容我張狂，由香港踩單車去英國幫曼聯洗廁所 ( 拾參 )

887 回覆

199 Like 12 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁

不敗丹尼爾 2017-05-30 01:13:42

真真正正最後一個post喇！距離倫敦，呢一刻都係得返一個禮拜貨仔去講，所以我都幾可肯定呢個會係《容我張狂》嘅啦屎一鋪。

先旨聲明，我唔會喊嘅，不過亦十分感謝眾位撚屌一直以嚟嘅支持。如果日後大家有咩想搵我傾，又或者有啲旅行上嘅嘢想交流，歡迎大家去Facebook inbox我，我非常樂意同大家保持聯絡。

我個濕鳩page係：
http://www.facebook.com/danielthewanderer

希望大家去畀個like，反正唔使錢嘅

之前十二個post既link係度：

丹尼爾流浪記（一）
http://forum6.hkgolden.com/view.aspx?type=TR&message=6153047

丹尼爾流浪記（二）
http://forum6.hkgolden.com/view.aspx?type=TR&message=6166794

丹尼爾流浪記（三）
http://forum6.hkgolden.com/view.aspx?type=TR&message=6182773

丹尼爾流浪記（四）
http://forum6.hkgolden.com/view.aspx?type=TR&message=6202113

丹尼爾流浪記（五）
http://forum6.hkgolden.com/view.aspx?type=TR&message=6219586

丹尼爾流浪記（六）
http://forum6.hkgolden.com/view.aspx?type=TR&message=6288958

丹尼爾流浪記（柒）
http://forum6.hkgolden.com/view.aspx?type=TR&message=6335268

丹尼爾流浪記（八)
http://forum6.hkgolden.com/view.aspx?type=TR&message=6448889

丹尼爾流浪記（九）
https://lihkg.com/thread/36146

丹尼爾流浪記（十）
https://lihkg.com/thread/75050

丹尼爾流浪記（十一）
https://lihkg.com/thread/117480

丹尼爾流浪記（十二）
https://lihkg.com/thread/158938

正所謂「百貨應百客」，如果你想睇啲我睇返都覺得自己長氣嘅文的話，詳細版嘅blog啱你。Blog暫時冇乜update，相信呢度完咗之後我會花啲時間搞吓嗰度，link如下：

http://danielthewanderer.com

而我個旅程依家連載到：

香港－＞廣東－＞廣西－＞貴州－＞雲南－＞西藏－＞尼泊爾－＞印度－＞巴基斯坦－＞伊朗－＞土耳其－＞保加利亞－＞塞爾維亞－＞匈牙利－＞斯洛伐克－＞奧地利－＞捷克－＞德國－＞荷蘭－＞比利時－＞法國－＞英國

最後就係，記得正評同留言，等多啲人入黎中伏

Let me recap in Cantonese: 我哋要搵英女皇喇！！！

不敗丹尼爾 2017-05-30 01:16:32

喺借到電話之前，中東人嘅好奇心再度發作，問長問短，我長話短說之後，其中一個終於借咗佢部電話畀我打，線都未收，就見到Riccardo喺對面屋走出嚟。

接咗我入去之後，Riccardo幫手安頓好我，就叫我去沖涼，自己走咗落廚房煮嘢我食。呢份carbonara，我相信係我人生第二次有意大利人煮意大利嘢我食，第一次就係Claudia喺印度煮嘅。我平時淨係食開Pizza Hut㗎咋！

意大利人？冇錯，Riccardo係一個攻讀緊法律嘅意大利人，依家正喺Brussels實習。唔止佢，呢間屋入面仲有幾個意大利人，夾埋其他唔同國家嘅後生仔女一人租一間房咁。而令我過意唔去嘅係，Riccardo將佢間房讓咗畀我，自己走咗去瞓廳。

比利時都有一蚊店，不過人哋係一歐

比利時喺歐洲歷史上佔有一個幾特別嘅地位。比利時曾經係法國嘅一部分，直至依家，法語依然係官方語言之一（荷蘭文亦十分通行）；佢喺戰爭期間就係一個中立國，受到德國侵略，引起列國參戰；戰後Brussels又成為北約同歐盟嘅基地，喺國際舞台上都幾出位吓。

最多遊客集中嘅Grand Place

Grand Place係一個龐大嘅廣場，廣場嘅建築，尤其係市政廳，都有幾百年嘅歷史，係法國統治時期嘅代表性建築，更加係眾多遊客打卡嘅邪惡拉絲必到位。

比利時國寶級卡通人物Tintin

Tintin即係《丁丁歷險記》，喺二十世紀初已經登場，由於佢倡議人道同反戰，喺當時醞釀緊第一次世界大戰同爆發戰爭之後引起成個歐洲嘅共鳴，時勢造英雄，丁丁先成為當代具有代表性嘅卡通，後來唔知做乜犯眾憎，個個都要打丁丁。

屙尿細路

屙尿細路又係Brussels一個打卡地點，不過唔係個個都搵到佢個位，比較唔起眼。可能大家都聽過點解會有呢個雕像嘅故事，話咩有人放炸藥，隻塞豆窿見到就屙督尿淋熄條引。原來當地仲流傳另一個版本，不過呢個版本就冇咁戲劇性，係話有個有錢佬唔見咗個仔，發散晒人去搵，而搵到仔仔嘅時候，佢就係屙緊尿，咁為咗紀念呢件事，有錢佬就搵人整咗呢個雕像。

哦屌，原來想留名後世，最終都係要靠父幹。