我識得有個朋友,佢成日聽到毓民喺佢耳邊講野,又好鐘意陳雲套城邦論;有次佢沖涼感覺到佢頭頂有電流通過,相信自己得罪咗共產黨,而家俾共產黨操縱緊思想,覺得好多人係間諜要殺咗佢。
有一日我聽聞佢入咗精神病院,我探佢嘅時候護士同我講,佢喺個病房入面不停宣揚城邦論,話毓民同陳雲都係好人,仲大大聲話要啲「壞人」「小心做人」(陳雲tone),因為佢覺得身邊啲共產黨間諜想用鉛筆殺死佢。
我探佢嗰陣佢仲同我講,佢覺得自己身處喺虛擬實境入面,問我點樣醒返;又話我俾人玩緊.....可憐一個陳雲與毓民嘅教徒,見到咁嘅情況,我都唔知點同佢解釋其實陳雲同毓民已經反咗目......