【甜甜地既愛情故事】《港女FF妄誌》(九)

1001 回覆
15 Like 3 Dislike
2017-05-26 18:55:50
工已收 下星期又六月

就半年了



2017-05-26 18:56:00
工已收 下星期又六月

就半年了




2017-05-26 18:59:29

上回講到詩琳睇到電視裏面既火災現場好混亂咁~
又聽到班食客話有兩個消防員喺火場失去聯絡咁~
詩琳就好緊張!
仲留意住會唔會係阿Ken!
無幾耐,班食客話其中一個失去聯絡既消防員係廿八歲姓鍾!
詩琳就發晒茅咁衝住出去餐記,連Doris叫住佢都無理到~
詩琳一直衝~一直跑~向住火災現場衝住跑~
唔知跑左幾耐,只係知好似跑極都唔攰咁,好快就跑到黎火災現場~
跟住既劇情發展又會係點呢?





準備出文

2017-05-26 18:59:41
一直跑...一直跑...

燶味已經好濃烈...

我就一直跑...一直跑...

跑到馬路上...跑到黎封鎖線前...

「小姐小姐!前面好危險!快D離開!」一名警員攔一攔住我!

『我男朋友係消防員!佢喺火場裏面失去聯絡!我想睇佢有無事呀!』我推一推個警員,嘗試衝入封鎖線!
2017-05-26 19:01:04
「小姐小姐!你冷靜D先!唔好阻住救人!」警員繼續攔住我!

「我要入去呀!俾我入去呀!」我就繼續推!用盡全力繼續推!

我要入去!我要見阿Ken呀!

另一個警員見我死衝爛衝,都走到過黎幫手攔住我:「小姐小姐!你唔好阻住晒啦!快D去安全既地方啦!」

「俾我入去!俾我入去呀!我要知我男朋友有無事呀!」我根本就聽唔入耳!

就係一心諗住要入去搵阿Ken!

確保喺火場失去聯絡既唔係阿Ken...確保阿Ken係平安無事!
2017-05-26 19:01:44
「小姐小姐!你聽我講!失去聯絡嗰兩個失消員都救左出黎喇!仲送左去基督教聯合醫院添喇!」其中一個警員大聲咁講!

『送左去基督教聯合醫院...送左去基督教聯合醫院...』

「係丫!兩個都送晒去基督教聯合醫院搶救喇!」

『送左去基督教聯合醫院搶救...送左去基督教聯合醫院搶救...』你唔早D講...你唔早D同我講?!

基督教聯合醫院...基督教聯合醫院...

我望一望附近仲有邊條路係無封到...
2017-05-26 19:02:09
基督教聯合醫院...基督教聯合醫院...

我望到對面馬路仲有車行緊...

基督教聯合醫院...基督教聯合醫院...

我立即跑到對面馬路...

基督教聯合醫院...基督教聯合醫院...

左望望…

基督教聯合醫院...基督教聯合醫院...

右望望…
2017-05-26 19:02:46
基督教聯合醫院...基督教聯合醫院...

望下有無的士...

基督教聯合醫院...基督教聯合醫院...

望左好耐...終住俾我見到有架紅的!

我立即衝出馬路!截停架的士!

架的士一急停,我就立即衝上車!
2017-05-26 19:03:38
「痴線架咩你?!車撚死你架!」我無理到個的士佬噏乜!

『基督教聯合醫院!基督教聯合醫院!』我拍住司機座位口噏噏!

「屌!原來真係趕住去死!」的士佬一路開車又一路口噏噏咁...

『基督教聯合醫院...基督教聯合醫院...阿Ken唔好有事丫...阿Ken唔好有事丫...』我完全無視個的士佬有乜不滿...只係識得一路祈求阿Ken唔好有事...

阿Ken唔好有事...阿Ken唔可以有事!

神丫…我好日都唔求下你...今次我真係求下你唔好俾阿Ken有事丫...
2017-05-26 19:04:09
好多人都係咁...唔大難臨頭都唔去求神拜佛...

或者咁樣真係好自私...

或者咁樣真係好唔誠心...

但人就係咁架啦...

好好地地平平安安仲求D乜野?

就係衰到貼地先黎求神保佑架嘛!
2017-05-26 19:05:01
『一定要無事...一定要無事...開快D啦!』我大大力拍一拍司機座位!

D死人的士佬就係咁!

平日唔趕時間就有車過車!有燈衝燈!

但當你趕時間既時候就鬼死咁守交通規則!

「快撚緊囉!死癲婆!」仲要鬧下你先安樂!

我就唔理個死人的士佬鬧我乜都好!總之佢肯開快D就得喇!
2017-05-26 19:05:56
坐喺架的士裏面真係好心急!

望住盞燈就轉紅...

『衝過去啦!』我忍唔住又要大大力拍一拍司機座位大聲講!

「屌你抄牌你俾呀?!」個死人的士佬就好唔順氣咁一邊俾油一邊開口屌!

『你俾人抄幾多我Double俾返你!總之你就同我踩盡油啦!』我又忍唔住手不停大大力拍個司機座位!

「屌!真係唔知今日行乜鬼衰運!俾個痴線既癲婆我載!」個死人的士佬就勁唔順氣咁踩下踩下個油門!
2017-05-26 19:08:00
話我癲?!

你再唔踩盡油門衝住去既話,我就真係癲俾你睇!

好彩既係接住落黎D燈位都係綠燈!

個死人的士佬又真係聽聽話話踩盡個油門衝住去!

逢車過車...一路衝...一路衝住去!

唔使幾耐就黎到基督教聯合醫院!
2017-05-26 19:09:23
『唔使找喇!』我Dom左張一百蚊紙落的士佬身上!

「嘩!咁撚辛苦先收得你嗰一舊水真係多撚謝晒喇我屌你老母!」個死人的士佬大大聲聲咁口噏噏...

我當然就唔理佢咁多,落車立即衝入醫院!

但喺急症室門外,就已經見到有勁多人...

有D係病人...有D...應該係記者...

而且仲有兩架白車停左喺門外,正正就送緊病人入院!
2017-05-26 19:10:02
係火災現送過黎既傷者嘛?

當中會唔會有消防員...會唔會有阿Ken?

我就跑多兩步...跑入去急症室...

入到去急症室裏面...就更加多人…

有好多病人喺道等緊...

又有好多醫護人員走黎走去...
2017-05-26 19:15:17
『阿Ken...阿Ken...』我口噏噏咁...口噏噏...

“由於急症室出現緊急情況需要處理,次緊急輪候時間會...”

我見到有個護士喺我身邊行過,我就立即捉一捉住佢:『阿Ken喺道丫?』

個護士好似好匆忙咁:「邊個阿Ken丫?你坐低等啦!」

『送左入黎既消防員呀!』我再捉實D個護士,唔俾佢走!

「唔知喎!而家好多人等住救架!你唔好阻住晒啦!搵個位坐低先啦!」個護士Fing一Fing開我就行左去...
2017-05-26 19:15:45
阿Ken...阿Ken...

我再望一望...四周望一望...

我望到有幾個消防員企左喺道...

幾個一身汗水...又成身灰灰黑黑咁既消防員...

我就走上前,隨手捉住其中一個消防員:『阿Ken佢點丫?阿Ken佢點丫?!』

個消防員呆左一呆:「下下?小姐你邊位丫?」
2017-05-26 19:16:20
『我問阿Ken佢點丫?阿Ken佢點丫?!』我捉實個消防員隻手臂搖下搖下!

但個消防員好似唔知我問乜咁...呆望住我...

『講呀!講呀!阿Ken佢點丫?阿Ken佢點丫?!』我用力咁搖住個消防員隻手臂!

唔好發呆得唔得呀!我要知阿Ken佢點呀!

幾個消防員聽到我大聲咁問,都望晒過黎!

其中一個消防員帶住疑惑既眼神望住我行過黎:「你係...阿Ken既女朋友...詩琳?」
2017-05-26 19:16:34
工已收 下星期又六月

就半年了





2017-05-26 19:16:53
『係丫係丫!我係阿Ken個女朋友丫!阿Ken佢點呀?』我無理到個消防員係唔係識得我...認得我...

我一心就係想知阿Ken有無事!

「阿Ken?阿Ken佢今日唔使當值喎!」個消防員一頭問號咁望住我...

阿Ken佢...

『唔使當值?!』
2017-05-26 19:17:05



今晚出完



三句預告

我一頭問號又呆晒咁望住個成身大汗...又成面灰塵既消防員...

唔使當值?

阿Ken今日唔使當值?!
2017-05-26 19:17:26
工已收 下星期又六月

就半年了






2017-05-26 19:17:27
時琳完全痴左線
2017-05-26 19:17:59
時琳完全痴左線

如果係你你會點呢
2017-05-26 19:18:02



今晚出完



三句預告

我一頭問號又呆晒咁望住個成身大汗...又成面灰塵既消防員...

唔使當值?

阿Ken今日唔使當值?!

偷食
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞