以前覺得「精神病」離自己好遠…

以前有少少前科 見過社工但好抗拒睇醫生
因為唔想被標籤精神/情緒病
但以前最多長期低落 中曬思想陷阱 無動力 𠝹手咁
當時靠自己意志力 以為屈服咗
估唔到時間黎到今日又翻咗黎…

個腦運算能力變低
長期都覺得好似實曬 但又不斷load緊咁
好似個腦啲ram用到爆曬咁

呼吸困難
換氣幾快都覺得唔夠氣

個頭會物理上覺得繃緊少少痛但忍到
但唔知點解未去到暈 但腳步有啲浮 無飲酒

可以突然
失控爆喊 收唔到聲
喊到塊面都麻痹曬咁 以為自己要中風

自殘 以前有𠝹手習慣 但係戒咗嘅
依家腦入面不斷重複戒手會舒服翻 好爽嘅念頭
最後都係忍唔住 不過以其他方式
撼頭埋牆 希望轉移專注力 或者撞醒個腦
而拎翻起刀似乎只係時間問題

又唔知點解個人一崩或者接近崩嘅時候就會手震
明明就咁喊都唔會…

爆嗰刻係自己覺得頂唔順
覺得無辦法再壓抑 handle到
即刻去搵啲自己學校啲學生counselling service
打個電話去問下 打算即刻walk in
但佢話無… 今日無人得閒…
咁都無辦法啦 咪book最快嘅日子囉
咁樣book最快果日要等到下星期尾…

原本鼓起曬勇氣要reach out
自己依家又開始縮
覺得小事姐 ez啦 可能過兩日無事
自己handle到嘅
但自己已經擺唔到個社交面出黎
甚至難專心同人交流 集中唔到
氣又透唔到 腦又諗唔到
講條毛咩 仲點笑點回應
好彩都有啲frd陪下照傾下啲on9嘢咁
可能分心咗 啲症狀暫時消失啦

但始終無可能24/7幫我
得返自己嘅時候會feel到
暫時舒緩翻嘅腦袋又開始慢慢累積緊啲嘢
咁情緒係個人問題 解鈴還須繫鈴人我都知道的

但好明顯你係無病呻吟啦
攬住啲非理性諗法咪抵你死囉
只係你自己想扮病 全部嘢都係你嘅心理暗示
其實你依啲小事 大把人慘過你 嚴重過你啦
只要忍住 唔喊 唔自殘 唔叫春
調整呼吸 打下機咪無事
公院精神科等耐你N倍啦 無撚野啊
依家啲小朋友抗逆力 抗壓力咁低嘅？
搵啲嘢學下 搵下工仲好啦
垃圾post 拉

不要諱疾忌醫

你當糖尿病咁，要食藥控制，唔會好，但食咗可以正常生活

𠝹手個位係中醫調理精神差嘅一個穴位
我懷疑點解人會𠝹手係你個穴位極需要刺激，令你不惜代價流晒血都制
建議試吓針灸
叫中醫特別針𠝹手嗰度

咁你肯去睇醫生未

睇醫生啦
支持你

好多野你自己係控制唔到！唔係你問題！反而有需要真係睇下醫生仲緊要，你仲候生，唔好俾壞情緒影響自己！加油

攞白卡咪幾好 大把優惠

你唔開心係因為你血清素低過其他人
你只係好似感冒咁 身體有某個地方唔舒服

所以你感覺唔開心係好正常 亦無嘢需要收埋

你只要踏出第一步 開始睇醫生 問題就可以逐個解決

人大左就會覺得依啲嘢好正常 我身邊都有好多朋友會去睇精神科 大家都係好普通返工放工既上班族

輕鬆加油！

抑鬱都差唔多係流行病嚟

可以學習下靜觀
對情緒開對精神幻像會有多D認識同幫助

我都有少少
試下接受自己係咁廢
之後發現原來自己係咁都可以存活咁耐
處理到咁多野

試吓落街跑吓

隔日跑 跑兩個星期再睇吓點

情緒病其實就好似普通感冒咁
唔好將佢放到咁大去睇
我真係建議樓主去睇吓醫生
如果唔係遲啲病情可能會惡化
食完藥係真係會舒服少少
同埋如果你狀態OK嘅可以做吓運動
跑下步又好做吓瑜伽又好
我覺得做運動出一身汗都係一個好好嘅發洩方式