今年47歲嘅蘭子陳淑蘭係88年香港小姐亞軍,而且仲奪得最上鏡小姐,雖然就「梗頸」輸俾李嘉欣,但只可以講句,嗰屆港姐太高質喇!
冠軍——李嘉欣
李嘉欣都有名你叫「大美人」,當時只有18歲嘅佢就奪后冠,之後加入無綫拍劇,一講李嘉欣,大家都會諗起佢同洪欣,同埋個腦響起「好似人地王晶咁癡心情長劍咁,可以樣樣野都為晒邱淑貞去做,咁樣做對於你來講係侮辱你既智慧係戇居丫嘛!咁你咪要去抬起其他人囉,鍾意去同埋其他女人上床囉!打工仔?打工仔你使對人咁好個呵?你對邊個好?你對Ada唔好咩?成街人都睇死你開公司,仲開戲畀佢拍呀!咁多聯絡架?唔洗講野啦我地。我真係恭喜你呀,簽左個洪欣咁蠢既西...西女人返去!恭喜你快撚D捧紅佢添呀!你無諗住捧佢簽佢來把撚呀?」。今時今日李嘉欣已經46歲,依然keep到咁靚,而且同嫁咗俾許晉亨做幸福少奶奶,仲有個囝囝Jayden。
亞軍——陳淑蘭
蘭子選港姐時樣子睇落夠可愛又活潑,而且身材夠晒fit,有長腿,相信唔少男士都好鍾意佢。而且蘭子俾人嘅感覺唔會遙不可及,因為佢參與不同喜劇演出,《家有囍事》中演Sheila喺床上面「典嚟典去」唱「金絲雀、金絲雀」,大家一定有印象啦!o依家蘭子47歲,仍然活躍於幕前,喺ViuTV可以見到佢做主持嘅身影。
季軍——張郁蕾
雖然係港姐季軍,不過張郁蕾星運平平,好快就退出娛樂圈。喺06同拍拖8年嘅男友,著名導演朱牧之子朱濤拉埋天窗。
仲有陳梅馨(現名陳明君),佢都係88年參選港姐,雖然未有名次,不過之後都有拍劇拍戲,演過《壹號皇庭》系列、《刑事偵緝檔案II》等劇集。及後更轉型行性感路線,00年更主持過有線電視成人台節目《性在任你Call》。今年47歲嘅佢退出娛圈,專心打理日式料理餐廳。
今年李嘉欣46歲,依然keep到咁靚,而且同嫁咗俾許晉亨做幸福少奶奶。(資料圖片)