幼師真係慘過做狗

超超超長文，純粹個人觀察同感受 歡迎發表意見 不喜隨便插

先講背景，自己唔係做幼教亦唔係教育界人士所以最初既幻想係幼師番工好chill 每日都係對下小朋友做下簡單文件就準時放工 當然知道佢地要用私人時間打教案/改下薄但都應該會相對上輕鬆 人工亦都唔差同普遍專業人士差唔多

但呢兩年見番身邊好多當年讀左幼教+入左行幾年既朋友同埋之前交友app識到幾個都係做幼教既女仔講完個事實之後發覺呢行真係俾狗做 (真心覺得係慘過工程狗/it狗)

1. 校長/主任永遠是對的
幼稚園內既所有野都只係以佢為中心 佢既意見就一定係最正確
當然行行都係老闆最大 例如只要校長係某日發神經想要b主題就可以隨時推番曬之前傾好同意左而老師們又做左好多日既a主題 呢樣真係同正苦有得比
另一樣比較嚴重而非常直接地增加老師們workload既主因相信就係呢行既standard 就係冇standard
幼教入面唯一既standard就係校長/主任個屎忽腦當刻諗到既野 當然下一分鐘已經唔同左但唔好意思佢係唔會同你講 而係等你完成曬先話你知佢唔鍾意同埋佢冇講過要咁做

其中聽過樣(我覺得)比較誇啲既係新年間老師聽校長話用好好好有限既資源做完3個傳統中國風壁報之後下一秒主任話佢覺得校長會唔鍾意要求老師拆曬落黎再整過 當然再做完之後都又要重做啦不過今次搞笑既係校長睇完鬧完之後話想要啲創新既野同聲稱自己冇話過要咁傳統 果下呢位幼師朋友真係即刻想爆喊

2. 無限咁多野做
覺得寫教案+改薄+照顧下小朋友同家長感受既我實在太天真 真實既幼師係要自己貼錢整教具/工作紙/補充/壁報/所有文件既版面設計同埋數之不盡既無謂on9工作 例如自資幫校長搞生日會
當我知道原來所謂既整補充係除左諗內容/出問題之外 老師係需要做埋每一頁既排版/外型/執字粒同埋最白痴既每頁都要一個獨立唔重覆既板面design講緊既唔係10頁而係50幾頁果下我真係呆左
再講某部份幼稚園會要求老師每個月或者每星期update一次校內所有既壁報而當時係疫情期間根本冇小朋友番學 但重點係果時老師係需要準備無限咁多ppt+拍片+剪片+zoom上堂 更慘既係老師係跟校長要求改緊第6次補充排板同design果時主任同佢地講 "呢啲野係俾你地番屋企做架 唔好諗住係工作時間做而唔做其他野" 果下覺得真心on9 原來老師份約用隱影墨水寫左放工時間要包埋做義工
另一樣都幾爆既野係原來某部份校長係唔鍾意小朋友有做錯呢個concept所以佢地既每一份功課都可以有100分 但當然唔會淨係收神童讀書啦所以最後就老師要用多幾倍時間改薄 因為要將錯既野擦左之後再扮小朋友寫番岩先可以tick+俾印仔 呢樣唔止加左workload仲令到小朋友更加接受唔到挫折同學唔識應該要學既野

3. 人工低
對比佢地既工作量 老師們人工真係超級低
先唔講某部份學校要求老師每個月帶錢番工(出糧小7/800話係學校收既福利金)22-27k請個老師番黎話就話做自己班務同教書但大部份幼稚園為左每個月慳萬幾蚊而叫老師輪流出校務署幫手做埋文書野+校長個秘書 但唔好意思如果你自己啲野因為冇時間而做唔切既話都係會俾人鬧 好聽啲既就直接鬧你做得慢冇鬼用 難聽啲既就一直單單打打例如話"你咁樣效率係呢行係生存唔到架 當年我做老師果陣xxxxxx"不停地俾說話你聽 心諗成日想當年 當年人地食樹皮添啦你又唔食？做咩晏就食飯姐出去食樹皮啦

另一個致命點相信就係死廢老當道 幾個朋友都一齊講過呢個point 就係只要一個校長主觀覺得你有問題你就好難轉到園因為佢會不停地唱衰你而其他校長都只會聽校長們講既野 完全唔理你有幾多年經驗/見工時show到啲咩俾佢睇 加上人工同經驗成正比呢樣野係幼師身上係唔存在因為只要你一轉園不論你幾做得同唔做野都好 人工就會打回原型重新起步 呢點真係非常之唔公平完全係抺殺左一個人多年既努力
另一樣野都幾白痴同埋冇人權 就係幼師請任何假包括有假紙既病假都係一律扣人工計 我曾經幫一個朋友分析過份約 約上清楚寫明所有假期包括病假係按雇傭條例安排即係所有人都應該合法地擁有最小兩日有薪病假 但唔好意思朋友話曾經有同事撐過之後人工照扣之外仲逼校長逼走埋宜家轉行做緊文員 所以事實係你點撐都係冇用因為校長會用會計出唔到數/唔岩學校規矩為由去打發你 而再爭取既話換黎既只有永遠轉唔到工同埋權力打壓 所以話校長真係同正苦一樣佢想點就點

睇到呢到既你相信大概都feel到我想講啲咩 就係唔好入行除非你願意為自己發聲如果唔係你只會做得非常非常辛苦

聽完一班幼師既故事之後其實問題既最根本真係班廢校長同埋任何事都冇standard 我都明行行都有呢啲人但當兩樣野加埋之後真係將一班好有熱誠既幼師慢慢推落谷底 睇開啲既就會慢慢接受同被同化之後被改變埋人生觀覺得所有野都應該要係聽曬人話就岩 企得硬啲既就無奈地離開呢行放棄自己想做既野而去打份完全唔想做既工

我唔可以話上面講既野代表到最真實既情況因為有啲園都做得好好 校長/主任都好開通同願意去改變 但一定唔會係個別case
睇到呢度我諗好多人都準備覆/問 重點呢 講咁耐想表達啲咩
其實最想既係各位老師可以團結發自己發聲而唔係不斷說服新入行既呢個世界係咁 冇錯呢行係咁行行都係咁而所有人都係為左生活先欣然接受 但有冇諗過有時為自己講多兩句可能都唔係想像中咁難？可能2/3個老師一齊講自己意見已經可以推翻到改變到呢 最後想講既係希望睇到呢篇文而又係家長身份既你有時投訴應該要投訴個校長或者果幾個主任 因為8成時間佢地先係罪魁禍首

啲校長真係土皇帝嚟

女人最識扮慘㗎啦

唔係做幼師 唔評論你講嗰啲問題 但以入行門檻咁低hd asso都做得嚟講 個薪酬嚟講算係咁 一入行就接近2皮 大把大學生fg都冇
除非幼師全面學位化 否則一車車供應 你唔做大把hd asso仔去填你個位 呢幾年個個mk妹都話要做幼師 校長大把選擇啲老師驚冇咗份工自然唔會出聲反抗

加上啲校長通常一世都喺學校呢啲相對簡單嘅環境打工 對住學生惡慣 喺校園裡面最大就係佢 幾乎完全冇人去制衡個校長 其實中小學都大把呢啲例子 興德已經係

我知鬥慘冇意思 但係你講老細五時花六時變 啲家長(客)又西呢啲幾乎冇一行可以避免 ot嚟講更加比唔上audit engine嗰班人 唔覺幼師係比起其他工種慘

呢幾年hd grad基本上要由助教做起 有degree先叫容易啲搵正教位 不過聽講就算有degree都好難搵工 因為太多院校開幼教program 同埋個市都唔好

行行都慘
End topic
唔係行種問題
問題係人種
香港人有權力的劣根性
永遠自私

如果連degree grad嘅都供過於求 咁大家都明點解校長咁惡啦

另外就係幼師需要嘅hard skill比起其他行業 例如醫護engine it等等嘅專業工種嚟講 真係算低 但入行個月薪拍得住甚至超過呢啲專業工種 工作環境對小朋友多 相對簡單 又冇咩厭惡性嘅野要做 我覺得個人工算對得住個份工

一出嚟20k up人工 咁都慘過做狗
你對狗嘅定義都幾闊

你講既野
大部分行業都係咁
應該話打工係咁

講到尾都係睇校長on 唔on9

好簡單,其實DSE時代好多人17/18歲選科,有幾可17/18歲就可以foresee到未來社會工作現實會係點你用左出黎做野角度去expect班17/8歲既年輕人係唔公平,當然一定有醒目既,但只可以話唔多

有得meet鳩啲小朋友面豬登都要呻
有冷氣涼既工都要呻
宜家打工既女人真係難服侍
不如做雞算啦人工高 時間又夠彈性

點解講一個職業慘過做狗 就一定有人衝出嚟話xxx仲慘啦鬥慘有咩意思

利申： gf做幼教 真係幾辛苦 星期一至日都返工放工都係做公司嘢

唔係話幼教唔慘
但你話慘過工程...

工程一星期番六日,日日番足12個鐘
有時要14個鐘 仲要又熱又曬 。。。
又要比人鬧

因為開一個post講某職業慘過做狗 本質上就係鬥慘 做唔做狗本來就係相對 當嗰個職業對比其他已經算舒服嗰陣就唔係叫做狗 醫生都on call36小時好慘又要見血見死屍 但冇人會話做醫生慘過做狗

幼師對比其他職業 ot時間不及工程audit 厭惡性不及護士地盤 日曬雨淋又唔洗 甚至對比同界別一樣要浸家長校長嘅中小學老師 又唔洗比學生challenge 又唔洗追成績target 又唔洗高學歷有pgde先入到行

只可以講個人工對比工作量已經係合理 否則唔會年年一車車人仆倒去入行

佢無一個字同其他行業比較

眼殘sorry

樓豬知唔知點解做工程會俾人話工程狗/it狗