隻貓上星期三凌晨突然嘔左一大堆野,等第二日已經即刻帶佢睇獸醫,醫生打咗止嘔針同俾咗胃藥,食咗兩日都唔見好。
星期六再帶佢去睇多次,今次驗埋血,驗到有胰臟炎,醫生比咗抗生素同埋胰臟酵素。
去到今日佢病情都係反反覆覆,有啲有啲精神,有時好似好痛咁
星期二朝早又開始嘔,total 嘔左4次,今日再帶佢去睇醫生,今次照埋X光,但係醫生話唔似有嘢塞住腸,叫我再去照超聲波,之後refer左去另一間到照。
超聲波照到佢胰臟發炎但唔嚴重,反而係個膽囊脹到4mm大,今日就打左2次皮下水,打左止嘔針。醫生比咗止嘔藥,腸胃蠕動藥,止痛藥。
佢貓仔細細食咁多藥真係好心痛佢由上個禮拜嘔完之後就冇主動食過嘢,一直都係灌食,有屎有尿,尿有啲黃,唔知關唔關食咗抗生素事
究竟佢會唔會好番,真係心好累,完全訓唔到