本身自己一路讀bba一路自學研究寫game搞左幾年，各方面都樣樣識d，但唔係專精，太難既野都係要靠人
呢幾年一路有搵freelancer合作，但其實好唔穩定
試過俾人抄橋
試過俾人偷檔
（佢造既模組但佢自己拎左黎賣，事前有講明所有權係我既）
試過server俾人ddos
（事後發現係個fd酸鳩我果隻game跑到出黎，佢同個fd傾計果陣自爆，有哂對話圖但我個server已經無左，果陣俾佢打到間公司唔俾我再連番入去）
一路都好多問題，一路都各方面自學/網上論壇問人/請人解決
最後都叫有隻game平穩咁生存緊
易家想搞studio係因為想做一d更大型既game，以前一向都係搞手機遊戲，因為快同簡單，但我最想搞電腦遊戲，而且最主要既目的係想進步
但因為網上請人實在太唔穩陣
所以想有間實體公司，會有法律保護
呢幾年各方面儲左一筆錢，打算趁自己後生時實行呢個夢想
我只有幾次開鋪買賣既經驗，遊戲界我係初次嘗試
營運方式
有人話最平既做法係請人，然後每星期開一次會回報情況，我覺得支出係減到好多既，但有個office係到可以確保到員工真係係到做緊野，而且可以即時知道咩問題咩情況
自己既角色分配
以前主要係用C#同C++,一般太複雜既野或者唔重要既野我會請人做，例如一隻game既網上連線設定，玩家既交易系統。我唔識做模組。我個人比較鐘意level design，而且我認為自己既設定係一路都有明顯進步，但我知道搞公司自己就未必係動手做果個。咁除左商務上既野之外，我係比較適合做邊一個方位？問呢個問題係因為過往我都係差唔多自己做哂，隻game簡簡單單都要搞超過半年。
地點
誠信，番工生活= 香港
價錢= 大陸
希望各位巴打提出下d意見，無論好壞都多謝你地意見
識得既真心唔好相認唔該
同時間做幾隻game咁勁
