黃絲需要警惕譚蕙芸

樓主話佢文章有時唔夠精練，我同意，但唔覺得係一個問題，人係需要文字描述去想像當時嘅情況，當然你有權唔鍾意。

反而樓主話佢似龍應台咁需要警惕，究竟論據係邊？就係因為佢文章唔夠精練，加左描述？同埋佢溫吞婉約？

點解睇譚蕙芸會覺得係法庭新聞
法庭新聞睇文字直播會唔會更好？

推

黃絲有幾百萬， 甜酸苦辣，鹹魚青菜，各有所好

人格理含相同，人格都可以差好遠

最後驚嘅都企出黎，企係無咁驚嘅後邊，呢個就係黃絲，最後都有企出黎，其實都無得再要求，只能自覺轉化

大把人賣溫情，賣浪漫，但係咪個個都變龍應台哩？

無得要求咁多人都接受同一樣嘅野

只要睇得出係同路，我就唔會再有異義

要求個個理念一樣同時又有一樣嘅情懷，其實係不設實際

老泛民嗰套已經揚晒比全世界睇，係假嘅，相信大部份人都明，我覺唔會賣下溫情，浪漫就會去返呢個位

否則一早割晒蓆，唔洗太擔心

人多就係咁多唔同流派，呢點要接受，要求個個都硬橋硬馬？

你覺得有可能？ 包有反效果

睇五夜講場都知佢係寫報道文學果啲人，
反而覺得佢寫唐英傑寫得幾好，
等人立體啲了解唐英傑個人，
佢啲文嘅最大作用都係咁，
呈現呢啲真手足有血有肉嘅形象，
Connect返普通民眾，
不至於淨係知道個名，
國安法首個被告，
被判罪成等等嘅冷資料。
不過同意有啲位係冗長多餘嘅，
例如見佢寫法官就自動飛晒。

其實無論係邊個 都有權去寫自己中意嘅題材
正面定側面 敍述定描寫 只要唔偏頗
所以上面有人講得啱 要警惕嘅 係自己

上面都有人話冇辦法 人係中意嘩眾取寵
啱呀 但係都要諗點解 而唔係一味踩
樓主又何嘗唔係用類似手法 用「情感」達至得到人支持佢嘅睇法？

將譚嘅寫作手法 講成係「浪漫主義」 之後就拉到去運動嘅「階段性勝利」將所有正面諗法 描繪成自我安慰 自我陶醉 自欺欺人 不切實際 要每個人時時刻刻諗住情況係幾慘幾慘 正面少少就叫做「跌落地揦返拃沙」 咁又何嘗唔係另一種「浪漫主義」？

同意

全中。

其實咩叫言情小說？言情=鹹野？

推。真係要小心D賣弄文筆而忘記理性羅輯，遲D連事非對錯都混亂嘅人

呢啲咪例子囉

不如你有時間又去旁聽下，寫一篇你心水既法庭記事

睇唔慣佢啲文
唔知有無稿費計字數
勁撚多無關緊要支節描寫
好撚似專家證著咩西裝 咩髮型 都寫一餐
寫一日旁聽 扭扭捏捏 寫到好似繡花

推

實畀黃絲話你熱狗

讀者要小心閱讀
通常我都當佢d文故仔咁睇
好多不必要既描寫 寫完又唔覺得引伸左d咩出黎
好似上面quote 法官戴綠寶石戒指咁

又無去到要警惕咁嚴重 主要睇佢都係夠詳細 咩煽情位我都無咩留意
不個你寫既第4點我都好認同 好多時都係拗呢樣