【甜甜地既愛情故事】《港女FF妄誌》(九)

情況惡化緊...

控制唔到火勢...

有蔓延跡象...

咁係唔係即係越黎越危險？

越黎越危險...

對灌救緊既消防員黎講...係越黎越危險...

越黎越危險...阿Ken會越黎越危險...

越黎越危險...越黎越危險...

唔會既唔會既～點會呢點會呢～

真係危險既話，上頭都唔會俾佢地入火場啦～

你估仲好似當年嘉利大廈既咩～

唔會唔會～一定唔會～

唔會好似廿幾年前咁～一定唔會～一定唔會～

唔好自己嚇自己啦～

唔好俾D失實又誇張既報導嚇親啦～

嘩眾取寵咋嘛～我懂的～

都係唔好睇咁多…都係唔好睇咁多…

唔睇就無野架喇...唔理就無事架喇...

唔睇唔理...我個心又點可以話真係可以平靜落黎...

我個心都仲係好亂...仲係好擔心...

好擔心阿Ken...好擔心阿Ken既安危...

冷靜D...冷靜D...

唔可以亂諗野...唔可以亂諗野...

萬一假如如果真係大吉利是講句有乜西瓜豆腐...嗰邊都會打電話俾我架嘛…

係囉...係囉...無電話到就無事啦...

就喺呢個時候...

“典 經 法 為邪定界 色 空 相 怎樣理解 解 亂置好與壞”電話響！

我成個人嚇左一嚇！個心真係好似跳左出黎咁！

亂...亂置好與壞...

“生 死 似 斷橋敗瓦”

生...死...似...斷橋敗瓦...唔係真係咁…咁...

“真 假 似 水月鏡花 花”

我手震震咁...喺檯面上...喺檯面上...拎起...拎起部...拎起部...電話...

“盡吐恩與義 乍愛變恨”

唔好丫...唔好真係丫...唔好真係...唔好真係...

我望一望個Mon...

『Doris？！』個Mon正正就係顯示住Doris個淫樣！

我頂你個...

『我頂你個肺呀？！』我一接聽電話就忍唔住破口大罵！『做乜打電話黎呀？！』

無啦啦打電話黎，想嚇死人咩？！

「我岩岩去左洗手間諗住唔返入黎咪打電話問你食得飯未囉～唔使頂人個胸丫嘛？」Doris嗲聲嗲氣咁既樣...

『食…食飯...』原來不知不覺已經到左放飯時間...

「係丫～行得未丫你？」Doris追問一下...

『哦...哦...行得行得...』食飯...食飯...

「咁我喺𨋢口等你啦～」

『嗯嗯...𨋢口等...』

食飯…食飯...都係食左飯先...

我執一執好D野...拎埋個銀包仔...望一望部電腦個Mon...望住個Yahoo新聞...

迷你倉大火...迷你倉大火...

都係唔好睇！

我閂一閂埋個網頁就行出公司門口！

一行出公司門口，Doris就打量一下我：「無見一陣間姐，做乜面青青咁既？」

『下…係咩係咩？無...無丫...』我摸下摸下自己塊面...其實係摸唔到自己塊面有無青到...

「唔係喎…你嘴唇都白白地咁喎...你真係無事丫嘛？」Doris再認真D咁打量一下我...

『無…無...無事…無事...真係無事...』我係怕阿Ken有事姐...

「嗯...」Doris見我話無事，就唔再追問落去...（不過佢個樣就好似有D猶豫...）

講真嗰句...又點會唔擔心到面青口唇白...

自己既男朋友做消防既，平時都總係會擔心...

只可以用“邊有咁多大件事”做藉口安慰自己...

但當真係有大事發生之時...乜藉口都係呃唔到自己...

只可以求神拜佛...阿Ken平平安安...無穿無爛...

帶住提心吊膽咁既心情...同Doris黎到茶記...

「丫～我頭先去洗手間都唔記得拎埋個銀包添～詩琳～幫我出住先～」Doris成條小蟹枊咁笑笑口...

『哦...哦...』我已經無心情去理Doris係唔係有心走去洗手間扮晒唔記得拎銀包...實質係要我出錢...

我只係好專心咁睇住茶記裏面部電視...

可能係茶記裏面太嘈...又或者部電視機無開到聲...我聽唔到電視機發出既聲音...

我只係見到畫面係播緊無記新聞...

播緊火災現場...

迷你倉火災現場...

喺畫面裏面可以見到...好多煙...好多濃煙...成個畫面都係濃煙...

好似好…好嚴重...

呢場火...好似真係好...好嚴重...

「喂～叫野食先咯～好肚餓喇～唔該～」Doris淫叫一聲...

「黎黎黎～兩位靚女想要D乜？」個肥佬侍應就望住部電視咁行過黎我地呢邊...

「一個B餐凍奶茶～」Doris好快咁叫左野食...

「一個B餐凍奶茶...跟住？」個肥佬侍應一路望住部電視一路落單...

『一樣...』我都無意識去諗食乜...

我只係好留心咁睇住部電視...同在座所有食客都一樣...一樣好留心咁睇住部電視...

我好留心咁睇住畫面裏面D細字...

但可能坐得太遠...又可能我有D近視...又可能部電視唔係高清...又可能D字太細隻...

就算我幾咁留心矇起對眼黎對焦...都總係唔可以好清楚咁睇晒裏面D字...

我就只可以睇到...睇到...三…三…三級...

係三級火嘛？

呢場火...已經係三級火？

我聽過阿Ken講：「一般黎講...如果場火升到去三級...都真係同三級片一樣咁嚴重...」

嗰陣時佢D語氣仲幾凝重...但我就覺得佢似嚇我多D...

之不過到左而家...到左真係發生...我又真係...好擔心...

我好擔心嗰陣時阿Ken唔係講笑...而係講少左...

實際上...三級火比起三級片...更嚴重...

今晚出完

三句預告

我真係好擔心...

好似從來都未試過咁擔心..

事實上...往往都係發生左先識得擔心...

Ken唔好食

Ken唔好死

Ken唔好死

我仲想問你唔想食D乜

Ken唔好死

我仲想問你唔想食D乜

太緊張打錯字

Ken唔好死

我仲想問你唔想食D乜

太緊張打錯字

我都好緊張成日打錯字

睇到外面啲post搞到好想買S8

有乜咁好

純粹覺得個樣好靚，對比自己部SE好似上世紀科技咁 不過SE真心好用

SE起碼唔會咁易跌機

Android就HTC la
啱啱發布左新機 u 11

三叔永不錄用