11年後的Reboot ⋯⋯ 我和鬼妹的再一次親蜜接觸

11年前喺舊登寫過一篇《我和鬼妹的親密關係》，早幾年得閒自己翻睇，覺得有好多地方真係寫得好幼稚，仲有中、後段有好多嘢都漏咗，再加上呢幾年有一啲意料之外嘅進展，一直都好想重新寫過。咁啱喺叻一個印度分享post度發覺原來仲有人記得，所以終於扚起心肝去將成件事去重寫。

礙於工作問題（而家份工無以前嗰份咁空閒），我唔可能好似11年前咁喺1星期內完咗成個故事佢。不過我承諾只要有人睇，我就一定唔會爛尾。而且成個故事嘅結局都會喺呢度 post出黎唔會開pateron要課金。

有個好少少嘅消息係我而家寫嘅每粒字都係用電話輸入法打嘅，起碼唔係11年前用手寫版，肯定會快好好好多。（真心覺得嗰陣自己真係好有耐性）
我會盡力keep住閒日一日出2-3篇（星期六、日就無喇），而家暫時有大約1星期貨仔。
（到時要減慢嘅話，我會出聲）

同11年前一樣，有問題、意見隨便提出，我答到一定答。不過唔好問圖啦，我唔會貼。

我今次會將之前寫過嘅部份全部重新寫過，但為咗之前睇過嘅人（好感謝你今次都支持我）唔會悶，今次會加返一堆上次skip咗嘅部份。內容方面，會保持甜度，但唔會太多。文中仲會有大量地點（尤其係食肆）、品牌等等，但真心並唔係宣傳，只係真係嗰陣去咗嗰度。

如果打算轉載、出書，請通知聲，唔好就咁拎咗去當自己嘢黎吸水。最後最後最後，真係多謝大家支持

事不宜遲，開波：

11 年之後見返個鬼妹已經老到好似四十幾歲咁，你唔想同佢reboot 了，完

😂

序章 再一次久違了的重逢
時間：2019年11月25號

零晨兩點左右，就在我打算準備睡覺迎接每一個打工仔最痛恨的星期一時，電話就響了起來。電話顯示是M的 WhatsApp來電，身體僅有的一丁點倦意隨即一掃而空。雖然一直保持聯絡，但我們的通訊一直都只流於那一個共有的電郵和極少許的 WhatsApp/ Facebook messenger，會直接對話，可能只有特別日子（生日、聖誕、新年等等）的祝賀罷了。

（對話內容： 😑我 😊M）

😊「Hey!You asleep yet?」
「喂！你睡了嗎？」

雖然自己還沒睡，但我仍然扮被嘈醒。

😑「Dear, it’s 2 am, and it’s Monday tomorrow and I got to work, what do you think?」
「親愛的，可零晨2點了，而且明早是週一要上班，妳覺得呢？」

😊「I can’t help but noticed that your birthday is in 2 weeks’ time, just wanted to check if you have anyone special to celebrate with you and whether you have been, you know… keeping up your schedule」
「無呀，我啱啱留意到你仲有唔到2星期就生日喇，想睇下有無人同你慶祝丫嘛。同埋順便問下你有無真係堅持到。」

😑「I am expecting you to celebrate with me! And yes, I maintained the schedule as promised」
「等緊妳同我慶祝呀！同埋梗係有持之以恆啦，講好咗㗎嘛。」

😊「Really? Then I am really looking forward to your transformation… I won’t disappoint you, so… mark your calendar, I will be in Hong Kong from 1st Dec to 08Th Dec. Book a hotel at a convenient place and arrange some interesting places to visit, alright ? See you on Sunday」
「真係有持之以恆？咁又真係有啲期待你嘅改變喎。我唔會令你失望嘅，係咪？我黎緊1號會到香港，留到08號。記得幫我book酒店同安排去啲特別嘅地方玩喎。星期日見呀！」

閒聊多幾句掛線之後，心中馬上期待著5天之後的到來。上次見面已經差不多9個月之前了，作為一個男人（Sorry，我無性別歧視嘅意思，但係普世價值下男人確實只可以「強」），我不應該明確的表現這一種想法，但我真的真的好想妳。

接下來5天的工作天，大部分時間都是在安排之後那幾天的行程：拼命的去回想當年我們說好了他朝一日到香港時要去甚麼地方、吃甚麼、體驗甚麼。雖然加上自身的工作，我應該是挺忙的，但時間真的過得很慢很慢。

（待續）

終於等到 留名先

好不容易才撐到星期五，當晚約好了朋友晚上到深水埗愛民生食大排檔小炒。七點多才剛離開公司，M的 WhatsApp call又打過來。

（對話內容： 🤨我 😊M）

😊「Off work yet? It’s Sunday soon, excited? Done planning yet?」
「放工未呀？星期日快到了，期待嗎？安排好行程了嗎？」

🤨「Of course, everything set and done, just need you to be here.」
「當然期待，行程都安排好，就只等妳」

😊「So nice of you, one quick question, do you know Chong hing Manson?」
「真體貼呢，問你一下，你知道 Chong hing mansion嗎？」

🤨「What Chong Hing Mansion? What about it?」
「甚麼Chong Hing Mansion？」

😊「It’s in Tsim Sha Tsui, with loads of curry places and south Asian people」
「喺尖沙咀，有好多咖哩鋪同南亞人㗎。」

搞咗一大輪，我終於知佢講緊重慶大廈。。。

🤨「Argh… I know, it’s a pretty doggy place, why?」
「呀！我知呀，係個治安唔係太好嘅地方」

😊「What’s your plan for tonight?」
「你今晚有甚麼計劃嗎？」

🤨「Just having dinner with my friends」
「就和幾個朋友吃飯而已」

😊「Friends? Girlfriend?」
「朋友？還是女朋友？」

🤨「Friends. If I had a girlfriend now, you would have known」
「朋友喇，妳又不是不知道我單身」

😊「So sad… Well then I am joining your dinner, I am staying at the Imperial hotel by the Chong Hing Mansion, room 1702, pick me up in 30mins?」
「好慘哦。。咁好啦，我又黎食。我而家喺重慶大廈隔黎間帝國酒店1702號房，30分鐘後接我？」

🤨「What?」
「甚麼？」

😊「1702 Imperial Hotel, 30mins, ok?」
「帝國酒店1702號房，30分鐘」

我比M殺個措手不及，但內心即刻戰狼上身準備反制。

🤨「I will be there， see you in 30min」
「好，30分鐘見。」

話畢，我即刻由原本中環地鐵站皇后像廣場嗰個入口反方向跑向蘭桂枋方向。

（待續）

樓主 求多啲過程甜唔甜無所謂的

要後少少先有今次會慢少少，但會詳細好多

咁2019嗰陣佢都係33啫，雖然肯定老咗，但都keep到（原因之後會講到嘅）

當年追到停唔到
等你呀

佢黎香港嘅時候係咪有男朋友+仲掛住條頸鏈

睇落去咪知囉
不過可以透露一下（因為可能要幾後下先會講到呢一點）
佢係自己一個人黎香港嘅


同埋我喺呢11年以黎，只係見過佢3次 （前2次都唔喺香港）序章前9個月有見過佢（不過唔係喺香港）


全部都會講嘅

今日出多一篇：


M比驚喜我，我無理由兩手空空零準備嘅。

想稍為off topic一下先：基於香港嘅優質勞（奴）工保障係無最高工時，又加上我係黎生同類（訴求就係翻工），所以我生命中真係有1/3嘅時間係比咗工作嘅。雖然早就練成咗每日瞓4-5粒鐘就夠嘅神技，但偏偏我又鍾意玩（又或者正如我呀爸呀媽話齋：屋企有針咭咁）。我每星期故定有一日同朋友打麻雀、有1-2日會去 happy hour（以上活動都一定煙不離手）。

正常持續住咁嘅生活，體能理應係差到無朋友。不過因為某一個原因（遲下會提到），我嘅體能比一般完全零運動嘅香港人好少少嘅。但喺無熱身嘅情況下，加上身上著嘅並唔係運動服而係一般辦公室星期五嘅 smart causal，再加上啱啱食完煙無耐，一口氣由皇后像廣場嗰度衝去蘭桂坊嗰度都幾係嘢（尤其係徳己立街條斜路）。

我跑去蘭桂坊做乜？為咗去一間叫花奴嘅鋪頭度買花。呢間鋪唔平（但都唔貴），但贏在地理位置夠方便加上開到8點幾9點（如果喺中環仲有更好選擇嘅不妨推介一下）。我求其揀咗束花俾埋錢之後就再急步行返去地鐵站過尖沙咀。喺地鐵上，我先開始有時間定一定神去享受一下嗰一刻期待嘅溫馨感。


（明天lunch左右繼續）

支持巴打賜酒先

我覺得直接轉晒中文對話會好啲

推

我都係跟返11年前咁咋。
有無人都係咁諗？

如果覺得齋中文好啲，就負皮呢一個reply

嘩！我當年live，估唔到十年後追多次

保持返而家個寫法啦

啱啱發覺個題目打錯字

親密，唔係親蜜

下次改返

新讀者lm，係真人真事？咁而家時間線係講緊11年前淨係而家，有少少唔清楚

真人真事（當然會加少少鹽同醋啦）

成件事係由2002年相識到2019年嘅事
之後時間線會跳翻去2002年嗰陣嘅

多謝你支持先

UCL巴打

因為太過期待，所以時間感覺過得特別慢，尤其係又有人喺金鐘站衝閘搞到地鐵又開門閂門。對於呢啲等多2-3分鐘都唔肯而搞到成車人每人要浪廢多10幾秒嘅仆街，真係想一腳伸呢啲人落車再叫佢考返個「優良地鐵乘客牌」先好再搭地鐵。

好不容易終於到咗尖沙咀，一個箭步由iSquare出口出去，經過龍島求其再買盒朱古力塞入背囊，過條馬路就到帝國酒店。呢間咁嘅平3星酒店，完全無咩嘢所謂經過lobby要登記或者乜，掂行掂過坐電梯去到17樓、搵到1702號房後，我將花束放到門的一旁再懷住緊張嘅心情輕輕敲門。

我仔細地聽著門後那從房內由遠到近的腳步聲，感受著腳步抵達門後停下來但還沒有開門那幾秒鐘。這大概3秒的鐘的靜寂，給予我最後調整緊張心情的機會。我會緊張，是因為我還在意；我希望她這3秒鐘的心情，也是一樣的。

門慢慢的開了，門後站著的是一個非常熟悉卻又帶著一點因為很久沒見的絲絲新鮮感。

我「Long time no see」
「好久不見了」

M「indeed」
「真的好久了呢」

我們禮貌的輕輕擁抱了一下，雙目對視，微笑著。


〈序章完〉

待續


下午3點左右