容我張狂，由香港踩單車去英國幫曼聯洗廁所 ( 拾參 )

887 回覆

199 Like 12 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁

告一段落 2017-07-02 12:04:23

一樣的夏天 2017-07-02 13:06:54

巴打真係堅, 本書會分幾多冊出?
5本續集都會追看.
多相, 詳細就正. 代入感都好D.

不敗丹尼爾 2017-07-02 14:34:15

巴打真係堅, 本書會分幾多冊出?
5本續集都會追看.
多相, 詳細就正. 代入感都好D.

一本過

無止境的冗 2017-07-02 15:01:10

有實力同無實力嘅分別
留名等書

d mk5p故點同丹尼爾比

個日見到個垃圾post笑撚左出黎

無止境的冗 2017-07-02 15:11:55

話時話當日瘋叫丹丹愛你個件中女
會唔會係supoort左你個最貴plan

不敗丹尼爾 2017-07-02 15:17:43

有實力同無實力嘅分別
留名等書

d mk5p故點同丹尼爾比

個日見到個垃圾post笑撚左出黎

唔好咁講
大家明眾籌背後嘅意念就得
佢哋商業考慮比起傳統出版社細（係細，唔係冇）
即係一個故，你寫好咗，字數同橋段唔會改，最多執吓啲字，但換轉係我呢啲，傳統出版社可能會基於成本同銷量等等嘅考慮，會減好多字數，甚至要我作一啲juicy啲嘅「經歷」出嚟，呢個亦係我揀眾籌嘅原因
嗱，發夢夢到架咋

講真吖，上撚咗舊登同呢度十幾年，多多少少都知道呢度係點，自問冇能力喺公海開post叫人買嘢而能夠一面倒支持，除非上撚咗神枱，唔係肯定畀人屌到反晒皮

不敗丹尼爾 2017-07-02 15:19:20

話時話當日瘋叫丹丹愛你個件中女
會唔會係supoort左你個最貴plan

已經知道係邊個，但唔係佢
係我一位非常尊敬嘅人，不過佢想低調，就唔公開了

不敗丹尼爾 2017-07-02 16:59:43

時區變咗GMT+0，終於入到旅程中最後一個時區。

喺法國Calais已經入咗境，因此一拎車落船，我哋已經可以直接出碼頭，自由離開。一同跟住碼頭地下嘅指示路線出去，因為Graeme同Kerry會留喺Dover一日遊玩，之後再搭火車去London，我就同呢對澳洲夫婦先行道別。

順帶一提，應該係因為碼頭好多員工都係用單車返工放工，所以地下有好清晰嘅指示係畀單車行。照計唔會淨係畀我哋呢啲旅客行嘅，可想而知英國嘅單車使用率都唔低。

就好似咁，前面係Kerry

Dover同Calais一樣，只係一個小城市，但明顯有分別嘅係，呢度真係好英國（仆街廢話嚟），成個feel好唔同，無論係路牌、店舖同耳邊聽到嘅，都係熟悉嘅英文，諗落竟然係成個旅程中，除咗香港同大陸某啲地方，唯一一個講我聽得明嘅語言嘅國家。

感覺實在太好。

就連車牌，佢都同歐洲嘅唔同，因為歐盟用嘅車牌係左面藍色一個框，有歐盟星星旗，下面係個國家嘅簡寫，例如法國係「F」、德國係「D」（唔係G，因為係跟返佢哋本身語言嘅串法，德國係「Deutschland」），有撞嘅，好似丹麥咁，就「DK」。雖然英國都係歐盟成員（暫時仲係），亦有部分車係用歐盟車牌（「GB」，Great Britain），但更多嘅係用緊佢哋傳統前白後黃，即係香港跟佢用緊嘅最普通車牌。

Dover海岸

由此可見，英國一直自豪於佢哋嘅與別不同，脫歐呢家嘢，依家唔脫，遲早都會好似AKB48啲女咁脫。

淨係個海唔臭，都秒殺星光大道

Dover都係一個十分靚嘅地方，建議大家有機會嘅話，都要去遊覽吓。

我光速屌西咁離開Dover，就向住London進發。本身諗住沿住單車徑踩，但經過一輪上山下海，發現英國對單車徑嘅保養可以話係停留緊喺史前時代，或者咁講，好多時佢哋嘅單車徑係會穿過運河、郊野公園同行山徑等等嘅地方，根本就唔係一條正正式式嘅單車徑，佢預你行山呀跑步呀，又何從保養呢？情況就同法國等地一樣，只係英國更加常見，我又喺英國留得耐啲而已。