移民台灣十年,被台妹鍾意嘅我仲未放低個港女《歸.宿》

716 回覆
176 Like 19 Dislike
2021-08-23 12:53:41
一啲啲,有啲係我嘅經歷+少少幻想,有啲係其他人嘅經歷。加埋就出現咗呢個故。
2021-08-23 12:54:15
台灣嗰邊定香港嗰邊?
2021-08-23 14:13:58
即係唔洗睇
2021-08-23 14:29:13
一人份好夠喇,太多就變急救箱

2021-08-23 17:15:08
香港
2021-08-23 17:55:08
都係紗布 三角巾 繃帶 膠布 膠紙 生理鹽水 較剪 手套cpr面罩之類
帶得多都無乜用 少事嘅都係痴張膠布 出事嘅個急救包都無用
不過都叫幫過人 有次去旅行朋友炒車好彩有袋係背囊
好彩身邊啲朋友都無覺得我好奇怪 最多都係笑鳩下我
2021-08-23 18:41:31
2021-08-23 22:51:16
十二、成就

坐在楊憶洛旁邊的日子,一直維持到學期末,亦迎來中五最後一次考試。這一段時間,楊憶洛卻減少了留在班房食三文治的次數,取而代之的是和莉莉、樂兒她們一起。即使如此,每星期中,最少兩天她會脅逼我和她一起共進午膳。又或是說,我樂意被她脅逼共進午膳。

她也沒有放棄逼使我跟她短訊,從最初班褸的設計開始,到BBQ的食材,漸漸地到班上的八卦,再到無聊的垃圾話。她總是說我的訊息十分冷冰冰,沒有emoji,但她也不想想我平日說話的語氣。

「聽日我要芝腿治。😝」

「OKOK 🙂」

「你好不滿喎。😡」

「下,🙂都不滿?」

「條友真係唔識嫁喎。👊」

我們學校在中五的期末考試會當成DSE的模擬考,不會再因應學校考試的時間而縮短。我從小學開始,就沒有溫習的習慣,這次考試,亦沒有提起我溫習的想法。

「點解你重係到彈結他,唔溫下書?」

楊憶洛邊咬著三文治,一邊看著西史的冷戰。而我則在一旁彈著結他。

「下,有聽書嫁嘛,唔洗溫啦。」我漫不經心地說。

「好笑,你有聽書。」憶洛冷笑一聲。

「點解要唔信我?」

「咁古巴危機係邊年?」憶洛發起挑戰。

「1962。」我秒回。

憶洛不服氣到看著我,不斷翻動著手中的西史書。

「星戰計劃係邊個總統?」

「列根。」

「咁五一五事件死咗邊個?」

「喂!日本史嚟嫁喎。」我說。

「認輸啦,聽日lunch你嘅。」憶洛得意地笑了。

「幾時應承過輸咗要請食飯?」我質疑。

「啱啱。」憶洛沉醉在勝利的氣氛中。「我哋食板長呀。」

「好呀。」我說。

「yeah!」憶洛興奮地說。

「但答案係犬養毅。」我說。

楊憶洛先是露出驚訝的表情,漸漸變得不忿。

「點解你會記得嫁……」她不服氣。

「楊憶洛小朋友,呢個故事教訓啲咩呀?無錯啦,就係要相信萃臨哥哥。」我扮幼稚園老師。

「收返埋先,好噁心。」憶洛露出連狗不了的動作。

「咁係咪板長?」我說。

「板長囉,唔准食咁貴呀。」她鼓起腮。

「咁不如爭鮮迴轉?」

當然我也覺得板長比較好食,但我本身就不是為了食好東西,我想的,是和憶洛食飯。雖然,我們一同食飯的機會也不算少,但約好了一同食飯,感覺始終好像有點不同。

「好多人喎,食唔食得切嫁?」憶洛問。

「咁食夜晚囉。」我提議。

「我唔想返屋企又出返嚟。」

她似是用不同的藉口拒絕和我食飯,雖然平日都有食飯,但此刻給我的感覺卻有點心傷。也許是我胡思亂想,她只是當和普通朋友食飯,沒有如我一樣有其他的思慮。

她當我是甚麼,我也搞不清楚,我也不敢去搞清楚。也許,這種曖昧不清,才是對大家都好的狀態。

「呀!咁你留低同我一齊溫書,之後再去食。」憶洛提議。

「好。」

我沒法給出更好的回應,這樣也許過於冷淡,無法顯出我是有點喜歡她。但我又害怕表現得過於興奮,像個奇怪的變態一樣。

「我估唔到你會應承喎。」憶洛有點驚訝。

「點解呀?」我問。

「你會溫書?」憶洛問。

「唔會。但我鍾意睇人努力嘅樣,然後笑佢哋。」我說。

「你試下笑。」她瞪了我一眼。

「唔笑。」我扁嘴。

「好醜,你都係笑好睇啲。」她說。

「係個人本身好睇。」我笑說。

「得啦得啦。」憶洛沒好氣地說。

-----------------------------------------------------------------------------------------

「啲年份好難記呀!」憶洛在我的身旁哀號。

放學後,她坐在我身邊溫習西史,這是她比較弱的科,文科班的她,數學卻意外地好,雖說和理科班的九十五起跳仍有一段距離,但在DSE取得Lv4的成績應該是沒有問題的。

「無辦法嫁喎。」我說。

「咁你係點記。」她看著我。

「記咗一個之後就大概記得嫁啦。」我回答。

「下,姐係點?」她不解。

「嗱,好似呢到咁,二戰係1945年完,咁八年抗戰呀嘛,減八年,1937咪盧溝橋囉,咁歐洲未開戰嫁嘛,兩年後先閃擊波蘭,咁歐戰咪1939年開始囉。」

我指著西史書上的不同事件,一一說明。

「好似有好記咗啲嘅……」憶洛仍然有些疑惑。

「我係記事件同邏輯嘅,死記真係唔得。」我說。

「我都唔想死記嫁。」她有點失落。

「其實西史都唔使好死記年份嘅,通常都係問原因同影響咋嘛,記得事件名就OK。」我補充。

「真係唔使年份咩?」她問。

「如似呢個韓戰咁,記得咪寫五O年至五三年囉,記唔清楚咪五O年代囉,我上次個Quiz就寫二十世紀中葉嘅,佢又咪照畀分。」

「點解你唔早啲同我講,等我背得咁辛苦!」她裝作生氣。

「你唔早啲問……」我說。

「唔理,係你錯,今晚你請!」她藏不住偷笑的眼角。

「咁樣走數?」我說。

「無呀!」她直接不忍笑了。

「最多AA。」我說。

「好!」她連眼睛都在笑。

---------------------------------------------------------------------------------------

「三文魚好食!」憶洛來迴轉帶上取下一碟花之戀。

「三文魚不了。」我把牡丹蝦放到口中。

「你唔識食,日本人好尊重三文魚嫁。」

她的口放不下一整塊花之戀,所以她先用筷子把花之戀分開一半,然後放到口中,露出幸福的表情。

「唔係AV女優咩?」我問。

「點解AV女優要尊重三文魚?」她問。

「係日本人尊重AV女優呀。」我說。

「咁關三文魚咩事?」

「就係唔關三文魚事囉!」我說。

「唉,中五的男學生,成個腦淨係得AV女優,食三文魚都會諗起。」她擺出厭惡的表情。

「就唔係囉。」也許,我滿腦子只有憶洛。

「哼,問你呀,你估我今次可唔可以全班第一呀啦?」她轉換了話題。

「有我,你難啲囉。」我說。

「憑你?你唔溫書就一定無可能囉。」憶洛輕蔑地說。

「所以你明我唔溫書嘅理由,係為咗令你有拎第一嘅喜悅,唉,我真係用心良苦。」我裝出疲累表情。

「算啦你,你今次試下溫書同我爭第一囉。」她下了戰書。

「我驚你輸咗喊咋喎。」我不甘示弱。

「你贏嘅話,咩都得。」她跨下海口。

「係咪真係咪都得?」我問。

我不承認我心中想起「女神說我考第一就畀我……」的句子。

「都係唔好,你呢個滿腦子都你AV女優、青春期、猥瑣、未拍過拖嘅男人,都唔知會諗埋啲咩。」她說。

「我真係有咁差咩?」我低聲說。

「你考第一我送生日禮物畀你。」憶洛沒有聽見我的問題。

「咩生日禮物先?」我說。

「你考第一咩知囉。」憶洛笑得燦爛。

最近看憶洛,她好像常常都在笑,要是真的從心而來的笑,當然是最好。她的笑,不像是在假笑,因為笑的時候,眼角是不會騙人的。但若是為我而笑,那會有多好。

「你又知我幾時生日?」我問。

「你估下!」她調皮地說。「咁我幾時生日?」

「唔知喎,十月掛。」我當然知道是十月二十五日。

「幾號呀?」

「唔……」我裝作思考。「二十五掛。」

「你真係估嘅?」她也許早已猜到。

「你估下。」我以她的微笑回應她。

「唔估喎。」她迴避。

我們都低下頭,默默地食著碟上的壽司。也許,此刻的她,在低下頭的同時,也有著和我一樣的微笑吧。

----------------------------------------------------------------------------------

「賣單啦。」

在職員數完碟之後,憶洛拿起帳單,直直向收銀走去,然後把帳單結了。

「畀返你。」我從銀包拿出一百元。

「唔使啦。」她沒有收下。

「又說AA嘅?」我說。

「我似係啲輸咗唔守承諾嘅人咩?」她說。

「都唔係輸嘅。」

我再把錢遞到她的手中,要女生請食飯,對我而言,仍然有些不好意思,更重要的是,我不想給她留下一個壞印象。

「我收埋咗銀包啦。」她馬上把銀包放到書包中。

「唔係咁好喎。」我說。

「咁下一餐你請。」她笑說。

「咁我實唔記得嫁喎。」我也不跟她在此糾纏。

「下,你有飯食先留低同我溫書嫁?你唔係諗住聽日可以走下話?」她說。

「又唔係為咗餐飯嘅。」

係為咗你。

「你係到我入腦啲,考贏你嘅機會又大啲。」她說。

「為咗贏,計到咁盡?」我其實求之不得。

「少女唔係都係咁嘅咩?」她笑說。

「由自己把口講自己係少女有啲奇怪囉。」

我和她並肩走著,宛如一對沒有牽手的情侶。

「咁我唔係少女咩?」她的微笑下藏著狠瞪。

「係,一定美少女。」我說。

「算你啦。」她收起凌厲的眼神。

「美少女轉身變,已變成女士~」我唱。

「你講多次!」她的拳輕擊著我的手臂。

「美少女!美少女!」

跟你散步分秒的倒數 其實時候都不早
我知你想有我的擁抱 快控制不到
退避暫時還好
明知我感染到每一下心跳 尚有企圖
放膽說不要太多招數
我經已被你暗中擺布


HotCha——對我有感覺
https://www.youtube.com/watch?v=xgtVjdCeEG4
2021-08-23 22:51:52
仲有7個正皮就加更啦!!
2021-08-23 22:52:21
睇嚟巴打都有一個好青春嘅中學生活
2021-08-23 22:53:12
需要嘅時候就會發現好有用,但平時真係成日被人笑
2021-08-23 23:06:39
2021-08-23 23:41:14
2021-08-23 23:58:03
留名
2021-08-24 00:12:14
2021-08-24 01:29:48
2021-08-24 01:38:50
無啦 係諗起中學玩得好開心 而家都唔同晒啦
btw文呢
2021-08-24 09:33:39
2021-08-24 11:01:26
2021-08-24 13:54:27
憶洛
2021-08-24 14:19:48
每次睇完篇文都要聽埋首歌先得
2021-08-24 17:45:37
2021-08-24 17:47:33
多謝戰士巴留名
2021-08-24 17:49:16
出咗啦今晚再更
我最近可能因為打文,成日夢到返中學,真係好掛住
2021-08-24 17:51:08
多謝你,啲歌都係我覺得聽住睇嗰更文會好正先加落去
有冇話對邊首特別有印象?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞