衷心一句Sorry,隔咗咁耐先更新。
一口氣交待下發生乜事先:
上星期一自己無啦啦喺地鐵站內仆街,一開始以為無乜事,當日下午同朋友食飯,佢見到我腫晒就叫我去睇下。
我就低能去咗睇跌打。
結果睇完後隻手仲痛咗,去到夜晚直頭痛到要keep住啪止痛藥先頂得住。
星期二朝早我直接去睇西醫,諗住拎轉介去骨科照下啦。個西醫就直接同我講:
「呀飛機生,唔好搞事啦,仲拎轉介慢慢去照,之後過幾日張片先返到呢邊,你諗住咁嘅狀態頂多2、3日?」
所以就佢就直接比張轉介話懷疑斷骨叫我直衝急症室算。我仲返公司放低啲嘢交帶落要點幫手 cover先飛的去津敦治。
我聽我同事(佢之前斷過腳)話,衝公立醫院(因為斷骨基本上cat 3,通常都只係等1個鐘鬆啲)。但結果我雖然cat 3,但都等咗3個幾鐘
等寶照咗片又等
我嗰下已經算到火都黎,我諗住等到睇張X光片,如果無斷,我就真俾直接走算。
點知一睇片,個醫生即刻話:
「飛機生,嗱,你自己睇下喇,斷咗喎」
之後就直接轉介去東區醫院
過咗一晚,原本話晍使做手術,但之後發覺斷嗰條骨移咗位(極有可能係比跌打佬將條斷骨捽到移咗位
)最後星期三就出院,預約咗尋日(今星期一,再入院,星期二做手術。)
如無意外應該9個鐘後就做手術,所以下一次更新可能要等到星期四了
Sorry。
不過真係要小心,原來30幾歲一樣可以仆斷手骨