我想喺度分享一個我小朋友時期嘅真人真事,希望樓主唔好介意。
嗰陣我10歲都未有,而且我係一瞓熟就唔係咁易嘈得醒嘅人。
有一次我放學返到屋企,阿哥話琴晚屋企客廳有拖鞋聲。我就話冇,阿媽叫我地唔洗擔心,可能係屋企出面有保安行過,老豆就話佢都聽到,以為我地去廁所就冇特別留意就瞓返。
之後下一日,我瞓瞓下醒咗,但未瞓得返住。過咗一陣,突然客廳真係傳出拖鞋聲,好似喺度來回踱步,但客廳出面黑媽媽,已經冇哂人。我驚到啞咗咁,我阿哥用手勢示意我聽唔聽到,我點咗兩下頭。
我之後用被包住自己,就算幾熱都照包住。
之後第二朝醒返,阿媽話唔洗驚,今晚會冇事,因為佢放咗本聖經喺客廳中間,從此就冇發生過了。
呢件事真係印象好深刻,都幾肯定係有啲野。