黃絲需要警惕譚蕙芸

我講得唔好唔好意思盧梭佢喺文藝方面提出嘅的確重點在於皈歸自然，但我想指嘅浪漫主義係佢喺文學主張情感奔放嗰點即係用誇張嘅手法、想像去寫文，即係好似創造社為藝術而藝術嗰種重主觀、抒情嘅風氣咁

佢明顯針緊黃藍立場話緊譚乜乜
我一睇你認真回佢就知你會錯意
樓主呢個po都係另類圍爐po嚟，不必認真

譚的文風,適合替大陸的陽光司法做報導.

因為呢個係第一單國安案件

佢係有心刻畫好多法庭內嘅細緻位，等你有置身其中嘅感覺，俾入唔到去法庭嘅大部分人「聽下」案件點樣開審

咩浪唔浪漫定點，我唔覺得係作者特意渲染
好多時係讀者自己睇完加入去嘅反應，係讀者自己嘅情感

我睇大狀著衫，我唔覺得「型」，「有台風咁辯論」
我只係睇到法律人士周身名牌，「貴氣」
反映緊另一種「離地」同腐敗

建議樓主投稿俾加山 應該幫到你手
不過呢啲細網媒可能你聽到未聽過又睇唔起啦

家明果d仲on9

真心問，邊個嚟？

推

拉

「而且，理解係一個複雜勞力嘅過程，尤其喺資訊爆炸嘅當下，每人每日接受嘅資訊非常有限，而佢又要人喺文章喥蒒選過濾，睇法庭新聞好似做DSE綜合卷噉，要自己飛走啲無關痛癢嘅描述，無端造成負擔，其實幾唔負責任。你鍾意賣弄文筆係你嘅事，無理由迫讀者睇，好多讀者無為意有人寫咁多廢話，無意識去跳讀，睇埋大堆廢話而不自知，噉係浪費人時間。」
咁都有得屌 樓主整理下好啲 唔好乜都屌

老實講 譚文筆不嬲係咁煽情
唔通你又屌才子文筆九曲十三彎 令人好難明 或者 唔同人有唔同解釋咩
煽情文筆自然有佢既讀者base
你要直白可以睇沈旭暉或新聞報道既文
譚打既所有野都係自己私人Facebook page 出既 加多啲煽情文筆可以理解

加上，譚文筆係最近寫「光時」案中2位社科學者既學術理論寫得好清楚 自問社科學生都冇可能寫得有佢咁清楚 佢既文係真係有可取之處

老實講 要講你所指既浪漫式抗爭 立場同100毛既片仲多係你所指既煽情浪漫式抗爭

19才子都會比樓主屌 嬉笑式抗爭啦

唔同意樓主論點，主要有以下兩點：

1. 對特寫報導理解及包容不足、忽視咗獨立記者可以補充主流傳媒寫法嘅空白

2. 無法認同你講嘅浪漫化，似乎將文章寫得細緻、溫情，提升到政治路線之爭嘅感覺，有少少打稻草人feel

3. 如果你睇哂成個系列，以及之前佢寫嘅文，其實會發現佢對法官、警察，社運人士形象刻劃並非千篇一律。至少關於國安法首宗判刑，你睇之前篇章，再配合判刑後嘅文，就會發現成法官形象有幾具體，佢無為法官洗白

聽日有時間再補充

另一角度睇，佢擅長寫人物特寫
如果你當係特寫睇，從小處去呈現人物
達到讀者有共鳴，掀動到情緒
其實佢係寫得成功

個重點根本唔係浪唔浪漫，而係尚文輕武

佢寫得係可能太細膩大家睇唔慣，但其實呢啲「colours」係幫到讀者同後世理解一個沒有圖像紀錄嘅環境（法庭）入面發生嘅歷史性事情，storifying 一個otherwise沉悶嘅故仔亦係我個專題記者已有嘅技能，各自爬山你鬧乜嘢？

推

同感！有次佢長篇大論寫示威者被狗拉嘅經過，寫到唔三唔四，煽情又無立場，即刻unlike咗佢

認同

樓主快d走 呢到係兒燈
我幫你頂住

新聞都分軟新聞同硬新聞，譚蕙芸明顯寫開／適合寫軟新聞，所以好多都係特寫、專訪，文學渲染為主。

唔同題材既新聞有唔同寫法，有啲岩記實，有啲岩抒情；同一單新聞都可以有軟有硬，藉此幫忙大眾了解事情、真相既唔同面貌。

譚既報導只係光時案既其中一個橫切面，配以硬性報導黎睇，其實並無不可。唔好當曬佢既文章係事實既全部就得。