(智利) 南美洲生活與創業之旅

你係皇家蘇絲打

邊位？

咁都唔識皇馬蘇斯達副隊長
btw以前追過你遊南美post

我幾時出過南美post？

墨西哥

南美

我間鋪放左好多小飾物用黎裝飾間鋪
隔離鋪頭個智利人老闆走過黎同我傾計
佢話好快我D野就會比人偷走哂

聽落烏拉圭D治安都唔錯wo
巴打係住邊個城市?
智利D治安差過我岩岩黎果陣
大量既難民湧入, 質素參差
加上大環境差, 多左唔少打劫案發生

分享多少少
有好多人會話自己都冇錢, 何來創業?
提提你地可以利用MPF
只要你證明你永久離開香港就可以攞出黎
我一早已經攞左出黎
我自己就零願自己用黎做生意同投資
自己去計劃自己既退休金

呢個post的確係想幫一d有上進心既人過嚟智利發展
語言對我黎講唔係重點
因為有上進心自然就會學得識
我建議你追哂所有post先
睇哂了解完之後又好有興趣可以加我TG傾
最後雖然之前既post我都講過
但都講多次
我就唔建議為左離開香港而離開既
真係要考慮清楚呢一點

加油，仲會唔會返香港？應該識你真人

會啊，此終最好既朋友同家人都係香港，d朋友問我幾時返香港呢一句已經變左月經問句咁

唔少朋友都私底下話知我係連登開post，去過台灣讀書然後依家又係智利既香港人真係一聽就知係我黎，不過都係果句我都唔介意自爆，識我既都應該會知我唔係果d充大頭鬼既人，網路上講野亦然係對得住自己良心。

眼見身邊既朋友或網路世界既人，希望我既例子可以鼓勵到人地千祈唔好放棄，努力活出一個屬於自己既人生！

問吓啲例牌嘢
會唔會俾人歧視
當地女仔吼唔吼香港人

點解你地要將d感嘆號同問號倒轉寫?

Lm

我就從來冇感受過比人歧視
反而大部分會有善不單止仲好主動想了解我點解會黎智利
FB見佢地討論一d經濟上既問題
通常都會話中國人帶錢入黎投資係對智利有正面既影響
（當然亦有一部分會話中國人入侵智利，例如電力供應商比中資入侵左）
通常佢地唔中意既人走難入黎又做犯法野既人（上一個總統係無條件放人入黎智利，我都係果段時候入境智利，當時只要用旅簽，落到地就有辦法搞居留，所以入左大量質素參差既人入黎智利）

首先針對香港人呢個字眼黎講，你唔好預計有人會識分你係香港定中國，直頭唔會知香港係咩黎，見你亞洲人只會問你係中國，韓國定日本，要同我熟既鬼仔先會識香港（因為我同佢地解釋），但唔會怪佢地唔識，正如我唔係過左黎智利的話，我都唔會去了解智利既歷史或其他野。

Kpop同動漫係智利好紅，所以都有好多女仔對亞洲人有興趣，眼見都唔少中國或韓國仔都拖住鬼妹，仲有就係睇FB佢地討論會話識到中國仔最少唔洗愁食同穿著，因為普遍都搵到下錢，我自身既感受都的確係有d女仔見到我隻眼係發左光咁，唔知佢係見到我係老闆定我係亞洲人定兩樣因素都存在。

但又戴定頭盔，肯定有鬼妹唔會吼亞洲人既，相反我亦唔覺得鬼妹就一定岩我，文化差異會係一個好大既問題，有d野係真係得港女先明白你，就算我以前同台妹拍拖，台灣同香港咁近文化，都係有d位我唔明佢或佢唔明我。

! 你覺得呢個係一個正既感嘆號
¡呢個你覺得係一個倒轉既感嘆號
反而我想問你點解係咁？
因為老師咁教你？

我地可以反思一下例如老師父母成日話
好好努力讀書然後打份好工
我地既人生就美滿架啦
事實係唔係真係就係佢地教咁樣呢？

我就認為!或¡都係一個感嘆號
冇分倒唔倒轉

巴西葡萄牙？？

我上網copy & paste
你唔講我都冇留意到有兩個唔係講西文既國家
我都唔確定係唔係全部都正確
因為我淨係接觸智利人同委內瑞拉人
智利就叫cabrita
委內就叫cotufas
係西文既YouTube channel 好多講呢個話題
大家有興趣可以YouTube 搵下

其實係咪好多行業都有得創業

驚唔驚地震

真係冇驚過又
我諗我死係其他野手上幾率會高d
例如揸電單車，食煙飲酒。

多謝分享
管員工應該幾唔同下，未必咁易執行計劃