[老爺車維修連載] 個玻璃底托霉到咁款 點算好？

高質

佩服

高手....

高汁留名學野

唔好長期日曬雨淋既話 香港落地既車都唔會生銹得太嚴重

歐洲買返黎既二手車多數都車底嚴重剝蝕 可能係因為佢地冬天會灑鹽黎融雪



上圖係70年袋benz sl 風鼓位置 蝕到變鐵粉

下圖係 70年alfa spider 2000 右裙腳 斬開沙板入面骨架可以見到入面都蝕晒

有冇lancia beta
剩番地下一堆鐵粉

BETA未整過 DELTA就整過兩架

有高人

三紅巴好堅揪

拆開櫈底睇下咩構造，如果要改底一吋咁就要鋸走佢地再整過



底座要受力 所以用厚身鐵條造支架，鋸開一邊睇下啱唔啱size 啱位就繼續搞



仲有條調校座位前後既路軌 鑽窿 dup牙裝埋上去 中間有個奇怪凹位 磨好咗先合到體 搞掂就開焊機燒焊 噴油痴返塊皮



咁就完成 不過未放得上架車度 師傅仲有其他地方要搞 唔好阻住佢



車主除咗嫌張櫈太高 油門腳踏亦都唔就腳 下次就講下師傅點整腳踏系統

介紹下整緊呢架係乜車黎

馬田DB Mark III 1957年 好似係當年jame bond封面車
冇授權唔敢亂影大頭相 睇下google圖啦




老爺車本身緊係冇冷氣啦 係之前我地加上去既

又隨地執舊料黎用 用車床車件軸承出黎 再搵條鐵條做槓桿 鑽窿上螺絲固定 講就三幾句 車咗成朝先完成



鐵枝用風煤加熱 燒到紅晒變軟就可以屈角度 跟住拎去車度試下啱唔啱心水 來回唔知搞咗幾多次... 冇數計就唯有係咁樣loop



進度好緩慢 收工下星期繼續

週末得閒執返d舊相出黎講下以前d舊工程

有冇整過波子 964 993？

有 早幾年好興嗰D日系唯美風 幫964改過包圍變肥

舊圖未整理好 睇住先 呢個綠色部分係外國買返黎既964用後轆裝甲 圖中可見件野個孤度非常奇怪 搞到我一身鑊氣 仲畀人質疑我自把自為亂鳩黎

我係睇雜誌參考個實際孤度再畫紙樣用鐵板dup出黎燒焊 一肚烏氣咁做好撚唔舒服

整好條槓桿 跟住整埋個腳踏





搵鋁合金黎做 夠輕



太厚啦用鎚扑唔郁 用積床壓個腳踏形狀出黎 然後打磨雕刻拋物線



然後發覺唔撚夠長 要燒焊加多一截 冇乜機會燒鋁合金 終於有機會練習下 唔知要幾長 鳩駁一大節先



又挾又燒搞到表面花晒 用砂輪打磨下佢 最後成副裝晒落架車度 任務完成



裝埋張櫈落去 可以去試車啦

油門係連去呢度



呢個位係化油器 即係將d汽油霧化再吹入引擎盤頭畀火咀點火既機械 入面有個叫做蝴蝶葉既門戕 出面有個扣畀wire扣住 踩油門就即係扯條wire 咁蝴蝶葉就會打開畀更多生氣入落去引擎點火系統入面 同時踩油又會增加電油輸出 咁架車就會行快d

好勁

搞掂架馬田 alfa仲有手尾要執



有d鐵鍍邊唔見咗 要揼返出黎



整埋d碼仔卡落去 碼仔螺絲用錫固定 度好車身位置就可以放上去



黐膠紙畫線 對準晒鑽窿再塞落去



咁就搞掂晒啦

咁整法，總支出洗唔洗幾十萬？

定會過百萬？

利申：唔識

60左右啦 我都唔清楚老闆收幾多

以為手頭既野做好晒 緊急任務又出現



日產唔知乜車 買咗個底擔氣壓升降系統返黎 睇個款都要三四皮野



個膠箱入面塞咗一個氣泵 一舊電腦 一個relay盒 仲包埋一個氣缸 奇妙既係個氣缸塞埋入去就閂唔埋箱蓋 明明係成套買返黎 點解裝唔到入去呢? 咁撚貴既野買返黎又要改

任務目的係要吊住個缸係箱入面 又唔可以掂到個泵 同時又要裝得到d喉嘴 又要諗下計啦

漏咗張氣泵相 就係要將個缸放喺佢上面