［新手］塔羅練習

最近疫情係屋企無聊自學咗幾個月塔羅
歡迎各位有煩惱嘅巴絲打留低你嘅問題
唔占健康問題
時間性問題只可以問到最近半年內
如果有特定對象嘅話記得講明返
唔係結果可以差好遠
同埋如果你想要一個更加準確嘅答案
條問題越specific越好
不過如果太私隱而又想占嘅話可以留低你嘅tg
我會搵返你

我想問愛情 依半年出唔出到pool

分別幫你抽咗嚟緊六個月嘅出pool運勢
今個月- Ace of Wands 今個月係有滿滿行動力好想去做啲嘢增加自己出pool嘅機會 keep住嘅話係一件好事因為個人有行動力先會提升自己吸引到人嘅機會
第二個月- Reversal of Judgement 但睇嚟第二個月你想出pool嘅行動力就會比啲嘢阻礙咗 又退回返之前冇咁有行動力嘅時候
第三個月- Reversal of the Fool 呢張牌接連住第二個月 比第二個月更加缺乏行動力出pool 而原因係可能因為你想移民 所以唔想理出pool住(?)
第四個月- Reversal of Nine of Cups今個月係半年以內最大機會會遇到適合你嘅人 但因為你都幾想移民而猶豫不決好唔好更進一步
第五個月- Eight of Swords 承上 呢個局面令你陷入咗痛苦嘅局面 而困住你嘅係移民同出pool不可兼得(?)
第六個月- The Hanger Man 因為你做唔到決定 而且唔見得你會揀呢個人 所以最後你出pool嘅進度會停滯不前=半年內出唔到pool

建議嚟講嘅話 如果想出pool 最大機會係第四個月 所以可能要改變你呢個魚與熊掌不可兼得嘅諗法btw如果完全錯曬嘅話請細力啲屌同埋可以留言同我講返 唔好怕尷尬我都想知道有咩地方可以改善同做得更加好

想問下同另一半嘅關會唔會長遠，硬係覺得男朋友有野瞞住自己咁，而個樣野可能會影響到我同佢之間嘅關係
麻煩晒你

呢半年有冇出pool機會

見你嚟緊考試幫你打個靚尖
會唔會pass- Ten of Swords 你見十把劍插落個人身上個天仲要黑色就知個答案係唔會...

有錯請指正

oh shit

想問事業
依家啱啱開展緊自己嘅副業，想問下嚟緊順唔順利，有咩需要注意或者改善
感謝巴打

現況- Two of Cups 張牌嘅兩個人就正正影射緊你同你男朋友仍然係處於一個穩定嘅交往狀態

選擇坦白- Ace of Pentacles 你同你男朋友嘅關係開始穩定而且有茁壯成長嘅基礎 亦因為咁你想坦白
結果- Reversal of Page of Wands 佢對你嘅熱情減退咗

冇選擇坦白- King of Wands 佢係一個好有行動力嘅人 你坦白與否佢都會自己發現
結果- Reversal of Ace of Swords 佢對你嘅信任減退咗

就咁睇牌面呢半年內都唔會分手 除非有其他突發事件改變咗佢或者你嘅諗法不過你都唔洗太後悔同佢坦白 因為都見到其實你坦唔坦白結果都差唔多 佢有諗法係真嘅 但熱情既然倒退咗同樣可以重燃 我相信你哋可以長長久久 加油
有咩想問或者有錯都可以同我講返

想知依半年搵唔搵到intern