想澄清返，由上年九月尾開始，我已經冇再參與黃絲英文班嘅嘢。

講明先，除咗成人台之外，我已經好耐冇上連登。

一年前，我有一日屎忽痕想贖罪。因為我已經去咗外國好耐，見到香港手足抗爭，又自覺自己參與度不足，去吓集會開吓Twitter就當出咗力。諗咗一輪，見到英國開咗個BNO Visa，所以就忽發奇想去開一個英文班幫手足準備去外國。

如果唔識我嘅，等我介紹返。我以前教英文班嘅時候，係用 Deadpool 呢個 Tutor 名。

第一個學期嘅編排同規模，我係有主力參與籌劃。我自問亦都盡咗自己最大努力去做好呢個項目。唔係話我做得好，只係話我盡咗自己努力。大約係第一個學期嘅第八個禮拜，我發覺自己同其他導師開始有意見分歧。再三思量之後，認為自己退落嚟，等其他導師接手管理同行政，會對大局發展更好。之後因為我個人言行嘅原因，有其他導師禮貌地邀請我離開，而我亦樂意遵從。

呢件事係七個月前發生嘅，大約係上年九月尾。耐唔耐都會有學生Message我，問我關於英文班嘅嘢，而我都回應話我已經離開咗，已經冇份參與呢個英文班嘅任何嘢。除咗本身相熟嘅導師之行，我亦都冇同任何導師保持聯繫，亦都冇同學生保持聯繫。

我早兩日見到有個英文班招生嘅Post，好奇禁入去睇吓，睇咗幾頁留言之後眼都凸埋。特別係有一個留言來自一位叫「茜絲」嘅絲打。唔知係唔係打手嚟。我以下係照引用呢位絲打嘅留言內容，隻字不改：
屌你老母你小學中學老師教撚到你要報YSE好撚專業咩？你咩小學啊？
你話你想練多啲speaking，唔想聽grammar，咁你連basic grammar都唔識，點樣溝通？you is so intelligence
免費嘢你expect啲咩
其實你quit/俾人踢，我覺得好慶幸，因為手足啲諗法唔撚係咁樣
你好似嗰啲老馮旨意人地幫你打救香港嘅死港豬
你老母係雞
捐錢比612都昆錢
冇撚嘢啊？唔撚係黃絲就咪撚報啦垃圾

先唔理呢位絲打係真假學生先，我睇到好心寒。就算我想幫人嘅初衷再失敗都好，冇可能會咁樣去回應其他學生嘅意見。屌人老母，串鳩人話「You is so intelligence」，話自己係免費嘢所以唔應該有要求，屌人係死港豬，話人老母係雞，提供反向意見嘅人就唔係黃絲，就係垃圾。

而家連登真係識一兩句英文惡哂？可以肆意踐踏唔識英文嘅手足？

見到其他留言話，有學生私吓約出嚟，俾導師警言，俾人踢出去，俾人Mute咗三日。原來而家啲導師仲自己執行埋限聚令，出埋告票。仲要打正旗號，話導師唔收錢，剩係叫人捐幾百蚊，啲錢唔係入自己袋，就即係免費。仲要開埋話上連登免費班想要幾專業，然後重覆話自己已經付出咗好多。

請謹記，我呢個Post嘅重點唔係想話英文班有乜問題，因為我已經冇參與好耐，所以完全唔知內情，亦唔知任何來龍去脈。

我想澄清返，其實嗰班由上年九月尾開始，我就已經冇再參與。如果有手足係因為見到「英國巴打」呢個名，想聽佢教書而參加，或者係因為以為英國巴打會一直由開始到最後都持續參與，而報名嘅話，我想係度講聲，其實嗰班已經完全冇我份嘅咗好耐。

又有新一輪花生?

多謝你意見，我會認真考慮

走咗就唔講得嘅咩？

嗰位巴打應該打手嚟，笑吓就算。
聲譽尤關，陣間連登啲手足以為壇嘢我仲有份，就唔好啦嘛。
我係成人台仲要出沒㗎。

點解會有打手

唔會有打手㗎啦
人哋叫咗由得個post沉
做嘢雙重標準
班tutor 可以自己圍內交換個人資訊
Tutee 就唔可以
出啲聲明講乜嘢私隱安全
係驚嘅你哋自己都唔好交換呀嘛

我係phase1學生，而我嘅言論都係我個人意見
粗人一個，所以冇乜文化，唔巧意思

但你係想引起討論嘅話，應該對我公平啲，俾人睇我回應嗰位受害者嘅所有回覆

黃絲英文班第三期第二輪招生，最後19個學位！
https://lih.kg/2460387
- 分享自 LIHKG 討論區

另外，嗰位受害絲打，如果你睇緊呢個post，我想話你知，我真係等緊你啲證據黎幫你

其實會唔會係你嘅小學雞程度理解唔到篇文

如果離開咗就唔可以講任何嘢，唔可以澄清任何嘢，唔可以回應任何嘢，
咁英文班真係惡過中共。我結尾講得好清楚，出Post嘅原因係想澄清壇嘢我冇份好耐，希望大家唔好入我數。

笑死
我記得班tutor 自己都有出去聚會啦
嗰日係星期六嚟㗎嘛

內情我唔知啦
但上年九月尾之後嘅嘢
無論係好定壞
記得唔好入我數

又係你條臭五毛

所以話果個唔知叫咩實驗，真係證明左權力係會使人腐化
憎當權者，好大機會只係佢地唔係當權果個。
一旦權力落喺果班人手上，佢地就會好似而家咁濫用

咁撚得閒講廢話 不如做多啲正經野

你條死狗公好意思話人