樓主個d復活啊,整group list啊就唔駛咁辛苦了,將呢度當成自發記錄咁睇,唔駛有群眾壓力,純自願,亦冇人知你係邊位。其實個模式同樓主唔得閒整list之後直到今日都好類似
樓主同各位對呢個提議點睇?我一直當呢個pose係自發記錄咁睇,亦都會養成習慣繼續報,唔保證會成功,但我會努力,可能直到一個位覺得報日數已經唔再重要先唔報。
今日係Day 1, safe, 各位共勉之。
直線求j圖
加油呀你 以後個名單可以交埋比你管理了。重新黎過
