https://lihkg.com/thread/2545157/
正皮大幅領先 呢個係討論嘅前提
希望唔好又有人留言 咩你又知佢原意係咁？
你對號入座之類 嗰個post就係證據同討論前提
好喇 佢條片就係講緊連登近日嘈交嘅狀況
大家睇完會覺得嘈交嘅兩位好可笑 好煩
好無謂 只會令啲人走晒 係咪？
從而引申到繼續嘈黃藍定義 就好似兩人咁
只會有相同嘅結果一〉抽得好應
但係其實條片偷換咗概念 睇清楚兩人嗌交嘅前提係講唔講多謝呢種小事
所以無論佢哋係好斯文咁溝通
定係好似片中咁屌晒老母
佢哋嘈交嘅原因本身就係無謂可笑的
條片帶俾你成件事好無謂嘅感覺
其實好大部份係出於嘈交嘅原因本身
只有一小部份係佢哋嘈交嘅態度
睇返連登嘅現況
嘈緊嘅係一個關於個黃藍底線原則嘅問題
可能最尾冇一個明確嘅結果或者共識
但係其實嘈嘅過程 至少已經令人留意到
（最少佢哋已經留意到）
唔多唔少維持緊黃圈嘅震懾力
如果出名嘅藝人明目張膽為紅或藍商代言
（不討論佢是否黃）
喺連登卻掀不起一絲波瀾
比起現況 邊一個比較可怕？
事實係咪淨係因為唔講多謝互屌老母咁簡單無聊？
係佢哋嘈交嘅原因本身就係無謂可笑嘅前提之下
其實佢哋嘅語氣係點，根本唔太重要，最尾都唔會有個有意義嘅結果。
但係對於香港人來講 黃藍議題並唔係無謂可笑
討論內容比喻失當
所以 可能嘈嘅過程並不高質
但唔代表討論嘅係冇價值
何況本來連登就係普羅大眾上嘅論壇
用粗言俗語又有何問題？
假如片段內容係一群人認真討論正事
例如開會／參與論壇之類
途中有人出嚟 互屌老母 推來推去
最後迎來同樣嘅結局
我都會同意佢抽得好應
可惜現實係 重疊嘅只有嘈交嘅態度
其他嘅背景全部都係唔同嘅
事實係佢地已經將原則問題偷換貶低到
同唔同人講多謝嘅Level
當然荒誕感會放大左 但到底本質係咪一樣？
純粹為咗戲劇效果？
定係怕人繼續嘈會嘈到去自己個後花園？
希望大家諗清楚條片 比喻得啱唔啱
講一下我覺得點解嗰個post咁多正評
1）試當真多fans 無可否認
2）個個都鍾意抽離自己 日日睇連登日日留言 但係有事發生嘅時候 自己就係自己 連登仔就係連登仔 我永遠唔會係俾人攻擊嗰個 最多只會係花生友
最後講句 有啲問題唔係你收起唔講就可以避免
有人堅持 有人覺得要因應現況改變 稍微後退
佢哋兩個開始嘈起上嚟 內容相當粗俗
有人見狀拍片扮佢哋嚟恥笑
有人更離開人群附和一齊笑
最後得返佢哋兩個俾人團團圍住
哇有嘢睇啊 好好笑係咪？
但係我話俾睇到呢度嘅你聽
我哋大家都係連登仔
唔歡迎討論 瞓覺了
